CLICK HERE FOR BLOGGER TEMPLATES AND MYSPACE LAYOUTS »

2008-07-21

خلف قضبان اللغة



وقفتُ خلفَ قُضّبانِ اللُغـَة

تحجُبُني عنكِ بعضُ كَلِماتِ

...

فأيُ بلاغةٍ توفيكِ حقـَكِ ؟

و جمالُكِ فاقَ كُلَّ البلاغاتِ

...

فلا تُضاهي الكِناياتُ شوقـي

ولا وجدي يُوصفُ باستعاراتِ

...

أما المجازُ فقد جاوزتي قدرَه

فإذا بحُسنِك فوقَ التشبيهاتِ

...

هَربتْ مِني القَوافي بِوصفِـكِ

وازدادتْ في الأوزانِ سَقَطاتي

...

وما عادتْ بحورُ الشعرِ كافيةً

فلا مُستفعِـلاً ولا مُستفعِلاتِ

******

وقواعِدُ الصرفِ لا أخضعُ لها

فقد مَلأني مِن قيدِها الضَّجـرُ

...

فشَرعتُ في وضعِ قواعِد لي أنا

و رُحتُ بِها أُعدِّلُ وفيها أبتكِـرُ

...

فصِرتُ أنـا بِهـواكِ مُبتدءاً

وصارَ هواكِ لي وكأنهُ الخَبرُ

******

فإذا أبعَدتنا القيودُ العَقيمة

سأُحطِّمُها لكي أبقي بِقُربِك

...

وإن مَنَعتْ صوتِي أن يصلَكِ

فسأصرُخُ بالفضا إنِي أُحِبُك

...

و لو عارَضتني كُلُّ اللُغاتِ

فلتذهَبْ اللُغةُ وليبقي حُبك

....

83 التعليقات:

loan forgiveness يقول...

Who says NO?


loan forgiveness

Unique يقول...

ابيات رائعة الوقع في النفس ..

العنوان كمان لافت وجميل

عندي لو سمحتلي ملاحظة على البيت :

فصِرتُ أنـا بِهـواكِ مُبتدءاً

وصارَ هواكِ لي وكأنهُ الخَبرُ

المعنى حلو اوي بس في رأيي ان التعبير بالتشبيه

( وكانه ) افقد المعنى جزء كبير من قوته

يعني ممكن تكون جازم اكتر زي مثلا

( هو الخبر ) .. البديل اللي تلاقيه

متناسب مع لغة الابيات ووزنها

خالص تحياتي

شهد الكلمات يقول...

هيييييييييييييييية
تاني تعليق

يعني حاجة مش جديدة عليك و متوقعة
الفكرة جميلة جدا بجد و الكلمات راااااائعة
بس كنت تسميها احسن هَربتْ مِني القَوافي

و في ملحوظة ارجوا تقبلها ماتزنقش نفسك في قالب الحب و الاعجاب بالحبيبة بس
نوع انت الاول كنت بتكتب حاجات اكتر تنوع زي لما غلي الغنا ع الفاكهة و مش هسافر و كدة

لكن طبعا انت في اللون ده مبدع و متمكن

تحياتي

ورود و أشواك يقول...

و لو عارَضتني كُلُّ اللُغاتِ
فلتذهَبْ اللُغةُ وليبقي حُبك....

*****

الحب ... كلام لا يعرف اللفة
و لغة لا تعرف القواعد
و قواعد ليس لها أحكام

أهنئك على سن قلمك المتوهج
و أهنىء نفسى اننى من زوار هذه المدونة الساحرة
انت فين من زمان ؟
بجد كان نفسى اقرى لحد عنده القوة الأدبية دى غير شعرائنا المعروفين

ربنا يزيدك

و أتفق مع أخى يونيك فى تعليقه بخصوص المبتدأ و الخبر

دمت بكل ود و خير

فارس بلا جواد يقول...

د/فارس بلا جواد
فعلا
دكتور بدرجه شاعر قدير
ابدعت فتخيل كتبت

دمت مبدعا بكل خير

تحياتى

كاميليا يقول...

ما شاء الله

أجمل غزل قرأته

ما شاء الله عليك

ربنا يحفظك يارب

دمت مبدع
مرهف المشاعر

تحياتى واحترامى

sendrlla يقول...


ربما تظن انك فارس بلا جواد وربما اظن جوادك هو قلمك
انحنى وارفع القبعة لك ولجوادك ولحبيبتك
ولحبك قبل كل شئ
بجد اشعارك واوزانك فى منتهى الجمال
يا بخت حبيبتك بيك
تحياتى
..................
سندريلا

enjy يقول...

يا ربى على الكلام بجد جميل .......
مش عارفة اعلق على جملة معينة عشان كل الجمل تحفة ومعبرة ومحترفة

Blue Nile يقول...

إزدادتْ في الأوزانِ سَقَطاتي...

اعترض بشدة عالجملة دي

ازاي يعني امال الحاجات دي بتتطلع ازاي منك؟؟؟؟؟

الاوزان بتنهار قدام موهبتك
الصور بتتجمل من كلماتك
القوافي مُسخرة لشعرك
النحو والقواعد تلين لعباراتك

اقول ايه تاني؟؟؟؟

ماشاء الله عليك ربنا يبارك في موهبتك
رائع رائع رائع

سارة علي يقول...

حسبتنى اعلم كيفية الكتابة الى ان علمت طريق احرفك ....وجدت الامية دروبى السابقة....اتمحور حول النقاط واذوب فى قهوة الاسطر الدافئة ...انجو مرة بفعلتى فى تركك واخرى تانبنى ابجديات حبك لتاسر اوردتى لديها للابد ....وبهذا فانا بدونك قلب بلا اوردة
معلش طولت عليك بس اعمل اية بجد انا كنت مستنية البوست الجديد بتاعك وكعادتك تلهمنى تعليق لا ادرى كيف خطتة يداى
تحياتى

الفارس الملثم يقول...

هههههههههههههههههههه

اكثر من رائع يا فارس , بتختار افكار مدهشه وبيكون تعاملك معاها مبهر

يعني لو انت معملتش ديوان مين اللي ايعمل ......

دام ابداعك

تحياتي دائما

رؤية يقول...

روعة...
حقيقى انت فارس قلمك!!

MEDUS يقول...

جميل استمر تهانئتى لك والى الامام

Cold air يقول...

السلام عليكم
ازيك يا فارس

أولا الفكرة تحفة مع انها متكررة إلا انك تناولتها بإسلوبك الرائع
ثانيا خلف قضبان اللغة
لما انت مسجون نبقي احنا إيه بقي محكوم علينا بالإعدام ^_^
تالت حاجة الحب لغة رقيقة مش بتتقيد بأي قواعد سواء صرف أو ري ^_^
معلش أصل ده قسم ميه عندنا في مدني
و بالنسبة للنقد فهردهالك و أكتفي بالإعجاب

مع تحياتي

purplewaves يقول...

تقول "وقفت خلف قضبان اللغة، تحجبني عنك بعض كلمات" وأنا أرى أنك قد روضت الكلمات فعبرت أدق تعبير عن قبولها لقواعدك وقوافيك، فقد حطمت القيود ولم تعارضك اللغة لأنك أبدعت في استخدامها

تحياتي

سفروتة يقول...

انا بجد مذهووووووووولة

اسمحلي ارفعلك القبعة

بجد كلمات اللغة كانت في خدمتك في توفيق سطور القصيدة

حقيقي حضرتك فنااااااااااااااااااااااااااااان


تحياتي

:)

احلام اليقظة يقول...

انا هتصل بالمجمع اللغوى
انت هتغير كل حاجة فى
اللغة علشان الحبيبة
هههههه
عامة اذا غيرنا الدنيا كلها
من اجل الحبيب
فلن يوفية حقة

البوست جميل
مش عارفة اقول حاجة
والفكرة حلوة اوى

تعرف نزار قبانى بيقول...

كلماتنا فى الحب تقتل حبنا
ان الحروف تموت حين تقال...
مش دايما اللى بنقولة
بيبقى التعبير الصحيح
عن ما نشعر

دومت بخير

nody_1987 يقول...

الللللللللللله
يابختها الى امها داعيه لها
الكلام رقيق
فكرتنى بمحاضرات العروض بالقوافى والبحور
تحياتى

canary يقول...

طبعا غير انها جميله ومعبرة
اهتمامك بقواعد اللغه زادها جمال ورقى
تقبل مرورى
تحياتى

فارس بلا جواد يقول...

loan forgivness
...............
أنت بس مين اللي مزعلك؟


unique
.......
يا اهلا بيك ونورت المدونة
أشكرك علي الاشادة
أتفق معاك في ملاحظتك ولكن أنا أستخدمت كلمة (كأن) لسببين
أولا الوزن .. فهي كانت الأنسب
ثانيا وهو الأهم لكي أحافظ علي القافية وهي الراء المضمومة
فخبر كأن مرفوع
لكن لو كانت مثلا ( صار هواك لي الخبر )
كانت هتبقي خبر صار منصوب ( الخبرَ )
لكن أحييك علي ملاحظتك فعلا


شهد الكلمات
............
شكرا يا شهد علي الكلام الجميل
وبالنسبة للعنوان شايف ان العنوان اللي اخترته ( خلف قضبان اللغة) أكثر شمولا يعني بيشمل القوافي وكل الحاجات اللي ذكرتها
أتفق معاكي أني بقالي فترة ماشي علي اللون ده بس بجد حاسس أني لسه ما خلصتش كل اللي عندي .. لكن أكيد التنويع مطلوب و أوعدك قريب هتشوفي حاجات جديدة
تحياتي

فارس بلا جواد يقول...

ورود وأشواك
.........
كلامك جميل .. وفعلا الحب يتجاوز كل القواعد والأحكام
وأنا أهنيء نفسي انك من زوار مدونتي الكرام واللي رأيهم بيهمني جدا
و أنا مش بقالي كتير في التدوين لسه جديد يعتبر .. وإن شاء الله تنوريني بتعليقاتك في كل اللي جاي
وبالنسبة للمبتدأ والخبر أتمني أني أكون وضحت وجهة نظري
تحياتي


فارس بلا جواد
...........
أزيك يافارس ومنور المدونة
وبعدين لما تلاقيني اتاخرت في الرد علي التعليقات المفروض ترد بدالي ما احنا الاتنين واحد يا راجل
ههههههههههه
تحياتي


كاميليا
.......
متشكر يا ملكة الرومانسية .. وشرف ليا شهادتك دي
وميرسي علي دعاءك الجميل .. و يا رب تفضلي منوراني دايما
دمتي بكل الود

فارس بلا جواد يقول...

سندريلا
......
متشكر علي تعليقك الرقيق بجد
و أكيد ان القلم بالنسبة لي هو الجواد والدرع والسيف
أما بالنسبة للحبيبة .. فالأشعار دي لسه من وحي الخيال ما رحتش لصاحبة النصيب
تحياتي


enjy
....
متشكر يا أنجي .. وأنا يهمني بس الرأيي العام .. والحمد لله أنها نالت أعجابك ويارب كل اللي جاي كمان
تحياتي


blue nile
.........
يا ربي
أيه الكلام الجامد ده .. بقي أنا كل ده؟
ربنا يخليكي بجد ومبسوط قوي أن الشعر عجبك ويارب تكون فكرته مش تقليدية زي ما وعدتك
وميرسي علي كلامك الرائع والدعاء الجميل
ودمتي بكل الود

فارس بلا جواد يقول...

سارة علي
.......
لو أعرف أن كل بوست باكتبه هيخليكي تطلعي الكلام الحلو ده كنت نزلت بوست جديد كل يوم
كلامك مميز جدا بجد يا سارة وانتي ماشاء الله موهوبة فعلا
ربنا يزيد من موهبتك


الفارس الملثم
...........
أهلا يا محمد .. منور يا فنان
مبسوط ان الفكرة وطريقة التنفيذ عجبوك .. وأنا باحب فعلا أجرب أفكار غير مستهلكة .. و كلامك أكيد بيشجعني في الاستمرار بنفس الطريقة
وشكلك كده هتقوم في دماغي موضوع الديوان ده
هههههههههههه
أنا بجد مش مهم عندي أن الشعر ينتشر بقدر ما يهمني أني أخرج اللي جوايا
تمنياتي لك بالتوفيق


رؤية
....
أشكرك علي الاشادة .. ونورتي مدونتي بعد غياب .. ويا ريت لا تحرميني من شرف زيارتك الكريمة
تحياتي

شهرزاد يقول...

ليس في الحب لغات
إنه لغة واحدة
لا يعرفها إلا كل قلب قد نبض بالحب
وعرف معنى الشوق وأضناه السهر

ولا ألومك إن أصبحت أسيرا للحب فلم تسعفك الكلمات في وصف مشاعرك
فتلك المشاعر من الصعب علينا وصفها

قصيدة جميلة كالعادة
أبدعت في التشبيهات والعبارات

تحياتي لك

فارس بلا جواد يقول...

medus
.....
أشكرك علي الاشادة وعلي كلامك المشجع ويارب دايما أكون عند حسن ظنك

فارس بلا جواد يقول...

cold air
.......
وعليكم السلام
متشكر علي رأيك ومنورني أكيد
وفي الحب الكل مسجون خلف اللغة لأن ببساطة الحب الحقيقي لا تصفه كلمات ولا تعبر عنه أحرف
أما بالنسبة للصرف أو الري فهو مش نافع مع الحب .. عشان كده هاجرب نظام الحب بالتنقيط
مش عارف دي عندكو في مدني ولا ايه
ههههههههههه
نورتني ولك كل التحية


purplewaves
..........
أشكرك علي شهادتك التي شرفتني بالتأكيد
ولكن أري أن الحب يصل أحيانا لدرجات لا يستطيع أن يعبر عنه أكبر الشعراء وأكثرهم موهبة .. فما بالك بالعبد لله


سفروته
......
أيه الاسم العسل ده .. منوراني في أول زيارة .. ويارب تتكرر باذن الله
ومتشكر علي كلامك الجميل .. ومبسوط جدا ان الابيات عجبتك
دمتي بكل الود

فارس بلا جواد يقول...

أحلام اليقظة
..........
ههههههههههه .. المجمع اللغوي مرة واحدة .. بس لعلمك لو عرفوا مقدار الحب وروعته ممكن يسمحوا بالتجاوزات دي
شكرا علي رأيك اللي بالتأكيد بيشرفني عشان أنتي شخص مبدع وموهوب
ومعاكي حق واختيارك موفق لشعر نزار .. نحتاج مزيد من التعبيرات والصور الجمالية .. بل مزيد من الأحرف لكي نوفي الحبيب حقه
دمتي بكل الود



nody
.....
ههههههه الله أعلم أذا كانت أمها داعيلها ولا داعية عليها .. بس أكيد رأيك أسعدني .. وأهو بردة أعتبريها محاضرة ببلاش في الاوزان والعروض
تحياتي


canary
......
تشرفت بزيارتك الاولي .. واسم جميل لمدونتك
ومتشكر علي رأيك المشجع ويارب يدوم التواصل بينا



شهرزاد
......
مش عارف أقول ايه بعد كلامك
انتي قلتي كل حاجه بجد .. متشكر علي الكلام العميق اللي بيدل علي تفاعلك مع كلماتي وده شيئ بيسعدني بالتأكيد
وكل مرة لازم أقولك أن صورة لاميس اللي حطاها جامدة جداااااا
تحياتي

ADAM يقول...

السلام عليكم

أحسنت يا فارس هذا الزمان الحيد

الكلام جميل

اللغة راقية

المشاعر والأحاسيس وصلت بسهولة

ولكني استميحك عذرًا

أن تتقبل بعض ما أرى

***********************

فإذا بحُسنُك >> بحسنـِـك

وإزدادتْ >> ازدادت

كافية ٌ >> كافية ً بالنصب

فلا مُستفعِـلٍ ولا مُستفعِلاتِ

>> فلا مستفعل َ ولا مستفعلاتِ

أن يصلُكِ >> أن يصلــَـكِ


هذا وبالله التوفيق يا صديقي

وأرجو ألا يزعجك هذا التصحيح

فهو ضروري لكي يكتمل العمل

تحياتي


آدم

فارس بلا جواد يقول...

adam
وعليكم السلام ورحمة الله
أولا أرحب بك في الزيارة الأولي .. وثانيا أشكرك بشدة علي ملاحاظاتك .. وقد تم التصحيح .. وأنا دوما أسعد بهذة الملاحظات لأن تلافي الأخطاء يزيد من قوة العمل .. وأرجو ألا تبخل علي بمثل هذة الملاحظات وتتكرر زيارتك بإذن الله
تحياتي

Angel يقول...

فارس ..

أنت معنى الحب
وأنت من يترك بين كلماته مشاعر
تجعل نبضاتي تتزايد بتزايد كلماتك
فأسمح لي بأن أقول أنك
أنت فارس الغرام
تقبل مروري في صفحتك
التي تحتويها
مشاعر
حب
وصدق
ومشاعر
آآآآه
أعجز عن وصفها فبداخلك حب
لم أرى مثله من قبل
فلك مني كل الإحترام والتقدير
ينحني قلمي لك
يشكرك على روعة إبداعك
فأنت المبدع
وستظل المبدع
.
.
محبتي لك
Angel Love

dr.Roufy يقول...

سعيدة جدااااا يا دوك باكتشاف مدونتك الرائعة سعادة لا ينقصها الا غصة لتأخري في هذا الاكتشاف
اراك طوعت اللغة بكل خصائصها لتصوغ كلماتك البهية
دُم بخير
:)

بنت مصريه يقول...
أزال أحد مشرفي المدونة هذا التعليق.
بنت مصريه يقول...
أزال أحد مشرفي المدونة هذا التعليق.
بنت مصريه يقول...
أزال أحد مشرفي المدونة هذا التعليق.
بنت مصريه يقول...
أزال أحد مشرفي المدونة هذا التعليق.
بنت مصريه يقول...
أزال أحد مشرفي المدونة هذا التعليق.
بنت مصريه يقول...
أزال أحد مشرفي المدونة هذا التعليق.
بنت مصريه يقول...
أزال أحد مشرفي المدونة هذا التعليق.
فارس بلا جواد يقول...

بنت مصرية
(وجون وجون وجون
بص شوف فارس بيكتب ايه
قال منهج العربى كله الله عليه
من كنايه لاستعاره ما ترد وراه يابن الايه
مين اللى بيكتب عنها دى اكيد الجو يابيه
لا لا دى باين عليها مزه وبت ايه
تفتكروا هييجى مدونتى
طبعا امال ايه

هههههههههههههههههههههههه
اتمنى تنورنى )

...........
معلش أسف بجد وانا بامسح التعليقات الزيادة بتاعتك مسحت التعليقات كلها عشان كده نزلت التعليق بتاعك تاني
..
ومتشكر علي كلامك الجميل ده .. ما انتي ليكي في الشعر اهو كمان ههههههههه
واضح ان القصيدة عجبتك عشان كده بعتي 7 تعليقات هههههههههه
أكيد ان شاء الله هازورك .. وبجد أسف لو كنت باتأخر عليكي بس اللينكات اللي كنت حافظها اتمسحت وحطيتها من الاول عشان كده كان في لينكات ناقصة عندي ومن ضمنهم مدونتك بس ان شاء الله هاضيفها واجي ازورك عشان مدونتك اصلا دمها زي العسل
تحياتي

فارس بلا جواد يقول...

angel
.....
ايه الكلام الجامد ده .. بجد يا انجل مش لاقي حاجه اقولها .. ربنا يخليكي وأكون دايما عند حسن ظنك
انت قلتي كلام جميل جدا يارب أكون أستحقه
نورتيني ودمتي رقيقة المشاعر





dr roufy
.......
الشرف لي بزيارتك الكريمة يا دكتورة
أنا أيضا لا أدري كيف غفلت عن مدونتك الرائعة .. لكن بالتأكيد سيكون لنا لقاءات أخري بأذن الله
تحياتي

hinger يقول...

بالفعل تستحق التعليق والمتابعة

nour shahen يقول...

بعد قرائتى لهذا الشعر الرائع افتكرت شيء واحد انى مبحبش النحو يا فارس ايه دا
مين بس يعجز الشعر عن وصفها الا ان كانت حبيبه ووقتها بيكون القلب والعين وكل شيء هو اللي مش قادر يوصف كل شيء فيها لأن كل شيء فيها في نظر الحبيب فوق الرائع
بس كلمات جميله وشعر جميل
بس فكرتنى انى مكنتش بحب النحو ودلوقتى ليا حق هههههههههههههه
كدا هتعقدنى يا فارس هبطل اكتب خالص مش هيجى ربع اللي بتكتبه انت
ادى فرصه للاخوه اللي بيحاولوا لسه
تحياتى

همس يقول...

بجد بجد راااااااااائعه

اجندا حمرا يقول...

عزيزي فارس

قد تخذلنا اللغه بجيمع مفرادتها في ايجاد كلمات تعبر عن عشقنا و نجد اننا بحاجه لكلمات اعمق و أقوي و يبقي الحب و العشق في القلوب اقوي من جميع لغات العالم في التعبير عنعشقنا
ابدعت كعادتك
تحياتي لك و لموهبتك الرقيقه

قلب مصرى يقول...

صديقى العزيز فارس بلا جواد
كالمعتاد القصيدة رائعة رائعة رائعة خاصة البيت الأخير
و لو عارَضتني كُلُّ اللُغاتِ
فلتذهَبْ اللُغةُ وليبقي حُبك....
بسم الله ما شاء الله
احسنت يا صديقى كعهدى بك دائماً.

أخيراً أعتذر عن التأخير فى التعليق لظروف العمل

كوارث يقول...

ازيك يا فارس
عامل ايه يا صاحبي يا رب تكون بخير
انا بقت بتوه بينك وبين فارس التاني
يعني الاول كان بلا جواد وملثم
دلوقتي اتنين سايبين الاحصنة وملثم واحد برضه .. يا مسهل يا رب
بالنسبة للقصيدة
فتشبيهاتك مش محتاجة كلام كالعادة وانا انبسطت جدا في الاول وبجد حاسس اني بقرا قصيدة للعظماء
بس لما نقلت للوزن التاني يعني مشيت معايا بس بجد الوزن التالت في نقطة الانتقال ما ركبش خالص عندي .. يعني كان محتاج زيادة اكتر في المترادفات وتطول شوية عالوزن التاني عشان تبقى القصيدة نظام واحد
وشكرًا

fire bird يقول...

حقيقى يا دكتر

مبدع

عارف انا مش لاقية ولا كلمة اوصف بيها اعجابى بشعرك

زى ما انت كنت مش لاقى كلمة توصف بيها حبيبتك بالظبط

هقول ايه

دمت رائعا ومبدعا

نونو يقول...

فااااااااااااااارس
بجد انت كل بوست احلى من اللى قبلة سيبك من الطب
وخلييك فى الشعر انت بجد غير عااااااادى
او ممكن تتخصص اطفال
وتكمل شاعر

ادم المصرى يقول...

الله عليك يفارس بجد طريقتك فى الشعر رائعه ممتاذه انتا كل بوست بتبهرنى بكلامك ربنا يزيدك من الهامك الجميل

ريمان يقول...

بوست جميل ومتميز

وكلمات رائعه

تقبل مرورى اخى حياك الله

فارس بلا جواد يقول...

hinger
......
تعليقك ومتابعتك شرف ليا .. وياريت كل الاعمال القادمة تنال اعجابك



nour shahen
..........
أزيك يا نور .. منورة المدونة بجد وحمد الله ع السلامة بعد غياب
بصراحة أنا كنت باحب النجو طول عمري وانا متفق معاكي انه صعب شوية بس أنا كنت غاويه
وزي ما انتي قلتي لما الكلام بيتعلق بالحب مش هينفع معاه ولا نحو ولا بلاغة
وبعدين أعقدك أزاي .. اذا كانت بوستاتك جميلة وبتعقد الناس
وحشتنا كتاباتك ومستني اقرا جديدك
تحياتي

فارس بلا جواد يقول...

همس
...
شكرا علي كلامك الرقيق يا همس ويارب دايما اكون عند حسن ظنك


اجندا حمرا
........
متشكر علي تعليقاتك العميقة اللي دايما تنوريني بيها
باتفق معاكي ان اللغة بتخذلنا احيانا في التعبير عن حبنا .. وساعات العشق بيصل لدرجة يتخطي بها حاجز اللغات



قلب مصري
.......
صداقتنا هذة شيئ يشرفني ..و أشكرك جدا للمتابعة والتشجيع باستمرار .. ويارب دائما تشعر في أعمالي بتقدم للأفضل
ورأيك من أهم الأراء التي أحب أن أسمعها علي كل بوست جديد
وأعانك الله علي ظروف العمل .. ولا داعي للاعتذار فأنت من الزوار الرئيسين للمدونة أو من أهل الدار
تحياتي

فارس بلا جواد يقول...

كوارث
.....
هههههههه معلش الفرسان ما شاء الله بيزيدوا كل يوم .. وبلاش تقطع الجوابات كده
متشكر علي كلامك الجميل .. عظماء مرة واحدة .. كلمة كبيرة وصادرة كمان من شخص موهوب و رأيه يهمني
أنا معاك ان أختلاف الأوزان في القصيدة الواحدة بيعمل شوية لخبطة ..وانا كنت ماشي كل مقطع بوزن مختلف .. بس المقاطع التلاته لو قريت كل واحد لوحده أعتقد هيكون وزنه مظبوط لوحده
بس أكيد ملاحظتك في محلها
تحياتي



fire bird
........
ربنا يخليكي علي الكلام الحلو ده .. ده أنا اللي مش لاقي كلام بجد أرد بيه علي تعليقك الجميل
مبسوط جدا ان القصيدة عجبتك .. ويارب كل اللي جاي بإذن الله
تحياتي



نونو
....
أهلا والله بجد تعليقك بيفرحني قوي لما باشوفه
بس عايز اسألك سؤال
ايه علاقة الأطفال بالشعر
ههههههههههههه
متشكر علي الكلام الجامد ده ومستني مشاركتك دايما في القادم
تحياتي

فارس بلا جواد يقول...

ادم المصري
........
أشكرك يا أدم .. ونورتني بزيارتك الكريمة ويارب دايما اكون عند حسن ظنك


ريمان
....
نورتيني يا ريمان .. ومرورك أسعدني جدا ومتشكر علي رأيك الحلو
تحياتي

lyssandra يقول...

العنوان حلو أوي

خلف قضبان اللغة

------------

كلمات بليغة للغاية

----------------

فلتذهب اللغة وليبقَ حبك

الحب لغاته متعددة
لو الكلام انتهي
فالحب يقدر يعبر عن نفسه

=========================

تحياتي
كلماتك جميلة بحق

lyssandra

دعاء مواجهات يقول...

عاوزة اقول ان دى من اجمل القصائد
والكلام اللى انت كتبتة بجد

اكتر من رائع

وفية حرفية عالية اوى

جذبتنى جدا

تحياااتى الجامدة ليك

منورنى ديما

سلااام

عاشقة الحب يقول...

رائع
و لا اجد بعدها تعليق

عاشقة الحب يقول...

ايها الفارس
لديك عندي واجب
اتمنى ان تراه
و تجاوبه

مع خالص
تحياتي

فارس بلا جواد يقول...

lyssandra
........
أهلا بيكي ونورتيني بالزيارة
أشكرك علي رأيك في كلماتي المتواضعة و أتمني أن تتابعي القادم ويدوم التواصل بيننا بأذن الله



دعاء مواجهات
...........
شهادتك ده شرف ليا وأكيد أعتز جدا برأيك .. وأن شاء الله يكون كل الجاي في نفس المستوي وينال اعجابك
تحياتي



عاشقة الحب
.........
أشكرك علي رأيك .. وسعيد جدا بالواجب وان شاء الله اجاوبه في أقرب فرصة
تحياتي

memo يقول...

جامدة اوى اوى اوى واتخيل واتمنى لك مستقبل باهر ان شاء الله اسلوبك جامد اوى وانت استخدمت الكلمات الموحية فى مكانها الصحيح جعلت من الابيات شئ متماسك قوى فيه شئ من الحقيقة الموحية وتجعل القارئ يتلذذ فى قرائتها ويمل عندما يفرغ منها ويعاود قرائتها ثانيتا ممكن نتبادل الروابط

بنت النيل يقول...

السلام عليكم ورحمة الله وبركاتة

فارس

بصراحة احييك على هذة الابيات الجميلة المعبرة عن المشاعر والاحساس

اول زيارة ليا ومش هتكون الاخيرة

تحياتى لك

بنت النيل

nasimlibya يقول...

فلتذهب اللغة ويبقي حبك
بجد تحفة شكرا لانك شاركتنا بهدي الكلمات الرنانة ابهرتني يا دكتور

mohammed alsha3r يقول...

جيد

سلم مداد قلمك

pusssssy يقول...

مبسوطه جدا اننا بقينا كتير نلاقى شعراء بين الاطباءفى زمن اختفى قيه الطبيب الحق والشاعر الحق.

فصرت بهواك مبتدءا............
وصار هواك لى وكأنه الخبر.............

عجبتنى اوى القصيدة بس لى تعليق صغير ع البيت ده.

من المعروف فى مجتمعنا ان دايما الرجل هو المبتدأ والمرأة هى الخبر . عشان كده كنت اتمنى انك تكون جديد وتكون هى المبتدأ وانت الخبر .

واذا كنت تقصد انك المبتدأ عشان ابتديت بحبها فتعبيرك فى محله.

لكن المرأه عندها حب تملك ويفرحها جدا ان انها تكون المبتدأ فى حياة الرجل وفى اهتماماته........

مع خالص تمنياتى بالتوفيق

Pusssssy

الشنكوتي الكبير يقول...

يا لهووووووووووي

فزيعه يا واد يا دكتره بجد بجد جامده قوي

عجبتني قوي دي انت دماغك ماشاء الله

حلوه قوي احساسها جميل قوي وفن نفس الوقت اسلوب شيك ولذيذ قوي
بجد تسلم ايدك
لا انت عايزلك علبة بسبوسه هديه على الكلام الجميل قوي ده

سلاااااااااااااااام
اخوك ايهاب

آخر العنقود يقول...

ماشاء الله عليك
كلمات رائعة واحساس جميل وصادق
حفظ الله عليك نعمه
بوركت وبورك قلمك

بنت مصريه يقول...

مستنيه جديدك يا فارس اتمنى تنورنى

الامبراطور يقول...

هاى فارس
مدونتك حلوه قوى
واضح انك استاذ دكتور بس مش فى الطب
لالالالالالالالا
فى الشعر

تحياتى

السماء الداميه يقول...

ازيك يا فارس بلا جواد ممكن اعرف رايك فى البوست اللى على مدونتى انا ميمو

المسرحجى يقول...

بجد انا مش لاقى حاجة اقولها
الناس الكتير دول خلصو كل الكلام
بس انا مستنى الكلام الجديد منك

تسعدنى زيارتى لمدونتك
ويسعدنى زيارتك لمدونتى

أميرة الاحزان يقول...

كلماتك أكثر من راااااااااااااااااائعة

حقا ... فارس للقلم أنت

دام قلمك مبدعاً ...

yoyo يقول...

د/ فارس
قصيدة فى منتهى الروعة والجمال كلمات قى منتهى الرشاقة
مشاء الله يا دكتور معبرة عن الصورة باسلوب فى غاية الروعة
المدونة كلها عن جد تستحق الاحترام تقبل تحياتى واحترامى
يويو

همس الاحساس يقول...

...


فصِرتُ أنـا بِهـواكِ مُبتدءاً
وصارَ هواكِ


\\


الحب لغة لهاااااا قواعدها ولكنها لها مفتاح واحد وباب واحد

بجد البوست راااائع اخى

واحساسك رائع جدا وكلماتك بسيطه وتدخل القلب بسهوله جداااا

tote يقول...

السلام عليكم
عظمة على عظمة على عظمة بجد انت هايل
من اجما ما قرات لك الصراحة مش عارفة الكلمات حاساها من قلبك قوى وعجبنى جدا ادخال قواعد اللغة بجد ربنا يوفقك وتمتعنا دايما

احلام اليقظة يقول...

لية الغياب دة كلة
يا رب يكون خير
حبيت اطمن عليك

احترامى

نونو يقول...

فارررررررس اخبارك مش متعوديين علليك تتاخر فى البوست كدة
لعلك بخير الحمد لله
ومفيش حاجة وهى مشغوليات شغل
ربنا معاك

malak يقول...

وإن مَنَعتْ صوتِي أن يصلَكِ
فسأصرُخُ بالفضا إنِي بحبك
بجد رائع اوى اوى الوصف
تحياتى

قلب مصرى يقول...

مهم قووووووووووووووووووووووووى خش على الرابط ده حالا
http://nouranelshamly.blogspot.com/2008/07/blog-post_28.html
ونتقابل هناك إن شاء الله

زى الهوا يقول...

وإن مَنَعتْ صوتِي أن يصلَكِ
فسأصرُخُ بالفضا إنِي أُحِبُك
...


و لو عارَضتني كُلُّ اللُغاتِ
فلتذهَبْ اللُغةُ وليبقي



جميل , لما بقرأ اشعار جميلة اوى كدة , بازعل انى ماعنديش الموهبة دى , اللى تخلينى اكتب واعبر

EMMY BABY يقول...

ولو انى جاية متأخرة اوى

بس مقدرتش امنع كومنتى فى التعبير عن جمال الفكرة

وروعة الاحساس

تحياتى

ايمى

.. نرمين زين الدين .. يقول...

حضرتك كلماتك وأسلوبك راااااااااااااااائع حقا

صدقا لا أجد الكلمات التي توصف إعجابي بهذه القصيدة ..

أزاد الله موهبتك
و جعلها في ميزان حسناتك

..............

princess يقول...

كلا م جميل
انا مش بحب ادى ملاحظات على اى حاجة فى موضوع الكلام ده لامى مقتنعة ان مفيش حد ينفع يقول المفروض كنت تكتب كذا بدل كذا
عشان الواحد بيكتب باحساسه
تحياتى

(green eyes) يقول...

بجد أنا سعيدة جدا اني عرفت المدونة بتاعتك.
احساسك جميل جدا ومشاعرك في قمة الرومانسيه
تقبل مروري.واتمنى التواصل بينا.