أتراكَ يا قلبَ لا زِلتَ تعشَقُها ؟
أتراكِ يا عينَ تشتاقي لرؤياها ؟
****
وتُحاولُ يا قلب َ النسيانَ عَبثاً
فتنسي الوجودَ ولستَ تنساهـا
****
و كيفَ عُمرَكَ بالنسيانِ تحيـاهُ
و إكسيرُ الحياةِ صارَ ذِكراهـا
****
عشِقتُ فيها الروحَ هائـــمةً
وعيناً جلَّ مَن بالحُسنِ سواهـا
****
وعشقُ العينِ باتَ يُهلِكُنـــي
فألوذُ مِنهُ بعشـقِ شفتاهــا
****
كانت بقربِ القلــبِ تُؤنِسَـهُ
والروحُ كانت ملجأها و سلواها
****
و يبقي الحَنيــنُ بعدما صِرنا
بالهجرِ بينَ عشيةٍ وضُحاهــا
****
تفتقدُ الأزهارُ عِطرَ ملمَسِهــا
تشتاقُ حباتُ الرِمالِ خُطاهـا
****
وأحـلامٌ فـي المَهدِ قد وئِدت
فأتي الزمانُ بِدَمعِهِ و نَعاهــا
****
وتبخّرت مِني الأماني كأنهــا
صفحةٌ مرَّ عليها الدهرُ فطواها
.....
67 التعليقات:
الله
الله
أكاد أسمع صوتك خلفك الكلمات
هامس .. حزين
القصيدة روعة روعة بمعنى الكلمة
بها مفردات كثيرا ما اشتقنا إليها
دمت مبدع دوما
احترامى وتقديرى
الله ليك يا فارس
تسلم الايادى
والقلم الذى كتب هذه الكلمات الرقيقه التى تدل على حس مرهف
دمت مبدعا
تحياتى
انت عارف يا فارس انا حسيت وانا بقرا القصيده دي اني اغنيه ايظن لنجاه شغاله في الخلفيه
بجد قصيده اكثر من رائعه , وانت شاعر وصلت لمرحلة الاحترافيه في الكتابه , واتمني اجد ديوان شعري ليك في اقرب وقت ,ده لو مكنش عندك فعلا
دام ابداعك متجددا
تفتقدُ الأزهارُ عِطرَ ملمَسِهــا
وتشتاقُ حباتُ الرِمالِ خُطاهـا
اقول اية بس
مش لاقية كلام اوصف بيه رقة احساسك اسمحلي اسطر لك الابيات البسيطة دي
تاهت الكلمات في وصف المحاسن
فالرقة و الحب في قلبك ساكن
فتتراقص الكلمات علي ورقك الفاتن
فتبرق كلماتك في ليل داكن
فتضيء القلب و كل الأماكن
و تطيب النفس من عبير روحك الفاتن
تحياتي لطبيب القلوب
وعشقُ العينِ باتَ يُهلِكُنـــي
فألوذُ مِنهُ بعشـقِ شفتاهــا
.......
ما هذه الرمانسية العالية؟؟
فارس
لقد جعلتنا نهيم في عالم الحب والرومانسية..
قصيدة رائعة كما عودتنا
دمت شاعرا مبدعا
ليس غريباً أن أجد تلك الكلمات القوية على صفحة يملكها مبدع
أكثر ما يلفت نظرى فى كتاباتك انها تعيدنا إلى قوة و جزالة الألفاظ فى العصر الجاهلى
والحفاظ على الوزن و القافية بمهارة
من يحب لا ينسى و لو بعد حين
دمت و دام قلمك المبدع سيدى
فارسسسسسسسسسسس
تحفة تحفة تحفةةةةةةةةةةةة حلوة اوى وتعبيراتك جامدة جدا فى اشتياقك للمحبوبة قد اية جميل بجد حلوة اوى تحياتى لك
مساء الخير عزيزي فارس
أسعد الله قلبك
لمحات عشقك هنا ذات وصول
فيها من الجنون ما يفتن العقل
ويجعل الفكر يحتار..
لماذا كانت تلك المفردات
يااااه
نصك محرض جدا
يقودني للتنفس عشقاً
فارس
رائع أنت حد الغرق
أجدني اتتبع خطواتك بـ شغف
تقبل مروري المتواضع
Angel Love
التقدم فى المستوى إلى الأفضل هو شعار هذه المدونة.
والإعجاب المتزايد هو شعورى نحو كتاباتك
سعدت بهذه القصيدة للغاية لأنها ((ما شاء الله)) تقدمت عن سابقتها وهو ما يحقق مقولتك أن الأفضل لم يكتب بعد
فارس
خلى بالك من نفسك
وابقى بخر المدونة يا ابنى
خايفين عليك من العين
بجد يا فارس جميلة جميلة
..............
..........
وأحـلامٌ فـي المَهدِ قد وئِدت فأتي الزمانُ بِدَمعِهِ و نَعاهــا
الصورة جميلة جدا
احلى حاجة عندك
كلماتك مش بشوفها
فى مكان الا عندك
قاموس مميز
دام قلمك حساس
كل مرة بنقي ابيات بتعجبني
المرة دي بجد محتارة
القصيدة كلها تحفة وانتقاءالالفاظ المرة دي عميق جدا
مش لاقية كلام اوصف بيه بجد
انت رائع يا فارس
أيا أيها اللؤلؤ المنثور علي ضفاف الجفا
أين العهود وأين مني الوفا
فررت من ليل بُعدِ عاصف
وعند القدوم لم أجدالصفا
وجدت نهر الحب جف جنانه
والحب مجموع ليذوق طعم الفنا
كلماتك دوما تحمل حلما
تنمو فيه بساتين العشق
وتنبت ثمرا
من عبق الجنه
دمت دوما مبدعا
ها هى ملامحك تاسر وجودى الضعيف ...ملامح تصبغ العالم ابعد عنك واقرب منك فى ان واحد ..فى قهوتى .....وسط غروب شمس اللقاء ..اسمع صوتك فى اغنيتنا المفضلة واكاد اغيب فى سماوات عطرك ...فاين انت ؟لقد اغلق باب الذكريات خلفك ولكنك تسللت وبت متجولا فى حرية داخل عقلى ومملكتى
البوست دة ممتاز انت شاعر كبير اوى ومتمكن من الفاظ واحساس انت بتخلينى انفعل بدرجة كبيرة اوى مع كتاباتك
تحياتى
بجد دا شغل محترفين ما شاء الله
و حققي نوعت في الأبيات
ما بين الغزل العفيف في
.................
عشِقتُ فيها الروحَ هائـــمةً
وعيناً جلَّ مَن بالحُسنِ سواهـا
.................
و الغزل الصريح
.................
وعشقُ العينِ باتَ يُهلِكُنـــي
فألوذُ مِنهُ بعشـقِ شفتاهــا
.................
و عجبني أوي البيت ده
.................
وأحـلامٌ فـي المَهدِ قد وئِدت
فأتي الزمانُ بِدَمعِهِ و نَعاهــا
.................
بالرغم من قسوته و ما يحمله من شجن إلا إن تصويرك كان رائع و جيد جدا لا امتياز
دمت مبدعا و متزوق
كاميليا
روعة أحساسك هي الي تجعلك تستشعري كل كلمة .. وأنا دوما أري أن تذوق الشعر في حد ذاته موهبة مثل كتابته تماما .. واحساس الفنانة الكامن بداخلك هو الذي يضيف عندك هذة القدرة علي التذوق للكلمات
أشكرك وممتن جدا لرأيك
تحياتي
أشكرك يا فارس علي تشجيعك .. وأنت الأن صرت ضيف عزيز من زوار مدونتي الكرام والذي أتشرف دوما برأيه
تحياتي
برده نجاة هي اللي لطشتها مني
ههههههههههههه
الظاهر أن أعمالنا يا فارس بتتخطف من ورانا
أشكرك علي كلامك الجميل .. ورأي يصدر من الفارس الملثم بالتأكيد يعني لي الكثير
وبالنسبة للديوان لسة مفيش حاجه .. كل أشعاري هي فقط الموجودة علي المدونة وأي حاجه بتنزل جديدة باكون لسه كاتبها .. لأن أنا واخد الموضوع هواية نوعا ما .. لكن بجد بعد كلامكم وتشجيعكم بدأت أتحمس أعطيه أهتمام أكبر
ومتشكر مرة تانيه علي رأيك اللي بيشرفني
تحياتي
شهد الكلمات
والله مش عارف أقول ايه بعد الكلام الجميل ده .. وكمان شعر .. لأ أنا مش قد كل ده
متشكر قوي يا شهد وربنا يخليكي علي كلامك الجميل
وبالنسبة للشعر اللي كتبتيه كان عايز شوية تظبيط في الاوزان هههههههههههههههه رخامة بقي
بجد متشكر جدا ويارب كل اللي اكتبه يعجبك باذن الله
شهرزاد
(فارس
لقد جعلتنا نهيم في عالم الحب والرومانسية..)
والله كلامك حسسني أني بقيت نزار قباني هههههههههه
متشكر جدا علي رقة كلامك وعالم الرومانسية لا يدخله الا من تملؤهم الرومانسية ويكسوهم ثوب الحب وأنتي منهم بالتأكيد
تحياتي لرقة كلامك
ورود وأشواك
أشكرك جدا علي الأشادة .. وأتفق معك أن بعض قراءتي لمدارس الشعر المختلفة ومنها العصر الجاهلي والعباسي قد وسعت من مداركي الشعرية وتأثرت منها ببعض الالفاظ عن الوقت السابق الذي كنت أقرأ فيه فقط لشعراء العصر الحديث مثل فاروق جويدة ونزار قباني
وهذة ملاحظة لا تصدر ألا من شخص مثقف ومطلع جيدا علي الشعر .. لذلك أسعد دوما بتعليقك
تحياتي
princess bery
أشكرك يا بيري علي الكلام الحلو ده واللي مش بيصدر الا من أميرة رقيقة مثلك ويارب كل اللي جاي يعجبك
تحياتي
angel
أشكر جدا يا أنجل علي الكلام الرقيق .. والشكر الأكبر علي متابعتك الدائمة للمدونة والتي بالتأكيد تشرفني .. وأتمني مشاركتك دوما باذن الله
تحياتي
قلب مصري
(التقدم فى المستوى إلى الأفضل هو شعار هذه المدونة.)
اذا كان هذا رأيك فهو يشرفني بالتأكيد .. لكن في نفس الوقت يحملني مسئولية كبيرة أتمني أن أكون قدر تحملها
وبالفعل هذا الكلام يضعني في تحدي مع النفس .. أشكرك جدا علي التشجيع والمتابعة وأدعو الله ان يصدق رأيك في مدونتي
تحياتي
أحلام اليقظة
منوراني بجد .. وليا الشرف أنك تقري أعمالي لأنك شاعرة وناقدة من طراز رفيع
وفين مناوشاتك النقدية وحشتني بجد
.....
وماتخافيش من العين .. كل اللي علي المدونة حبايبي ويتمنولي التقدم دايما
.....
(كلماتك مش بشوفها
فى مكان الا عندك)
ده شيئ يشرفني بجد .. وأنا طول عمري باحب يكون ليا شخصية في الكتابة ومش باحب التقليد
نورتيني يا أحلام
تحياتي
blue nile
أنا كمان أستغرب لما لاقيتك مش مختارة أبيات زي كل مرة .. بس الحمد لله أن القصيدة كلها عجبتك .. ورأيك دايما مهم بالنسبالي يا بلو .. ومستني تعليقاتك في اللي جاي دايما
تحياتي
الشارد
أشكرك علي الشعر الرائع .. وأنت شخص موهوب بجد .. وبأسعد لما أقرا بوست ليك أو حتي تعليق
بالتوفيق دايما
سارة علي
أشكرك يا سارة .. وفعلا زي ما قلتلك أنتي عند فيض من المشاعر في الكتابة .. مش في القصص والاشعار بس لا ده كمان في التعليقات
ومتشكر علي الكلام الرقيق ده .. وسعيد بتفاعلك مع الكلمات
تحياتي
cold air
أشكرك جدا علي رأيك بس لسه بدري شوية علي الأحتراف .. واختيارك للابيات رائع .. وفعلا البيت اللي ذكرته ممكن نعتبره غزل صريح بس علي خفيف .. لأن الغزل الصريح له صور أكثر جرءة من كده وأنا بصراحة ماجربتش أكتبه ومش عايز أجرب لأني مش بحبه
ومتشكر علي تحليلك للابيات وزيارتك أكيد شرف ليا
تحياتي
فارس
كلماتك كل مرة تزداد جمالاً و رقة و رووووووووووووووووووووعه ...
دام قلمك مبدعاً دوماً ...
علي فكرهالبوست جااااااااااااااامد
فارس بلا جواد
قرأت مدونتك واعجبت بها كثيرا وارغب في تبادل الروابط معك
السهم المكسور
واو ماشاء الله ايه الجمال دة و ايه الروعة دي
قصيدة رائعة سلمت يمناك
ايها الفارس النبيل
تغوص في بحور اللغة
وتخرج لنا اجمل اللآلئ
واروعها على الاطلاق
لا اجد رد مناسب لروعة حرفك
فاقبل مني دعواتي بدوام التوفيق
ومزيد من التألق والتمكن في التعبير
دمت في حفظ الله ايها الطبيب
بجد الله عليك يافارس
روعة بجد
احساسها عالى
اسلوبها راقى
الفاظها بسيطة ومعبرة
تسلم ايدك يافارس
تحياتى
ايمى
تحيا مصر
ازيك يا فارس
جيت ىهوه عشان متقولش انتا فين
انا هنا
الوغد متواجد دائمًا وابدًا ما دام الشر في البشر
احم
تعبيراتك النهارده خرافة
ما شاء الله
مش محتاجة كلام يعني
عامة يا باشا
استمر
المرة ا الجاية هخشلك في التقيل بقه !
الله عليك يافارس
دايما مبدع
انا خايفة احسدك
بسم الله ماشاء الله
بس مش حزينة اوى المرة دى ؟
دوووووووومت فاررررس
انا فعلا زعلانة انى مش ببقى فى اول التعليقات بس وعد
هحفظ مكانى البوست الجاى
أميرة الأحزان
أشكرك جدا علي كلامك المشجع ويارب دايما اللي جاي يعجبك وأكون عند حسن ظنك
تحياتي
السهم المكسور
تشرفت بزيارتك الكريمة .. وسعيد جدا برأيك .. وبالتأكيد تبادل الروابط شيئ يسعدني
تحياتي
zozo
شكرا علي رأيك الجميل .. ومبسوط ان القصيدة عجبتك واتمني المتابعة وأسمع تعليقك في القادم باذن الله
حبيبة القمر
ما أروع تعليقك .. وأنا الذي أعجز عن الرد علي كلماتك الجميلة .. وأتمني دائما أن تنال أعمالي اعجابك
وأشكرك جدا علي هذا الدعاء الجميل .. وأمين يا رب
تحياتي لرقة كلامك
emmy baby
سعيد جدا بزيارتك الكريمة يا أيمي
ومتشكر جدا علي رأيك الرائع اللي بيديني ثقة أكبر
ياريت دوما تنوريني ويدوم التواصل بينا
تحياتي
كوارث
منور يا باشا بعد غياب
ومتشكر علي رأيك اللي أكيد بيشرفني عشان من موهوب زيك
وما تقطعش الجوابات بقي
وعايزك تخش في التقيل بسرعة .. فين مناقشاتك .. أنا مستعد
تحياتي
نونو
متشكر جدا علي كلامك العسول يا نونو
وبعدين مفيش نونو بيحسد أكيد
انا معاكي أن كان في حزن شوية .. بس الابيات كانت فكرتها عن الذكري أو زي ما بيقولو الشعراء البكاء علي الأطلال
ومش مهم تكوني التعليق الاول او الاخير المهم أنك تنوريني دايما عشان رايك بيسعدني بجد
تحياتي
كلامك جميل يا فارس يا رب تستمر كدة على طول
هايل
البائسون
مممممممممم
دنيا ملهاش امان صحيح
صراحة تحيرت اقول اية ولا اية في المضمون بس هيه هذه هي الحياة
...........
بالنسبة للأسلوب جميل قوي
و عجبتني جملتين
عشِقتُ فيها الروحَ هائـــمةً
تفتقدُ الأزهارُ - عِطرَ ملمَسِهــا-
حلوة حلوة حلوة
..............
الحتة دية ضحكت فيها مش عارفة لية
حسيت انه او انك مش عارف تروح فين ولا فين
وعشقُ العينِ باتَ يُهلِكُنـــي فألوذُ مِنهُ بعشـقِ شفتاهــا
............
عامتاً تعبيرتك ماشاء الله روعة
دمت رائع ( يلا تغيير ) :D
سلامٌ عليك
جميلة اوى اوى
كلماتك
ومشاعرك
وتعبيرك عن ما بداخلك
سلمت يداك
بجد تحفة
والله انا شكه انك دكتور يا فارس
قدرتك الشعريه والادبيه ماشاء الله عليها
ايه الجمال ده بس
بقولك والله مش مصدقه
طب بص ورينى كارنيه النقابه عشان اصدق
ههههههههههههههه
اتمنى تنورنى
د/فارس بلا جواد
شكرا على نصايحك
ويارب يديم التواصل
تحياتى
السلام عليكم
ماشاء الله ما شاء الله
بجد البوست رائع جدا جدا
والكلمات مؤثره جدا وفيها احساس عالى رهيب
انا ملاحظه ان المدونه بقت احلى من الاول
دمت مبدعا يا فارس
المسرحجي
سعيد بزيارتك الأولي .. وأشكرك علي التشجيع وأتمني تكرار الزيارة
تحياتي
نعكشة
شكرا يا نعكوشة علي متابعة أعمالي .. وأكيد رأيك بيشرفني دايما
........
الحتة دية ضحكت فيها مش عارفة لية
حسيت انه او انك مش عارف تروح فين ولا فين
وعشقُ العينِ باتَ يُهلِكُنـــي فألوذُ مِنهُ بعشـقِ شفتاهــا
ههههههههههههه معاكي حق وهو ده حالة العاشق دايما مطارد باشباح الذكريات ولا يستطيغ الفرار منها
نورتيني
نهر الحب
أشكرك علي الاشادة والكلام المشجع .. ويارب دايما أكون عند حسن ظنك في القادم
تحياتي
بنت مصرية
حمدالله ع السلامة
اية الغيبة الطويلة دي .. الظاهر جو أسكندرية عجبك وماكنتيش عايزة ترجعي
متشكر علي كلامك الجميل .. وللاسف انا دكتور بس مش معايا كارت النقابة .. ينفع مشرط عشان تتاكدي؟
ههههههههههه
عايزين نقرا بقي بوستاتك الجامدة اللي زي العسل
تحياتي
فارس بلا جواد
العفو يا فارس علي ايه ..وأكيد التواصل بينا شيئ يشرفني
وربنا يوفقك
ريمان
أهلا بيكي يا ريمان .. المدونة نورت بجد.. أشكرك علي كلامك الجميل ومبسوط أن القصيدة عجبتك
ويارب دايما المدونة تتقدم وتنال اعجابك
تحياتي
الله عليك يافارس
حقيقى كلماتك مالهاش كومنت
لان مافيش كومنت يقدر يوصفها
لأنها فى قمة الروعة بجد
دمت دائما شاعر مبدع
أولاً تقبل تحياتى..
ثانياً تقبل مرورى..
ثالثاً تقبل تعليقى..
أنا أول مره أزور مدونتك الخاصه..
ومن أول بوست كده يدل على شخص إحساسه عالى ومرهف..
والبوست عجبنى جداً ومخارج الألفاظ الحقيقه ممتازه..حقيقى ربنا يحميل..
تقل تحياتى..
كانت بقربِ القلــبِ تُؤنِسَـهُ
والروحُ كانت ملجأها و سلواها
****
و يبقي الحَنيــنُ بعدما صِرنا
بالهجرِ بينَ عشيةٍ وضُحاهــا
...............
الكلمات جميله اوى ..:(
عزيزي فارس
دمت مبدع عزيزي
كلماتك تفيض بالرومانسيه و الجمال
دائما مدونتك واحه الهدوء و الحب
دمت بكل السعاده و النجاح
بص
مش هقول غير كلمة واحدة
ومن غير اى مجاملات خايبة
(مبدع )
وأحـلامٌ فـي المَهدِ قد وئِدت
فأتي الزمانُ بِدَمعِهِ و نَعاهــا
****
وتبخّرت مِني الأماني كأنهــا
صفحةٌ مرَّ عليها الدهرُ فطواها
-----------------------------------
د.فارس
جميلة جدا بس الابيات الأخيرة اكثر من رائعة
مستواها عالى وتشبه شعر المدرسة الرومانسية...حسيت انها جاية من زمن تانى مش زمنا ده اللى اتبخرت فيه الرومانسية
تحياتى
رارا
شكرا يا جميل علي كلماتك الحلوة .. ويارب أكون دايما عند حسن ظنك
ومنتظر مشاركتك دايما
ميادة رفعت
نورتيني بزيارتك الأولي ويارب ماتكنش الاخيرة .. وأتمني متابعتك دايما
اولا وثانيا وثالثا بأشكرك علي الكلام الحلو ده ويارب كل اللي جاي يعجبك
ومتشكر علي الدعاء الجميل
تحياتي
catroz
أشكرك علي تشجيعك .. واختيارك جميل للابيات ويارب يدوم تواصلنا
تحياتي
اجندا حمرا
عزيزتي اجندا .. باشكرك بجد علي تعليقك .. وانتي من زوار مدونتي الكرام اللي باسعد بيهم وبتعليقاتهم دايما و كنتي متابعة المدونة منذ بدايتها .. وماينفعش اتخيل بوست من غير تعليقك بجد
شكرا لكي ودمتي بكل الود
fire bird
رغم انها كلمة واحدة بس بجد اسعدتني جدا
وانا باحترم دايما اللي يقول رأيه بلا مجاملات
وأشكرك جدا ويارب دايما أكون عند حسن ظنك
تحياتي
جنة
أختيار موفق للأبيات يعكس ذوقك العالي
وأشكرك علي كلامك الرائع
وفعلا الرومانسية في عصرنا الحالي بدأت تتلاشي وتحل محلها اعتبارات أخري
دمتي بكل الود
اتشرف بتبادل الروابط معاك
إرسال تعليق