CLICK HERE FOR BLOGGER TEMPLATES AND MYSPACE LAYOUTS »

2008-06-19

حب بلا منطق


مقدمة

اليوم نعود مرة أخري الي عالم الرومانسية .. ونطرح سؤالاُ هاماٌ

ماذا يحدث لنا عندما نري من نحب؟ ..لماذا نشعر برهبة مبالغ فيها؟ .. سأحدثكم اليوم عن هذا الموضوع .. علاقة الحب بالخوف

أحيانا عندما تكون تمارس حياتك بشكل طبيعي .. فجأة يظهر أمامك ذلك الشخص الذي تحبه .. فيتبدل حالك بصورة غريبة ويعتريك خوف لا تعرف سببه .. وتوتر وقلق.. وتشعر بدقات قلبك .. ورعشة يدك .. وتثاقل أنفاسك

بالتأكيد من عاش قصة حب قد يعي ما أقول

تجد نفسك أمامه عاجز عن الكلام .. الكلمات تهرب منك مثلما يهرب الماء من بين الأصابع .. فيأتي ويرحل دون أن تخبره عن حبك المختبيء .. ودون أن يشعر هو بك







لا أدري

أقدرٌ سعيدٌ .... رماني بدربِك

أم كان حظاً .... تعيساً وبائس

فمُنذُ عشِقتُك .... عرفتُ التردد

وصرتُ ضعيفاً .... أسيرَ الهواجس

ويخفتُ صوتي .... حين أراكِ

بين الكلامِ .... وبين التهامُس

واذا التقيتُك .... ترجُف يداي

فكيفَ ستُصبح .... وقتَ التلامُس !؟

.............

وقبلَ اللقاءِ .... أُزيّن كلامي

أُجمّل حروفَه .... فيُصبح مُنمَق

وحين أراكِ .... يعجز لساني

فاستحلِفهُ .... بربِك أن إنطِق

فيأبي ويرفُض .... وتمشينَ أنتي

وأبقي بعجبٍ .... ولستُ أُصدّق

ودقاتُ قلبي .... تفوقُ الخيالَ

فماذا دهاكَ ؟ .... يا قلبي ترفّق

جنونٌ هواكي .... أصابَ الفؤادَ

فصار يُحبك .... بلا أي منطق

70 التعليقات:

nour shahen يقول...

اسعدنى ان اختطف اول تعليق
الحب درب من دروب الجنون
مش ممكن نحب حد ويعجز اللسان عن وصف المشاعر وما يجتاح النفس من شوق وحنين
اه لقد وصفت كلماتك ما استحالة كلماتى ان تقوله فتقبل تحياتى واحترامى
فعلا كان لازم التاج يتأخر شويه لن البوست دا رائع ميحتملش اى تأجيل فمن عرف قلبه طريق الحب يقدر معانى تلك الكلمات جيدا
في تقدم مستمر يا فارس ربنا يوفقك وتزيدنا بقوة وجمال عباراتك واشعارك

Blue Nile يقول...

شكرا لتعليقك على اول موضوع ليا في المدونةواتمنى انه يكون عجبك فعلا

اسلوبك رئع جدا في وصف الحالة
من التردد وخفقان القلب ورعشة الايدي
بجد رائع

ANGEL يقول...

أمام الحقيقةِ ينثني كلُّ خجل
ويُبرزُ البوح نفسه لإمامة الحروف
وقيادتها نحو من نحب
والمصارحةِ دون أدنى حرج

شلاّلاتُ إبداعٍ تدفّقت
وينابيعُ إبداعٍ فاضت بالجمال

ماذا بيدي أن أقول
ياربي سلم له يداه واحفظ ياربي قلمه
كلمات رقيقة حساسة جدا صريحة
ابدعت فتميزت ...
ربي يحفظك لمن تحب وحفظ من أحببت لك
أسعدني تواجدي بين كلماتك الرائعة ..
فتقبل مروري المتواضع

Angel Love

habiba يقول...

ااااااااه يادماغى
ايه ده يابنى ده لالالالالالالالالا
فارس انت دكتور بجد ولا بتضحك علينا طب قولى والنبى ياخويا عنوان المستشفى بتاعتك علشان نويت اجى اعمل check up
مدونتك اصابتنى بحالة تردد
ولسانى استحلفه بالله ان ينطق
اعجب لحالى ولست اصدق ودقات قلبى تفوق الخيال بالله عليك قل له يترفق

هى دى الاعراض والنبى يادكتوور الحقنىىى

ااااه ياخسارة نقابة مهندسين مصر من بعدى -نتكلم جد شوية- احم احم

بجد يافارس كلامك جامد اول مرة اشوف واحد يوصف احساسه لما يقابل حبيبه وحبيبه ده مش بيبادله اقصد الكل بيبقى يحكى الموقف بين الحبيبين انما مفيش حد اعتقد وصف حالته من جوا وهو بيقابل حبيبه بس كان يبقى احسن لو تقول " واستحلفه بربِه أن ينطق.. على طول "
بالتوفيق يافارس من غير دكتور لانى دلوقتى مش واثقه فيها قوى -lol-

حكيم عيون حضرتك؟؟؟؟؟

رؤية يقول...

جنونٌ هواكي .... أصابَ الفؤادَ

فصار يُحبك .... بلا أي منطق

هو دا مختصر الكلام....
بوست جميل ومعبر....
بيتكلم عن لحظة بالف لحظة....
تحياتى

نعكشة يقول...

أكثر من رائعة

جميلة جداً

عندي بس تعليق بسيط

أن إنطق <<< همزتين ورا بعض صعبة في النطق
معرفش إية البديل ليهم بس مش حاساها مظبوطة الكلمتين دول مع كمان وزن القصيدة

القصيدة كلها جميلة اصلا

دمت سالم

سلامون عليك

فارس بلا جواد يقول...

nour shahen
أسعدني أنا أكثر أن تكوني أول تعليق
تلك اللحظة التي تحدثت عنها قد لا تحدث مع كل من يحب .. فالبعض قد يكون لديه الشجاعة .. لكن من يغرق في الخوف والرهبة إما أن يكون شخص متردد بطبعه أو يكون شخص بلغ أعلي درجات الحب
وبالمناسبة أنا لا أظن نفسي متردد
وسعيد جدا باهدائك التاج لي .. وقريبا باذن الله اجيبه
انتظر تعليقاتك دوما

فارس بلا جواد يقول...

blue nile
مرحبا بك في عالم التدوين
وشرف ليا أن أحصل علي أول تعليق بمدونتك .. والحمد لله أن البوست عجبك

بالمناسبة لكل من يقرأ التعليقات أحب أن أخبركم بأن (blue nile) هي زميلتي في الكلية ومن أقرب أصدقائي .. ولازلت حديثة العهد بالتدوين .. واتمني أن نشجعها جميعا

فارس بلا جواد يقول...

angel
أشكرك علي هذا الكلام الرائع .. فقد أبدعتي أنتي في تعليقك .. وأراه يصلح بوست مستقل
أتمني دائما أن تنال أعمالي إعجابك
و أشكرك علي هذا الدعاء الجميل و آمين يا رب

فارس بلا جواد يقول...

habiba
هههههههههههه
أولا تنوري لو عايزة تعملي (check up) وكمان كشف مستعجل لو تحبي
وسلامتك من التردد .. واللي حاسه بيه ده يبقي فعلا أعراض الحب
وبعدين أخليكي تتاكدي ازاي اني دكتور .. أطلع مشرط من جيبي يعني
هههههههههههههه
الحمد لله ان البوست عجبك
بالنسبة للبيت
(واستحلفة بربك أن إنطق)
هي المشكلة ان طريقة الكتابة بتختلف عن طريقة النطق
يعني بتتنطق بطريقة أسرع أو بتخطفيها للحفاظ علي الوزن وكأنك بتنطقي 2نون ورا بعض نون بتاعه (أن) ونون بتاعه (إنطق) والهمزة اللي بينهم بتتخطف
جربي كده وابقي قوليلي مظبوطة ولا لا
ميرسي علي تعليقك الجميل

فارس بلا جواد يقول...

رؤية
منوراني وباسعد دايما بتعليقك
ومبسوط أن البوست عجبك
وفعلا لحظة بالف لحظة زي ما بتقولي
بالتوفيق ومنتظر تعليقاتك دايما

فارس بلا جواد يقول...

نعكشة
أولا أرحب بيكي في أول زيارة ونورتيني

وأشكرك علي التشجيع
بالنسبة للبيت اللي تقصديه
أنا جاوبت عليه في تعليق حبيبه
وأتمني أكون وضحت
مستنيكي تنوريني دايما

عاشقة الحب يقول...

كلام جمبل و اتا اقدره لانني عشت قصة حب
لم انساها
و ستراها قريبا على مدونتي: مدينة الحب

تحياني

شهد الكلمات يقول...

عملت سليكت علي الجزء الاول عشان عجبني بعد كدة لقيت التاني كمان و التالت الله لاقيتني عاملة سلكت علي الكلام كله قلت لا بقي مابدهاش لما ادخل و اقولك راي ان كلها تحفة تحفة تحفة

احساس عالي قوي بيتنقل بحنية و رقة بين الاحاسيس بطريقة هايلة

بالمناسبة انا كنت لسة بفكر اكتب في الموضوع ده بس هاستني بقي شوية لحد ما الاقي كلام جميل زي كلامك ده

تحياتي يا طبيب القلوب;)

habiba يقول...

اه يامادى كشف مستعجل؟؟؟؟
كنت فاكراك غير كده بتسعى ورا الفلوس من دلوقتى ؟؟!! والله ادبسك واستموت وماادفعش فلوس وبعدين المستشفى هتنور باصحابها ياعم. وبعدين انت تقولى سلامتك من الحب ياخويا مش من التردد!!
بس الحمد لله الاعراض راحت اخدت كوباية قهوة وحباية للصداع ونمت صحيت لقيت نفسى كويسة .. ولا الحوجة لدكاترة الامتياز ...
غلبتنى ياعفريت لما نطقتها زى ماانت قلت لقيتها اتظبطت شوية يلاا امسك عليك اى حاجة المرة الجاية بقى.تتعوض

احلام اليقظة يقول...

فارس
كلما كان حبنا عظيم
كلما تضائل سحر الكلام
وكلما عظم الحبيب
كلما عجز الكلام فى حضرتة
وعمنا نزار بيقول
كلماتنا فى الحب تقتل حبنا
ان الحروف تموت حين تقال

rara يقول...

السلام عليكم ورحمة الله وبركاته
بوست أكثر من رائع والله بجد معبر عن احساس وعاطفة جياشة قوية
لكن انا فى رأى ان اللى يحب انسان يصرحه بحبه لأن ممكن يخسر الانسان اللى حبه لو فضل فى صمت
لو تقبل نصيحتى انك تصارح الانسانة اللى بتحبها عشان تشعر بالحب اكثر فأكثر

ودمتى بسعادة وخير ومبدع دائما

فارس بلا جواد يقول...

عاشقة الحب
طبعا واضح من الاسم اللي اخترتية أنك عشتي قصة حب لاتنسي .. وعشان كده كلامي وصلك وحسيتي بيه
أنتظر أعمالك الجديدة بإذن الله

فارس بلا جواد يقول...

شهد الكلمات
الحمد لله أن الكلام كله عجبك
ورايك ده شهادة اعتز بيها .. ومش عارف أقول ايه بس علي الكلام الجميل بتاعك
يا ريت تكتبي في الموضوع ده برده .. مش مهم انك تلاقي كلام قوي .. المهم انك تعبري عن اللي جواكي
بالتوفيق ومستني تعليقاتك الحلوة

فارس بلا جواد يقول...

حبيبة
هههههههههههههه
يا خبر ابيض يا باشمهندسة
انتي تنوري من غير فلوس خالص
والحمد لله ان البيت اتظبط لحسن كان هيتخرب بيتي أنا
ههههههههههههه
معلش المرة الجاية بقي تبقي تطليعي غلطة بس لو عرفتي

فارس بلا جواد يقول...

أحلام اليقظة
معاكي حق .. أنا قلت برده أن الخوف مش معناه أن الشخص متردد فقط .. لكن ممكن يكون معناه أن الحب اللي جواه كبير أكبر من إن حد يقدر يستوعبه
متشكر علي التعليق الجميل

PrInCeSS BeRy يقول...

هاى فارس عامل اية

اتمنى تكون بخير


البوست تحفةةةةة يجنن ما شاء الله احساسك رائع ووصفك للحب بترددة وارتباكة لما يشوف حببية واللى خطف قلبة حلو اوى

تحياتى

فارس بلا جواد يقول...

رارا
ميرسي علي مرورك
والحمد لله أن البوست عجبك أكيد معاكي حق أن لما بيكون فيه صراحه بين الأحباب بيكون الحب أكبر وبيزيد عن الأول
بس الخوف مش بنقدر نتحكم فيه .. لكن هو اللي بيتحكم فينا
يا ريت كلنا نكون عندنا الشجاعة

فارس بلا جواد يقول...

PrInCeSS BeRy
هاي بيري .. منوراني بجد
الحمد لله أن البوست عجبك .. هي كانت محاولة أني أرسم صورة ممكن نكون بنحس بيها .. ومبسوط أن الاحساس ده وصلك
ومستنيكي دايما تنوريني وبلاش تغيبي علينا كده

غير معرف يقول...

الحب والمنطق لا يجتمعان وهذا ما رسمته انت بكلماتك التي استطاعت وصف مشاعر المحب بكل رقتها

واذا التقيتُك .... ترجُف يداي
فكيفَ ستُصبح .... وقتَ التلامُس !؟

وقفت كثيرا عند هذا البيت , يحمل من المشاعر ما جعلني استشعر كل كلمة فيه تصفيق حاد


وقبلَ اللقاءِ .... أُزيّن كلامي
وحين أراكي .... يعجز لساني

الموسيقي في هذين البيتين اطربتني كثيرا


ودقاتُ قلبي .... تفوقُ الخيالَ
فماذا دهاكَ ؟ .... يا قلبي ترفّق
جنونٌ هواكي .... أصابَ الفؤادَ
فصار يُحبك .... بلا أي منطق

أراك في ابيات الختام ذكرت القلب اكثر من مرة وبكلمات تحمل الكثير من معاني الجنون "دقات قلبي تفوق الخيال , يا قلبي ترفق , جنون اصاب الفؤاد"
مما قوي معني الشطر الاخير واكد حالة الجنون او حالة اللامنطق
"يحبك بلا اي منطق"

قصيدة رائعة ايها الطبيب الشاعر

Tamer Nabil يقول...

ياسلام عليك يافارس

كلامك صحيح ا عند لقاء من تحب يكون الخوف والرهبة

كلمات جميلة واكثر من رائعة
--

انا نزلت الحلقة الثالثة من ارض النور مستنيك

تحياتى

فارس بلا جواد يقول...

غير معرف
أولا أحب أن أشكرك علي تعليقاتك التي دوما تعجبني .. وأستمتع بتحليلك الرائع للابيات .. وكأنك قد فهمت المغزي من كل كلمة أنطقها
وصدقت بالفعل الحب والمنطق لا يجتمعان .. فالحب درب من الخيال يأخذنا إلي عالم واسع نحلق بالافق ونطير
أما المنطق فيذكرنا دائما بأننا ليس لدينا أجنحة فيعيدنا مرة أخري إلي أرض الواقع
أنتظر تعليقاتك الرائعة دوما

فارس بلا جواد يقول...

تامر نبيل
أشكرك علي الكلام الجميل
ومبسوط أن البوست عجبك
وأكيد هتابع أجزاء قصتك

احلام اليقظة يقول...

فارس
مع احترامى لرأى غير معرف
بس انا باشوف ان الحب هوة منتهى العقل منتهى المنطق
وبشوف ان اسقاط العقل والمنطق عن عاطفة الحب هو اسقاط بشرى
بمعنى ان الحب عمرة ما كان جنون ولكن الجنون بيجى من الشخص اللى بيحب او طريقة ممارستة للحب
ومش معنى ان الانسان بيمارس فكر غلط ان الفكر دة ناقص
فالانسان ليس حجة على حبة بحيث يجعلة ممنطق او جنونى
ولكن
الحب بمنتوجة النهائى حجة على الانسان
اذا كان يحب بتعقل ورزانة
او يحب بجنون وتفاهة
تفبلوا تدخلى فى الحديث

ودومتم بخير

فارس بلا جواد يقول...

في البداية أشكرك علي هذا التفاعل الرائع
أعتقد أنه لا خلاف بين ما تقوليه وبين رأيي غير معرف
فهو يقصد التحدث عن حالة العاشق في تلك القصيدة وليس بصفة عامة .. فأنا رسمت صورة ربما لا توجد داخل كل البشر..
فأنا معكي أن الحب ليس جنون ولا يجب أن نفصله عن العقل
لكن لو حدث ذلك فلا يجب أن نعتبر هذة الصورة سلبية .. أي أن الجنون واللامنطقية في الحب ليست شيئا مكروها أو طريقة خاطئة في ممارسة الحب .. ولكنها ربما تكون تعني الوصول إلي أعلي درجات العشق التي قد لا يصل إليها إلا قليلون
فمثلا قيس يضرب به المثل في العشق لأنه بالفعل وصل الي تلك الدرجة
لذلك الموضوع لا يخضع فقط لعقلية الشخص مثلما قلتي من حيث الجنون أو الرزانة .. ولكن شدة هذا الحب وقوتة تلعب الدور الأكبر
أشكرك مرة أخري علي التفاعل
وانتظر تعليقاتك دوما

الحمقاء المضلله innominate x يقول...

فعلا لمادا لا يستطيع افنسن ان يتصرف بطبعيه من مع من يحب فتهرب منه الكلمات و يتصرف كالاحمق؟

بنت مصريه يقول...

شكلك رومانسى قدييم يا نمس
انا جربت الاحساس دا لما كنت مخطوبه لكن بعد ما اتجوزت
اتعودت عليه
عادى يعنى
لا بس الحاله دى بتجيلى لما يكون مسافر ويرجع
بتكهرب ساعتها
على فكره بوست جميل جدا
والشعر اكتر من رائع

اجندا حمرا يقول...

عزيزي فارس بلاجواد

الخوف دايما بيكون موجود بين المحبين في اول لقاء علي الأخص يمكن عشان بيكونوا لسه بيتعرفوا علي بعض
بتهرب الكلمات و بيكون التعبير اكتر بلغه العيون اللي من وجهه نظري في الكثير من الأوقات بتكون أبلغ من الكلمات

تحياتي علي القصيده الجميله الرومانسيه

عرفة فاروق السيوطى ( الاديب العاشق) يقول...

فارس بلا جواد

انا فاتنى كتير صح

بس معلهش على الغياب

المهم

كلامك جميل فى البوست ده قوى ويارب تكتر من الرومانسية

تحياتى

فارس بلا جواد يقول...

الحمقاء المضللة
أشكرك علي التعليق وسعيد بأول زيارة
لكن ليه الأسم ده

فارس بلا جواد يقول...

بنت مصرية
منوراني بجد
أكيد معاكي حق بعد الجواز الوضع بيختلف .. مش انتي اللي بتخافي .. هو اللي بيخاف بعد كده
هههههههههههههههه

فارس بلا جواد يقول...

أجندا حمرا
متشكر علي مرورك الرائع
فعلا أصعب لقاء بيكون الأول .. وأكيد لغة العيون بتكون هي السلاح الوحيد لما اللسان يعجز

فارس بلا جواد يقول...

عرفة فاروق السيوطي
منور يا أديب .. طولت غيابك المرة دي
الحمد لله أن البوست عجبك .. ومستني تعليقاتك دايما .. وبلاش تغيب كده

أنا و أنت يقول...

الحب احساس جميل
كله قوة و كله ضعف
يمدك بالقوة لمواجهة الدنيا
ولكنه يضعفك امام من تحب
حتى الاحساس بالضعف اما الحبيب جميل

ولكن السؤال هنا هل الحب فعلا متواجد....أم إنها أحلام؟!!

فارس بلا جواد يقول...

أنا وأنت
سعيد بمرورك بمدونتي
أتفق معاكي بان الحب يشتمل القوة والضعف .. ولولا ضعفنا أمام من نحب لما اكتشفنا أننا نحبه من الأساس
أنا أؤمن أن الحب موجود بالتأكيد وليس مجرد أحلام .. فالأحلام تنتهي عندما تستيقظي من النوم .. لكن هناك حب قد يستمر لنهاية العمر
أما الذين ينكرون وجود الحب فهم مرضي .. مثل الشخص الذي ينكر وجود الهواء بحجة أنه لا يراه مع أنه يتنفسه
سعيد بمشاركتك و أتمني أن يدوم التواصل

enjy يقول...

الله جميلة جدا والله بس على ما اسمع يعنى طبيعى ان مايكونش فى منطق فى الحب مراية الحب مدغدغة يعنى مش عامية وفى امل تفتح بس بعيدا عن ذلك موهبتك رائعة ولا شك فيها برااااااااااافو

مدحت محمد يقول...

اولا الكلمات جميلة

وبتفق معاك جدا

الحب لايعرف منطق

شكلك حبيت قبل كدة او بتعيش القصة

نونو يقول...

بجد اسلوبك رائع جدااااااااااا
وتوضيحاتك تحفة
ممتاااز

فارس بلا جواد يقول...

enjy
أشكرك علي الكلام الجميل
ومبسوط أن البوست عجبك
يا رب تنوريني دايما

فارس بلا جواد يقول...

مدحت محمد
منورني في أول زيارة للمدونة
وأكيد كل واحد مننا جرب الحب وحس بالاحساس ده
ويارب تنورني دايما

فارس بلا جواد يقول...

نونو
أشكرك جدا علي الكلام الجميل ده
واسم مدونتك وكمان الصورة تحفة بجد
ويارب أسمع تعليقاتك دايما علي اللي جاي

نون يقول...

السلام عليكم
انت مرهف الاحساس اوى
وكلامك جميل اوى
ياريت تمتعنا بالكثير تحياتى ليك

فارس بلا جواد يقول...

نون
متشكر علي تشجيعك .. ويا ريت تتابعني و دايما وأسمع تعليقاتك
ويارب كل اللي جاي يعجبك

ادم المصرى يقول...

فارس

اسلوبك جميل جدا جدا عجبنى اوى بجد تسلم ايدك يمان وحشتنى

فارس بلا جواد يقول...

ادم المصري
منورني يا ادم .. وميرسي جدا علي كلامك الحلو
انت وحشتني أكتر والله
ويارب تنورني دايما

أمل فتحى عزت يقول...

عتدما نحب تنطلق روح الحب لتخيم على انفسنا ووجداننا وبالتالى تغطى ما بنا من عيوب وسلبيات وامام روح الحب وفى الخفاء نبوح بكل اسرارنا وتتعرى حقيقتنا ظناً منا ان الحب سيخفى كل شىء عن المحبوب ونسير بهذه الروح حتى نلتقى صدفة بالمحبوب فتهتز النفس امامه ويحدث كل ماذكرت من مشاعر نعجز عن وصفها ظنا منا لحظة صادقة ان المحبوب سيكشف كل ما ذكره المحب لروح الحب فى الخفاء فيخاف ان يعترض عن اى صفة من صفاته فيلجأ الى الصمت لكى يخفى كل شىء وقد يكتفى المرءكثيرا بالتمتع بروح الحب بعيدا عن كلمات المحبوب فيظل بجانبه صامتا الى ان تنسجم المشاعر وتلتحم فى لحظة يرى كل واحد منهما الاخر بوضوح
سعدت جدا بمرورك بمدونتى ولك منى خالص تحياتى

قلب مصرى يقول...

واذا التقيتُك .... ترجُف يداي
فكيفَ ستُصبح .... وقتَ التلامُس !؟

هنا بقى يادكتور الكلام اللى بجد
واسمح لى أختلف مع بنت مصرية فى حكاية إن المشاعر إتغيرت بعد الجواز ففحالتى أنا ((الحمد لله))لم تتغير مشاعر الحب بعد الزواج بل أجد أنها تتعمق وإن كانت تأخذ أشكال جديدة.
آسف إنى خرجت بره الموضوع
لكن بجد والله البوست عجبنى قوى.

أسير حبيبتي يقول...

السلام عليكم
احييك جدا على الكلام العميق
فعلا البوست روعه و حسيت انك حاولت
تظبط الوزن و قد اجدت الى حد كبير
فقط هناك خطأ مطبعي ارجو اصلاحه و هو
كلمة اراكي ( أراكِ )
اجدت و ابدعت

تحياتي
عدنان

راجى يقول...

شعرت بالسعادة لقراءة قصيدتك الرومانسية فقد كنت اعتقد ان الرومانسية ماتت ودفنت منذ زمن سحيق
ولكن جيلكم ايها الشباب لازال يدهشنى

مدونتك هايلة ولك التحية

ملحوظة : الخلفية فى الصورة من اى مستشفى؟

فارس بلا جواد يقول...

أمل فتحي
أتفق معاكي جدا في أن كل شخص يحب أن يظهر اجمل ما لديه امام حبيبه .. وقد يكون هذا بالفعل سبب للخوف .. فيخشي ان يتكلم او ان يصدر منه اي فعل لا يعجبه .. هذة حقيقة بالفعل
أشكرك علي المشاركة

فارس بلا جواد يقول...

قلب مصري
طالما ان الحب حقيقي لازم هيستمر .. صعب انه يختفي بعد الجواز .. ومعاك ان المشاعر بتتعمق .. بس برده مش لدرجة الخوف زي زمان
وربنا يديم عليك السعادة يا رب

فارس بلا جواد يقول...

أسير حبيبتي
متشكر يا عدنان علي الكلام الجميل
والحمد لله ان البوست عجبك
والمرة دي حاولت فعلا اظبط الميزان عشان كده مفيش جرام فلت
ومتشكر علي الملاحظة بخصوص الخطأ المطبعي
وأتمني تنورني دايما

فارس بلا جواد يقول...

راجي
منورني في أول زيارة .. وبجد اتشرفت بتعليقك .. وبعدين له عايز تكبر نفسك .. حضرتك برده من جيل الشباب
ومبسوط ان باقي المدونة عجبك
بالنسبة للخلفية دي مستشفي النسا بالدمرداش / جامعة عين شمس
ويا ريت تنورني دايما واسمع تعليقك

واحده من أصحاب القمر يقول...

كل التحيه مدونه تستحق كل التقدير
والرومانسيه حاله جميله ليتنا نعود كلنا اليها حتي وان كانت عودتنا بلا اي منطق .
للمره الثانيه كل التحيه والتقدير يا فارس بلا جواد .

اميره جمال

المحبه يقول...

عندما نحب..
نشعر بأننا قد خلقنا من جديد
وولدنا من جديد..
وبعثنا من جديد في عالم أروع وأجمل..

عندما نحب..
تتغير نظرتنا للأشياء
ويتغير تفكيرنا في الأشياء
ويتغير إحساسنا بالأشياء..

عندما نحب..
نحلم بصوت مسموع..
ونبتسم بصوت مسموع
ونشتاق بصوت مسموع..عندما نحب..
نحب الليل كثيرا..
ونحب السهر كثيرا
ونحب القمر كثيرا

عندما نحب..
يصبح للورد أهمية أكبر..
ويصبح للبريد أهمية أكبر..
ويصبح للهاتف أهمية أكبر..

عندما نحب..
نفهم الحياة أكثر..
ونفهم أنفسنا أكثر
ونفهم الآخرين أكثر

عندما نحب..
نسمع صوت أحلامنا بوضوح
ونسمع تغريد العصافير بوضوح
ونسمع غناء قلوبنا بوضوح

عندما نحب..
نختصر الكثير من السنوات
والكثير من المسافات
ونتجاوز كل الخطوط الحمراء

وبجد موضوع رائع جدا ويارب تقبل مرورى خالص تحياتى

فارس بلا جواد يقول...

واحدة من اصحاب القمر
أشكرك علي مرورك الكريم .. وسعيد ان المدونة نالت اعجابك
ويار يت تشرفيني بالزيارة مرة تاني

فارس بلا جواد يقول...

المحبة
أشكر علي التعليق الرائع.. وبصراحة مش لاقي كلام بعد اللي قولتيه
واكيد الكلام ده مش هيطلع من حد الا لازم يكون حساس ورومانسي
سعيد جدا بمرورك
ومنتظر تعليقاتك علي القادم ان شاء الله

الفارس الملثم يقول...

ايه يا عم فارس الكلام الجامد ده ..

بجد كلمات اكثر من رائعه ومن اجمل الكلمات اللي قرتهالك..

لا أدري
أقدرٌ سعيدٌ .... رماني بدربِك
أم كان حظاً .... تعيساً وبائس
فمُنذُ عشِقتُك .... عرفتُ التردد
وصرتُ ضعيفاً .... أسيرَ الهواجس
ويخفتُ صوتي .... حين أراكي
بين الكلامِ .... وبين التهامُس
واذا التقيتُك .... ترجُف يداي
فكيفَ ستُصبح .... وقتَ التلامُس !؟

مبدع وفنان بجد

فارس بلا جواد يقول...

الفارس الملثم
أزيك يا محمد .. الحمد لله ان البوست عجبك
ومتشكر علي كلامك الجميل
وأوعدك أن الأروع لسه ما جاش
بانتظار تعلقاتك دايما يا ابو الفوارس

habiba يقول...

ازيك يافارس
والله انا نفسيتى بجد تعبت لانى مش لاغيه التعليقات على البوست الجديد ولا حاجة
بالعكس الضبط لسه زى ماهو بس مش عارفه ليه بجد مش راضيه تظهر ده انا كنت مستنيه انزل البوست ده بفارغ الصبر علشان اخد التعليقات عليه واتناقش فيها انما بجد مدايقه قوى وقلت اعمل الشات بوكس مؤقتا لحد مااشوفلها حل لو عندك فكرة عن المشكلة ممكن تقولهالى يافارس
ومتشكرة قوى لاهتمامك وربنا مايحرمنا منك ولا من تعليقاتك ياسيدى

سمو الأميرة سارة يقول...

واذا التقيتُك .... ترجُف يداي
فكيفَ ستُصبح .... وقتَ التلامُس !؟
.............
وقبلَ اللقاءِ .... أُزيّن كلامي
أُجمّل حروفَه .... فيُصبح مُنمَق
وحين أراكي .... يعجز لساني
فاستحلِفهُ .... بربِك أن إنطِق
فيأبي ويرفُض .... وتمشينَ أنتي
وأبقي بعجبٍ .... ولستُ أُصدّق

_______________________

بجد روووووووووووووووعة

كلماتك أخاذة يا فارس

بجد تسلم ايدك حقيقى استمتعت جدا بكلماتك

فارس بلا جواد يقول...

حبيبة
معلش .. ان شاء الله المشكلة دي تتحل بسرعة .. والشات بوكس كويس كحل مؤقت
بس انتي جربي كده وشوفي التعليقات يمكن تكوني غيرتي حاجه عن الاول

فارس بلا جواد يقول...

سمو الأميرة سارة
أشكرك علي التشجيع .. ويارب كل اللي جاي يعجبك
ومستني تعليقاتك دايما

ساره البحر يقول...

روعه يا فارس بجد
كلماتها ومعانيها تحفه
بصراحه عجبني وصفك للحب اوي
بكل تفاصيل ذكرتها
مبدددددددع كالعاده

فارس بلا جواد يقول...

سارة
أشكرك علي التشجيع .. ومبسوط أن الكلام عجبك .. وأكدي روعة وجمال الحب تعجز أي كلمات عن وصفها
بانتظار تعليقاتك دايما