CLICK HERE FOR BLOGGER TEMPLATES AND MYSPACE LAYOUTS »

2008-06-11

من أنا ؟


مقدمة

كما تعرفون أنا لازلت حديث العهد بعالم التدوين .. ولكن عند بداية إنشائي للمدونة واجهت ذلك السؤال الذي واجهكم جميعاً في أعلي الصفحة ( من أنا ؟) .. وهو يعطي فكرة للزائرين عن شخصية صاحب المدونة.. ولكني للحق توقفت كثيراً أمام هذا السؤال .. فلم أكن أريد أن أجيبه بطريقة تقليدية مثل أنا فلان الفلاني أعمل كذا و.... وفي نفس الوقت لم أكن أريد أن أجيب إجابة فلسفية مثل ( أنا البحر في أحشائه الدر كامن) لذلك فكرت كثيرا قبل أن أعرفكم بنفسي .. وأنا لا افوت فرصة سانحة كي ألقي بعض الشعر ..

لذا سأعرفكم بنفسي اليوم ولكن عن طريق الشعر

قد أكون فارس أو شاعر أو رحال .. لكن الحزن هو الشيئ الوحيد المشترك بينهم .. أستسلم في لحظات كثيرة للإكتئاب .. اقتربو أكثر لكي تعرفوني جيدا



أنا



فارسٌ لا يحملُ من إسمِهِ
سوي بضعة حـــروف
وهنتْ قوّتـه .. ويــداهُ
لم تعُدْ تقوي علي حملِ السيوف
قلبٌ مضيئٌ كالقمر .. لكن
حين يمحو ملامحَهُ الخسوف
........

شاعرٌ غنّت معي الطيور
وتمايلت طرباً علي الأغصانِ
لو أغني تُمطرُ الدُنيا و كأنها
تذرِفُ الدمعَ علي صدي الألحانِ
تائهٌ تصفعُني موجاتُ البحار
فلا أغرق ولا أرسو علي الشُطآنِ
طفلٌ وقت أفرح .. وكهلٌ
حين تعبثُ بي يدُ الأحزانِ

........

رحّالٌ ضاقت بهِ الأرضُ
فباتَ يشكو همَهُ إلي النّجماتِ
لا يحتملُ سخريةَ البشر
ولا شفقةً تلوحُ في النظراتِ
فارسٌ لم يمُتْ بالرمحِ
بل مات من أوجاعِ الروحِ والآنّاتِ
فما جدوي جسدٍ مُعافي
والقلبُ بهِ آلاف من الطعناتِ

49 التعليقات:

رحاله يقول...

بسم الله
السلام عليكم
ماشاء الله
اد ايه جميييييل البوست دة بجد
القصيدةرااااااااااااااائعه اوى
ربنا يجعلها في ميزان حسناتكم
***********
من انا
سؤاااااااال صعب جدا فوق مايتخيله البشر
كثيرا ماسالت نفسي من انا ولكن كانت تضيع الاجابه مني على مر الايام حتى اصبحت من انا انسان بلا عنوان
طفلٌ وقت أفرح .. وكهلٌ
حين تعبثُ بي يدُ الأحزانِ
تحياتى

mai يقول...

الفكرة جامدةجدا فيها معاني جميلة
بس في اجزاء كانت تقيلة شوية زي دي(لو أغني تُمطرُ الدُنيا و كأنها
تذرِفُ الدمعَ علي صدي الألحانِ
تائهٌ تصفعُني موجاتُ البحار
فلا أغرق ولا أرسو علي الشُطآنِ)

بس اخر جزء رائع بجد

رحّالٌ ضاقت بهِ الأرضُ
فباتَ يشكو همَهُ إلي النّجماتِ
لا يحتملُ سخريةَ البشر
ولا شفقةً تلوحُ في النظراتِ
فارسٌ لم يمُتْ بالرمحِ
بل مات من أوجاعِ الروحِ والآنّاتِ
فما جدوي جسدٍ مُعافي
والقلبُ بهِ آلاف من الطعناتِ
احييك على الجزء ده فعلا

ادم المصرى يقول...

السلام عليكم
انا رديت المرور اهو بس بجد جمييييل
اوى اوى البوست ده عجبنى مووووت والشعر وتنسيق الكلمات جمييييل اوى تاخد اوسكر انا هروح اعرف نفسى انا كمان فى مدونتى اشمعنى انتا يعنى عرفتهم بشعر انا بقه هعرفهم نفسى بقصه نهيتها حدسه ههههه

Heart Beat يقول...

اعتقد انه من الصعب على الكثيرين التعريف بأنفسهم حين يأتي موعد سؤال مثل من انت

فنجد ان الكثير يتجه للاجابة التقليدية بالتعريف بالعمل او الدراسة او التحدث عن حلم بسيط

ان يجمع الانسان بين موهبته و بين احايدثه العادية هو شيء جميل

فها انت تحدثنا عن نفسك في حديث يومي قد تمر به و لكن ما امتعني هو ترابط تعريفك بموهبتك الشعرية

فهمت من تعريفك ان هناك ما يقلقك قلبك انات و طعنات اعتقد ان الدهر سيتولى امرها و لو بعد حين

فهمت ايضا ان هناك الكثير مما يثقل كاهلك او حزنا ثقيلا

الفرحة التي ذكرتها ترتبط بفرحة الطفل و حزن الشيوخ اعتقد انها تشير الى مسئولية كبيرة تتحملها فلا وقت كبير للفرح

اتمنى ان تزول سحابة الحزن و يدوم صفاء سمائك و هدوء بحرك

تحياتي

فارس بلا جواد يقول...

رحالة
أشكرك لرقة كلامك .. وربنا يستجيب منك الدعوة .. فعلا أصعب سؤال يقابلة الأنسان هو من أنا؟ .. ليس فقط لأنه لا يستطيع الاجابة ولكن السبب الأهم أن معظمنا لم يحاول أن يسأل نفسه هذا السؤال
في انتظار مشاركتك دائما

فارس بلا جواد يقول...

مي
سعيد بمرورك .. وسعيد أكتر أن الفكرة عجبتك .. بالنسبة لموضوع الوزن .. أنا سبق ان قلت بانه ممكن يكون الشعر يحتوي علي ابيات طويلة وابيات قصيرة ورغم كده يحافظ علي الوزن .. وممكن اضافة حرف واحد فقط تكسر الوزن .. لذلك مالهاش علاقة بعدد الكلمات .. واعتقد اني حاولت بقدر الإمكان احافظ علي الوزن .. لكن برده متشكر علي ملاحظتك ومنتظر مشاركتك معايا دايما

فارس بلا جواد يقول...

ادم المصري
سعيد جدا بمرورك الاول بمدونتي .. ويارب ما يكونش الاخير .. ومتشكر علي الكلام الجميل ده .. بس مش شايف ان الاوسكار واسعة شوية
ههههههههههههههههه
يا ريت تعرف الناس بنفسك سواء بالشعر او بالقصص مش هتفرق المهم تكون عارف انت مين
اتمني ان يدوم تواصلنا

فارس بلا جواد يقول...

Heart Beat
في البداية تفاجأت بالاسم .. وقلت لنفسي ان اسلوب التعليق ده بتاع ( اجندا حمرا) .. لكني أكتشفت بعد كده ان انتو شخص واحد .. بجد تعليقاتك دايما بتعجبني وبتحسسيني انك قريتي موضوعي بعمق وحللتيه بطريقة فنية عالية .. ودايما رايي ان تعليقاتك ممكن تتجمع ويتعمل بيها مدونة لوحدها
أتفق معكي ان الدهر كفيل با ينسينا كل الآنات والطعنات التي صادفناها في حياتنا
متشكر جدا علي كلامك
ومنتظرك دايما تنوريني

rara يقول...

السلام عليكم ورحمة الله وركاته

بوست جميييييييييييل اووووووى

وانت شخصية جميلة جدا ولكن الواضح تحمل فى القلب كثير من الحزن

دمت بسعادة وخير وربنا يوفقك دايما

تحياتى لك

ساره البحر يقول...

لا بجد يا فارس بعد البوست ده قربت اقرر اقفل مدونتي ههههههههههههههههههههههه
منغير هزار بجد البوست ده من اروع ما قراءت في كل المدونات عجبني اوي تنسيقه ومعانيه وعجبني عمقه وفكرته اوي
بجد المره دي احيييييييييك وفعلا ابدعت

habiba يقول...

سيبك انت من كل الكلام ده رغم روعته وخلينى انا مع اخر الكلام...فعلا ايه فايدة جسم عايش وقلبه مطعون ؟
جميلة قوى ورقيقه كلماتك يافارس .
تمنى تزور مدوناتى وتقراها هما 5 لانى لسه جديدة فى التدوين .يسعدنى رايك اكيد. وبحييك مرة تانيه

فارس بلا جواد يقول...

rara
أشكرك علي الكلام الجميل .. وانتي اللي شخصية جميلة عشان يطلع منك الكلام الحلو ده .. وبالنسبة للحزن هو فعلا بقي جزء من شخصيتي .. بس دايما هافضل أقاومه
سعيد جدا بمرورك

Gannah يقول...

فما جدوي جسدٍ مُعافي

والقلبُ بهِ آلاف من الطعناتِ

جميلة جدا يا دكتور
امتياز
ولكن لما الحزن هو القاسم المشترك؟
تحياتى

enjy يقول...

ايه دة باة هو ينفع الشعر الجامد دة؟؟ انت موهوب اوى وكلامك معبر وبيوصل على طول يعنى دكتور و شاعر؟؟
ربنا يوفقك

habiba يقول...

صحيح نسيت اقولك انا معاك جدا فى صعوبة السؤال من انا؟
انا لما لقيت نفسى قدامه...هربت باجابه صغيرة جدا لما تزور مدونتى هتعرفها لانى بجد فكرت كتيييييييير فى اجابه ومعرفتش ارد.قد ايه صعب السؤال

فارس بلا جواد يقول...

سارة البحر
ربنا يخليكي علي الكلام اللي يشجع ده .. بس انا ما ارضاش ابدا انك تقفلي مدونتك .. عشان انا كمان باستمتع باعمالك .. ورايك ده شهادة كبيرة باعتز بيها

فارس بلا جواد يقول...

habiba
نورتيني في أول زيارة .. متشكر علي الإطراء .. واتمني يدوم التواصل .. وأكيد هازور مدونتك ..عشان اقرا أعمالك وعشان كمان اعرف أجابتك علي سؤال من أنا؟
لان بصراحة كلامك خلي عندي فضول اني اعرف اجابتك

فارس بلا جواد يقول...

gannah
بجد انهاردة سعيد أن في ناس كتير لاول مرة بتنورني .. ومتشكر لكلامك .. وبالنسبة لسؤالك عن الحزن ليه هو القاسم المشترك .. فأكيد مفيش حد بيحب الحزن لكن ظروف الحياة هي اللي بتفرض عليه كده .. وأنا من الناس دول .. يمكن الأشخاص اللي مروا عليا في حياتي كانو سبب في حزني بدل ما يكونوا سبب فرحي .. بس زي ما قلت أنا هافضل أقاوم الحزن ده لاخر لحظة ومش هاستسلم له

فارس بلا جواد يقول...

enjy
متشكر يا إنجي .. بس عندك حق صعب الاتنين يجتمعوا الطب والشعر .. بس انا باحاول بقدر الإمكان ابقي دكتور الصبح مع العيانين في المستشفي
وبالليل شاعر مع القلم والورقة ..
ههههههههههههههه
وربنا يعيني

الفارس الملثم يقول...

بجد رائعه جدا , وجميل اوي استخدامك الشعر في التعريف عن نفسك .

وبعض التعبيرات التي استخدمتها قويه وغير تقليديه..

بعض تعبيراتك لمستني جدا

ابدعت بحق

علي فكره مدونتي الرئيسيه ثرثره تحت المطر..

تحياتي
محمد

شهد الكلمات يقول...

رحّالٌ ضاقت بهِ الأرضُ

فباتَ يشكو همَهُ إلي النّجماتِ

لا يحتملُ سخريةَ البشر

ولا شفقةً تلوحُ في النظراتِ

فارسٌ لم يمُتْ بالرمحِ

بل مات من أوجاعِ الروحِ والآنّاتِ

فما جدوي جسدٍ مُعافي

والقلبُ بهِ آلاف من الطعناتِ

الكلمات دي وجعتني بجد اكنها بتوصفني اكنها مكتوبة عشاني

اسلوبك رائع جدا جداجدا راقي عالي الاحساس , و قوي جدا

انا مش لاقية كلام اقولة لان اي كلام مش ها يوصف اد اية جمال كلماتك

تحياتي لك

رؤية يقول...

تشرفنا بمعرفتكم عن طريق ابياتكم...

لكن ليه بتقول قلما نجد طبيب يجمع الطب بالادب؟!
بالعكس تماما حتى انى لاظن ان الطبيب بدون ادب خرقا للقاعدة...ولا ادرى السر فى ذلك
والاعجب انهم يكونون موهوبون حقا مثلك !!

فارس بلا جواد يقول...

الفارس الملثم
أهلا بيك يا محمد .. وسعيد جدا بالتواصل بينا .. الحمد لله ان تعبيراتي عجبتك .. بس يمكن طلعت مني كده عشان كنت حاسس بيها قوي .. واكيد إن شاء الله هازور المدونة الرئيسية .. مش عشان أرد الزيارة .. لكن عشان أنت فنان وأسلوبك بيعجبني جدا

فارس بلا جواد يقول...

شهد الكلمات
آسف اذا كان كلامي وجعك .. بس واضح انك انسانة حساسة ومريت بظروف مشابهة .. وقلبك مليان بالطعنات .. بس ربنا يوفقك في حياتك ويبدل كل احزانك بفرح

فارس بلا جواد يقول...

رؤية
الشرف ليا اني اتعرفت بيكي
بالنسبة لموضوع الأدب والطب .. أنا ما اقصدش ان الأطباء خيالهم ضيق .. لكن المشكلة فقط في عامل الوقت .. صعب انك تجمعي بين حاجتين كل منهم محتاجة وقتك ومجهودك .. أكيد في حاجه هتطغي علي التانية .. انتي طبعا عارفة عشان الواحد يكتب مجموعة ابيات ويكون راضي عنها بتاخد منه وقت اد ايه .. لو كان بس اليوم اكتر من 24 ساعة كان يبقي ممكن

دعاء مواجهات يقول...

كلامك جميل اوى يادكتور

وشخصية فعلا جديرة بالاحترام

بس كان عندى تعقيب على حكاية قلما تجد من الاطباء من لدية موهبة ادبية

لانى بالتجربة شوفت كتييير منهم بيدونوا وبيكتبوا شعر وليهم مواهب كتير اوى اوى اوى

دا بجد

تحياتى لشخصك

نورتنى

البوست نزل

alshared يقول...

قديما
في سالف الازمان
كان يحيا عاشق
يمدد يده بالورود
وبالأخري
يروي حدائق الاحزان

ما بين الشوق والحنين
تاهت كلمات الفلاسفة
وهزمت نبؤات العرافين
ولم يعد لدي
سوي الحزن والانين

تحيــــاتي

بنت مصريه يقول...

ايه يا عم الجمال دا
بقى انت كل دا
هههههههههههههههههههههههه
بس بجد شعر رائع وان دا على شىء يدل على موهبه كامنه
بوست جميل احييك

أسير حبيبتي يقول...

السلام عليكم
مدونتك رائعة و البوست اروع
و لكن اسمحلي اقول نقطة صغيرة جدا جدا
حاول تهتم بالعروض شوية
القصيدة تدل على شاعر موهوب جدا
و تحمل معاني عميقة ماختلفناش
لكن الوزن فيه بعض السقطات
ارجو ان تتقبل رأيي المتواضع بصدر رحيب
و رأيي هذا لا يقلل ابدا من جمال كلماتك

ممكن تشيل التأكيد على الكلمة حين ارسال التعليق

دمت مبدعا
عدنان

فارس بلا جواد يقول...

دعاء مواجهات
متشكر يا دعاء علي الكلام الجميل .. ويارب تنوريني دايما .. وبالنسبة للاجابة علي كلامك أقري الرد بتاعي علي تعليق رؤية .. وأنا متأكد أن فيه كتير من الأطباء موهوبين بس متأكد أن في أكتر منهم ماتت موهبتهم وضاعت في متاهات الباطنة والجراحة

فارس بلا جواد يقول...

الشارد
سعيد جدا بمرورك الاول بمدونتي وأتمني يدوم اتصالنا.. ومتشكر علي الشعر الجميل

فارس بلا جواد يقول...

بنت مصرية
هههههههههههههه
ايوه انا كل ده وما خفي كان أعظم
تعرفي اني لم بادخل مدونتك بجد باستريح نفسيا .. ربنا يوفقك .. ودمتي مبدعة

فارس بلا جواد يقول...

أسير حبيبتي
أهلا بيك في أول زيارة .. وفعلا أنا باتفق معاك في كلامك .. أنا حاولت قبل كده أدرس العروض والاوزان وبحور الشعر .. بس للاسف كانت محاولات فردية .. وأكيد طبعا متقبل رايك .. لأني زرت مدونتك وعارف انت موهوب اد ايه .. وأتمني يدوم التواصل بينا

غير معرف يقول...

قلب مضيء كالقمر ولكن
حين يمحو ملامحه الخسوف
"دليل علي وجود أمل أن ينقشع الخسوف ويضيء القلب من جديد"

لو اغني تمطر الدنيا وكانها
تذرف الدمع علي صدي الألحان
"ولما لا يكون الممطر نزل ليغسل الاحزان"

فارس لم يمت بالرمح
بل مات من اوجاع الروح والانات
"هو لم يمت , والدليل انه كتب بقلمه هذه الكلمات التي نقرؤها"

فما جدوي جسد معافي
والقلب به الاف من الطعنات
"الطعنات تشفي وتندمل الجراح مع الزمن , ليبدأ القلب في استعادة نشاطه"

تعريف جميل جدا ومكتوب باحساس وايضا ببراعة وان كان بيحمل بين طياته الكثير من الالام والاوجاع , الصور اللي اخترتها تحمل تشبيهات مرسومة بعناية ,
وان دلت علي شيء فبتدل علي استسلامك للأحزان اللي جعلت من الفارس , بضعة حروف لا تقوي علي حمل السيوف..

انهض ايها الفارس وحطم بسيفك قيود الحزن فقريبا ستجد جوادك الذي ينتظرك والذي كنت غافل عنه في احضان احزانك..

فارس بلا جواد يقول...

غير معرف
كم كنت أتمني لو كنت معرف
لكن أشكرك علي هذا التفاعل مع الكلمات
فقد حولتها من يأس وإكتئاب إلي أمل ورغبة في الحياة .. أعدك أنني دوما أضع مثل هذة الكلمات نصب عيني .. لأن في الغالب الأستستلام للحزن لن يجدي بشيئ
ولكن نحتاج لحظة إلي مصارحة أنفسنا بما نشعر حتي نستطيع مقاومته
أتمني تكرار الزيارة

ANGEL يقول...

رائع يا فارس بلا جواد .. رائع قليلة كاوصف

انتظر جديدك دائما بشغف ... وفي كل مره تكتب احلى من قبل



سلمت يدااااااااااااك يامبدع الحرف ...




وسلمت لنا ...


تقبل مروري المتواضع وآسفة على التأخير في الرد كم كنت أتمنى أن أكون من أول المعلقين

أنجل ....

nour shahen يقول...

ما شاء الله , اول مره الاقى شعر بجد مش مجرد خواطر
جميله جدا وفعلا تفوقت فى وصفك من انت
وبصراحه اكبر بقى اول مره الاقى طبيب بيكتب شعر , انا قبلت كتتير ليهم اهتمامات اخرى برغم ان اقرب شيء للطبيب لازم يكون الأحساس
اكيد انت هتكون بأذن الله دكتور ناجح جدا لأنك هتحس بالناس فعلا
تقبل تحياتى

قلب مصرى يقول...

إجابتك على سؤال من أنا أكثر من رائعة بجد، والمدونة بشكل عام عجبتنى والله، علشان كده ممكن استئذنك إنى أضع رابط لمدونتك فى مدونتى؟
وأرجو أن تشرفنى بالزيارة.
قلب مصرى

فارس بلا جواد يقول...

angel
أشكرك علي التشجيع .. وإذا كنت في كل مرة أكتب أحلي من قبل .. فهذا يعني أنني سأضع نفسي في مأزق كبير .. عندما لا أستطيع أن أقدم الأفضل .. لكن أدعو الله أن يتأخر هذا اليوم
وأنا أيضا سعيد بتعليقك .. وإن شاء الله في المرات القادمة تكونين أول تعليق
تحياتي

فارس بلا جواد يقول...

nour shahen
سعيد بزيارتك الأولي .. وأتمني أن تتكرر دوما
اتفق معكي في أن الطبيب لابد و أن يكون بداخله بعض الاحاسيس والشاعرية .. ليس فقط من أجل أن يكتب شعر .. ولكن لأنها مهنة إنسانية في المقام الأول .. فيجب أن يكون قلبه مليئ بالرحمه تجاه الناس
في إنتظار تعليقاتك دائما

فارس بلا جواد يقول...

قلب مصري
أشكرك علي الكلام الجميل .. والحمد لله أن باقي المدونة نالت إعجابك
وبالتأكيد أتشرف بأن تضع رابط لمدونتي عندك .. وأسمح لي أن أقوم بالمثل
وأتمني أن يدوم تواصلنا

شهد الكلمات يقول...

اية يا دكتور فين جديدك!!!!!!!!؟
و قاعدت مستنية تشوف البوست الجديد بتاعي و مطنشني

طيب انا هافوت حقي بس نزل بوست جديد

تحياتي

أمل فتحى عزت يقول...

اسعدنى المرور بمدونتك وأتمنى لك التقدم والمزيد من الاهداف النبيلة
كما أدعوك لزيارة مدونتى والتى محتواها
تعالوا نسافر المسافات الى زمن من المحبة لاينتهى
كما أدعوك لقرأة قصتى
(بكل لغات العالم أحبك)

احلام اليقظة يقول...

فارس
بجد البوست كلة جميل
بس ما افتكرش ان كلامك دة وليد المدونة
افتكر انة نبتة رقيقة زرعتها ورويتها واثمرت الذ الثمار وحين طابت كان لزاما عليك قطافهاووضعها بين ايدينا....ونشكرك عليها
تائهٌ تصفعُني موجاتُ البحار
فلا أغرق ولا أرسو علي الشُطآنِ
هذا هو قدرالانسان
دومت بخير
تقبل مرورى

فارس بلا جواد يقول...

شهد الكلمات
قبل ما اكتبلك التعليق قريت البوست بتاعك وعلقت عليه .. وآسف إذا كنت اتأخرت .. وما أقدرش علي زعلك
عشان خاطرك هانزل البوست الجديد بكره .. هو جاهز ويا رب يعجبك

فارس بلا جواد يقول...

أمل فتحي
سعيد بزيارتك الأولي .. وأتمني تكون مدونتي نالت إعجابك
وأكيد هيكون ليا الشرف إني أزور مدونتك
ومنتظر مشاركتك دايما

فارس بلا جواد يقول...

أحلام اليقظة
نورتيني في أول زيارة .. وبالفعل الكلام ما كنش وليد المدونة .. أكيد بيبقي في كلام كتير مختزن بعقلنا .. بس في حاجات بتثيرة وبتطلعة زي سؤال من أنا؟ .. هو اللي دفعني في رحلة البحث عن الذات

ادم المصرى يقول...

لسلام عليكم كيف احولكم
ادعوكم لنتعاون سوين فى جعل يوم من اجل ديننا فى انتظار مروركم الى مدونتى

doaa يقول...

انت فارس وشاعر ورحال وطبيب أيضاً

ولكن أتمنى أن يجمعهم دائماً السعادة والأمل المضيء ولتتخلى عن حزنك القديم
فدائماً هناك بداية جديدة بانتظارك وإشراقة شمس جديدة