CLICK HERE FOR BLOGGER TEMPLATES AND MYSPACE LAYOUTS »

2008-06-07

من عينيكِ عرفتُ الدنيا


من عينيكِ عرفتُ الدنيا
وقمْتُ بأخطرِ رحلاتي
أبحرتُ بسفني في عينيكِ
ومعي أشعاري وأبياتي
غرقت سفني في العينِ اليُمني
وتاهت في اليُسري كلماتي
....
من عينيكِ عرفتُ الزهد
هجرتُ جميعَ اللذاتِ
وعرفتُ منها ان احتاط
ألا آمن غدرَ اللحظاتِ
ألا تأخُذني الفرحة
و أغرقُ في بحرِ الغمراتِ
وعرفتُ أنه مهما يسطعُ نورُ الشمس
لابد وأن ظلامَ الليلِ لآتي
رفقاً يا حُب العمرِ .. فقلبي
لا يقدرُ أن يستوعبَ تلكَ الصدماتِ
إن كُنتي تُريدينَ وداعاً
من فضلِك .. رُدّي لي ذاتي

43 التعليقات:

سفينة يقول...

علي أد مانا مستمتع بأسلوبك وبروعة تعبيرك وكلامك،

علي أد ماانا مستمتع بوجودي في حضرة فنان موهوب،

علي مانا هكون زعلان قوي لو كلامك دا نتيجة لتجربة واقعيه حاليه..

حسيت قوي في كلامك بألم وعدم احساس بالأمان لأي شئ ولأي انسان

نتيجة جرح من فتاه،كانت كل شئ بالنسبة ليك واكتشفت ان انت ولا شئ بالنسبه ليها.....

.................

خالص تحياتي يافنان،وشرفت بأن اكون اول تعليق..

خالص تحياتي

قبطان

سفينة يقول...

آآآآآآآه رجعت تاني عشان اقول لك:

انا قرأت المدونه كلها وبجد تحفه

انت موهوب جدا

وربنا يوفقك
.................
عايز اقول لك ان بوست الهروب دا تحفه

وقلت لك حاجه هناك

مش عارف صح ولا غلط اللي قلته

بس دا رأيي الشخصي لفارس حتي لو كان بلا جواد...

يكفيك شرف انك فارس

...................
خالص تحياتي

قبطان

فارس بلا جواد يقول...

سفينة
مش عارف أقولك ايه ع الكلام الحلو ده .. انت كده هتخليني اخد مقلب في نفسي وافتكر روحي فنان بجد
وشرف ليا انك تكون اول تعليق .. والحمد لله ان باقي المدونة عجبتك .. وانا رديت عليك في موضوع هروب
بالنسبة لكلامك عن القصيدة اذا كانت تجربة واقعية أو لا .. هاحاول بقدر الإمكان اني اهرب من السؤال بس يا رب ما تاخدش بالك
هههههههههههه
كل حاجه في حياتنا بتبقي مزيج ما بين الواقع والخيال .. ساعات بتبقي الصورة حقيقة بس مش بالسواد ده .. وساعات بنطلق العنان لخيالنا ..
ايه رايك في الاجابة الدبلوماسية دي؟
مستنيك دايما تنورني

ساره البحر يقول...

ياااااااه بجد يا فارس النص ده من اروع ما قراءت
حسيت بيه اوي حسيت ان في الم حقيقي
بس يارب اكون حسيت غلط ويكون خيال منك وبس
عجبني النص في تغيره من بدايته العاشقه لنهايته المؤلمه
انت موهوب فعلا يا فارس
تقبل مروري

فارس بلا جواد يقول...

سارة
الكلام اللي قولتيه ده شهادة اعتز بيها .. طالما ان احساسي وصللك يبقي اكيد انتي شخصية رومانسية وحساسة .. سواء كان الكلام حقيقي أو من الخيال المهم اني قدرت اعبر عن اللي جوايا .. واني كلامي وصل لقلوبكم

الشنكوتي الكبير يقول...

إن كُنتي تُريدينَ وداعاًمن فضلِك .. رُدّي لي ذاتي

جميله قوي قوي قوي يا دكتره
طيب اقول ايه يعني بس انا دلوقتي
بجد الجمله الأخيره هي اكتر مقطع شدني

لو كل حد عايز يغدر يقدر فعلا يرجع اللي اخده من حب وعمر ووقت ورعايه كان يبقى ليه الحق يمشي
انما اللي اخده مش هيقدر يرده ابدا


جميله قوي كلماتك
تسلم ايدك
دمت بخير
سلاااااااااااااااااااااام
اخوك ايهاب يا دكتره

فارس بلا جواد يقول...

الشنكوتي الكبير
انت فعلا يا ايهاب قلت اهم حاجه
لو كل واحد يقدر يرجع اللي اخده في حب اللي قدامه كان بقي النسيان اسهل شيئ في الدنيا
متشكر علي التعليق ويارب دايما تنورني

mai يقول...

رااااااااااائعة جدا جدا جدا

ان كُنتي تُريدينَ وداعاًمن فضلِك .. رُدّي لي ذاتي

(مؤثرة جداا)
وهي كلها على بعضها مالهلش حل ومالهاش وصف

mai يقول...

حاسة اني مديتش حقها في التعليق بس بجد انا دمعت لما قريتها

ANGEL يقول...

ما اعذب كلماتك
وما اروع آميرتك
التي حرّضتك على مثل تلك الحروف
توقفت حروفي صامته وهي تداعب اوتار الزمن وتطالبه
بان يتحرك ولكن شدها عطر حرفك المميز!!!


فهنيئا لي بمروري على هذا التميز الساحر!!


تقبل مروري المتواضع وشكرا لمرورك بمدونتي ... دمت بود وإحترام

كوارث يقول...

لا لا لا يا دكتور
ما تزعلنيش منك
انتا كنت ماشي حلو لحد وعرفت منها أن أحتاط
حسيت ان القصيدة خربت منك هنا في الوزن
فوق دقة لغوية وشعرية مالهاش حل
ليه تبوظ العمل بالبيتين دول
وبالنسبة للعمل نفسه ففيه مقلب في الآخر .. يعني ما احتاطش ولا حاجه واتصدم زي الناس !
رايي تخليها
تعلمتُ ألا أحتاط !
أن آمن غدر اللحظات !
لان اللي بيقع دايمًا ما بيكونش مدي على خوانة مش العكس
غير كده العمل طبعًا مش محتاج تعليقي ..
دنا طلعت كارثة
بانتظار الجديد
وبتمنى يدوم تواصلنا

شهد الكلمات يقول...

عظيمة

انت كان حقك تدخل حاجة فيها مجال ادبي بدل الطب ده
تحفة بجد كلمات رائعة احساس عالي و قوي يوصل للقلب في لحظتها

و من جديد شفايفي عمالة تبتسم تبتسم لحد ما وصلت لودني

بس انا زعلت في الاخر لانكسار قلبك يارب تكون مجرد كلمات و يكون الكلام ده محض خيال عالي

و ربنا يصبر قلبك

تحياتي

عرفة فاروق السيوطى ( الاديب العاشق) يقول...

فارس بلا جواد

الله الله على الابداع

بجد باين عليك انك شاعر قوى بس فى حاجة

انا شايفك كويس جداااااااااااا فى الشعر الفصيح بس الشعر العامى احيانا يتنطط منك بعيد

بس القصيدة دى هايلة فعلا رقة وخيال

بس ايه ولا نزار

تحياتى


وانتظرنى دائما عندك

الاديب العاشق

عرفة فاروق السيوطى

rara يقول...

مساء الخير

بجد انت موهوب والله

على فكرة انت شاعر كبير أسلوبك أكثر من رائع

ربنا يوفقك ودمت بخير وسعادة

تحياتى لك

فارس بلا جواد يقول...

مي
ميرسي يا مي علي كلامك .. والله بجد منوراني ..ودموعك دي بتحملني مسئولية كبيرة ان لازم الاعمال الجاية تبقي في نفس المستوي .. أوعدك ان شاء الله اني هاحافظ علي نفس المستوي .. وماليش دعوة بقي لو فضلتي تعيطي كتير
ههههههههههههه

........................

angel

ايه الكلام الجميل ده .. والله تعليقك ينفع بوست لوحده .. وشرف ليا اني مريت بمدونتك .. ويا ريت دايما اسمع تعليقك علي اللي جاي

فارس بلا جواد يقول...

كوارث

ما أقدرش علي زعلك يا باشا .. بس انا مختلف معاك .. هو صحيح كان في ابيات طويلة وأبيات قصيرة بس انا كنت حاسس ان الوزن مظبوط ومفيش حاجه كانت مكسورة .. بس بردة احترم وجهة نظرك .. ومش هنختلف لو مش عاجبك ميزاني ابقي اوزن بره
هههههههههههههههههههه
انا باحب اسمع اي نقد عشان استفيد منه .. واوعدك اني هابقي اخد بالي في اللي جاي ..
بالنسبة لموضوع اني قلت تعلمت منها ان احتاط .. انا كنت أقصد انه فعلا اتصدم واتعلم كده .. يعني خد درس لقدام انا كنت اقصد للمستقبل مش الماضي .. يا ريت تكون فهمت قصدي
ومتشكر جدا علي التعليق الجميل ده وأوعدك ان هيدوم تواصلنا بإذن الله

فارس بلا جواد يقول...

شهد الكلمات

متشكر علي كلامك الحلو .. وبالنسبة لاني طلعت دكتور مش شاعر .. مش هتفرق كتير هما الاتنين بيصابو بالجنون في الاخر ..ومبسوط ان القصيدة عجبتك ويا رب شفايفك تفضل تبتسم دايما

فارس بلا جواد يقول...

عرفة فاروق السيوطى ( الاديب العاشق)

لما الكلام ده يجي من أديب جامد زيك .. يبقي شهادة كبيرة ..وبالنسبة للشعر الفصيح أنا فعلا باحبه أكتر .. بس أوعدك أني هاخد كلامك ده تحدي مع نفسي وهاكتب حاجه بالعامية يا رب تعجبك ان شاء الله ..
ومستنيك دايما تنورني

فارس بلا جواد يقول...

رارا
ميرسي جدا علي كلامك الجميل .. ويا رب أكون كده فعلا بس دي مجرد محاولات ..بس يا رب كل الاعمال اللي جاية تعجبك .. ومستني دايما تعليقلتك

Tamer Nabil يقول...

من عينيكِ عرفتُ الدنيا
وقمْتُ بأخطرِ رحلاتي
أبحرتُ بسفني في عينيكِ
ومعي أشعاري وأبياتي
غرقت سفني في العينِ اليُمني
وتاهت في اليُسري كلماتي

كلمات جميلة واكثر من رائعة يافارس

تسلم عليها

تحياتى

الفارس الملثم يقول...

مممممممممممممم

يبدو ان الاسم علي مسمي فعلا , فانت حقيقي فارس من فرسان الكلمه ..

اعجبتني الخاطرة جدا فهي رائعه بحق

بجد تسلم ايدك وسعدت جدا ان اقرا لك

تحياتي
محمد

اجندا حمرا يقول...

عزيزي فارس بلاجواد

انت موهوب صديقي و كلماتك عن الشغف بعين المحبوبه رقيقه و جميله
مهما اتكلمنا عن لغه العيون و تأثيرها علينا دايما حيفضل كلام كتير لسه ماتقالش

بحييك علي اسلوبك الجميل في كتابه القصيده

استمر صديقي في الابداع

كاميليا يقول...

من عينيكِ عرفتُ الدنيا
ومن عينيك نظرت إليها

وقمْتُ بأخطرِ رحلاتي
وأنا معك بنبضاتى

أبحرتُ بسفني في عينيكِ
وأنا أبحرت بقلبى إليك

ومعي أشعاري وأبياتي
وأمالى فى الحب الآتى

غرقت سفني في العينِ اليُمني
وتاهت في اليُسري كلماتي
وأغمضت عليك أهدابى
فما لى غيرك
حتى ببعدك
فأنت لازلت
كل
أحبابى


تحياتى لبوست شجى جميل
يشجع على التفاعل

دمت رقيق المشاعر

فارس بلا جواد يقول...

تامر نبيل
تسلم انت يا تامور .. وميرسي علي الكلام الحلو .. ويارب يدوم التواصل بينا

فارس بلا جواد يقول...

الفارس الملثم
نورتني في اول زيارة .. وبالنسبة اني فارس من فرسان الكلمة فاشكرك علي الكلام الكبير ده .. ويارب دايما تنورني .. أدينا بقينا فارسين .. في انتظار فرسان جدد

فارس بلا جواد يقول...

اجندا حمرا
فعلا لغة العيون بتقول حاجات مش ممكن نعرف نقولها بالفم ..نورتيني بجد .. وباسعد جدا بتعليقك علي اي بوست ليا

فارس بلا جواد يقول...

كاميليا
بجد كلامك تحفة .. حلو قوي المزج اللي عملتيه ده .. بس انتي كنتي متفائلة شوية .. عشان كده كان رد حبيبته كله شوق وحب ..لكن النهاية اللي انا اخترتها كانت غير كده .. بجد حولتي القصيدة في اتجاة تاني بطريقة فنية جميلة .. متشكر جدا ويا رب دايما اسمع تعليقاتك

حبيبـــــــة القمـــــر يقول...

ايها الغارق في بحر عيناي

حذرتك من هواي ولكنك لم تبالي

سكنت فيك الروح وتركتك تعاني

فلا تسمعني ملاما فلم اكن الجاني

انه انت وقلبك من سبح في بحر احزاني



قد ايه كلماتك جميله
مقدرتش اوصل بكلماتي لرقيها وجمالها ولكنها محاوله

لك مني كل التحيه واشكرك لزيارتك الجميله

PrInCeSS BeRy يقول...

هاىى يا دكتور اية الكلام الجمد دة انا وانا بقراها بجد جة على ذهنى على طول كاظم السهر وهوة بيغنى لنزار قبانى بجد رائعة

فارس بلا جواد يقول...

حبيبة القمر
متشكر علي الشعر الجميل ده .. بس في الاخر اتحولت من مجني عليه الي جاني
هههههههههههههههه
كلماتك حلوة جدا .. انا ماكنتش اقصد في كلامي الغرق في بحر الحب فقط .. اللي كنت مركز عليه أكتر هو الغدر .. أصعب شيئ في الدنيا إنك تعيّشي إنسان في جنة وبعدين تصحيه علي واقع مؤلم

فارس بلا جواد يقول...

PrInCeSS BeRy
ميرسي جدا يا بيري .. بالنسبة لنزار .. أنا باعشق مدرسته في الشعر عشان كده باكون متأثر بيه في جمل كتيرة .. أما بالنسبة لكاظم فأنا مش من المغرمين بيه قوي .. بس عشان ما زعلش البنات هاقول اني باشوفه ملحن أكتر منه مطرب .. وطبعا أي حد معاه كلمات نزار لازم هينجح .. بس برده باحترم الفن اللي بيقدمه كاظم
مستنيكي تنوريني دايما

حبيبـــــــة القمـــــر يقول...

اعذرني يافارس
كان لازم اقلب الدفه بقى

واخليك انت الملام مش هي

فارس بلا جواد يقول...

حبيبة القمر
طبعا لازم بنات حواء يدافعوا عن بعض .. انا موافق يا ستي إنك تقلبي الدفة
هههههههههه

د/أبويحيى وادم يقول...

السلام عليكم ورحمه الله وبركاته
آخى الكريم
لما أراك لم تشارك معنا فى حملتك إلى الآن ؟
أخي العزيز : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أخي الحبيب أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

enjy يقول...

ايه دة؟؟ دة بجد وللا هزار يعنى؟؟
حلو اوى جدا خالص والله الله ينور يا دكتور فظيع مع انى اول مرة اجى هنا بس واضح انى هاقيم هنا على طول الله عليك بجد

فارس بلا جواد يقول...

د/أبويحيى وادم
في البداية أرحب بك في أول زيارة لمدونتي .. في الحقيقة لم أسمع عن تلك الحملة التي تتحدث عنها ولكني استنتجت أنها حملة لإحياء اللغة العربية الفصحي .. وهذا شيئ جميل .. ولكن إسمح لي أن أختلف معك فلا يجب أن نصور الفصحي بأنها رمز للنقاء والطهارة .. وكأن العامية أصبحت مسخ متوحش نخاف علي لغتنا منه .. ففي بعض الأحيان يكون للعامية رونقها وجمالها .. كما أنها تعد مؤشر تاريخي .. فأنت تستطيع أن تتعرف علي حياة شعوب سابقة في حقب تاريخية قديمة من خلال دراسة لغتهم الدارجة .. فقد كانت هناك بعض الالفاظ والمصطلحات التي كانت تميز عصر عن غيره .. لذلك أري أن المزج بين الفصحي والعامية مطلوب .. ولن أقول أكثر من أن الرسول صلي الله عليه وسلم وصحابته كانوا يستخدمون ألفاظا خاصة بعصرهم ربما كانت تستخدم من قبلهم ولم تعد تستخدم من بعدهم .. وأخيرا أقول لك طالما انه بين أيدينا قرآن يتلي إلي يوم الدين فلا تخشي علي لغتنا الفصحي من الضياع
أتمني أن تكون استوعبت وجهة نظري
وأنتظر دوما مشاركاتك

فارس بلا جواد يقول...

إنجي
أهلا بيكي في أول زيارة .. ومتشكر علي الكلام الجميل ده .. وبالنسبة لسؤالك ده جد مش هزار .. ويا ريت تنوريني دايما وتقيمي فعلا في المدونة أهو برده تاخدي بالك منها وانا مش موجود لحسن حد يسرق حاجه
مستني دايما تعليقاتك

رؤية يقول...

إن كُنتي تُريدينَ وداعاً
من فضلِك .. رُدّي لي ذاتي

اسلوبك ممتع وسلس
احييك عليه كثيرا

فارس بلا جواد يقول...

رؤية
أشكرك .. تشرفت بمعرفتك في أول زيارة ..وبانتظار مشاركاتك دائما

غير معرف يقول...

رائعة كلماتك
ذكرتني بشعر فاروق جويدة
واخر بيت رائع رائع
"ان كنتي تريدين وداعا من فضلك ردي لي ذاتي"

الغدر هو أسوأ خنجر من الممكن أن نُطعن به وخاصة اذا كان مممن نحب ومن غمرنا بحبه , اما اذا كان ممن لا نحمل لهم اي مشاعر فبيكون مقبول وكذلك ان كان من اولئك الذين لا يكنون لنا حبا.
واسوا ما في الغدر ان يكون بعد احلام صنعناها وحياة رسمناها معاً ووعوداً صدقناها ثم تحول كل ذلك الي سراب في لحظة.
ولكن احيانا يكون الغدر في صالحنا علي الاقل انكشف لنا الغادر قبل ان نتمادي اكثر في حبنا ومشاعرنا.
من عينيها لم تعرف الدنيا وانما علمت جانبها السيء.. انظر في عيون من حولك فحتما ستجد في عيون قريبة منك الدنيا بكل ما فيها.
تمنياتي بعينين تري فيهما جمال الدنيا وتستشعر معهما معني الامان.

فارس بلا جواد يقول...

غير معرف
سعيد بتعليقك .. وشرف لي ان تذكرك كلماتي بالشاعر الكبير فاروق جويدة .. لانه من أحب الشعراء إلي قلبي
كلامك لمس بداخلي أوجاع كثيرة .. وأتذكر عبارة سمعتها في أحدي المرات تقول : أصعب الجروح عندما تتلقي طعنة ممن كنت تنتظر منهم وردة
أسعد دائما بمشاركتك

نغمة شاردة يقول...

السلام عليكم
كلماتك رائعة وبسيطة
تشعر عند قراتها وكان الكلمات لك وحدك
فرفقا بنا فان الاحساس يبعدنا عن الواقع

فارس بلا جواد يقول...

نغمة شاردة
عندما يكون الواقع مؤلم .. فيكون الهروب بالأحساس هو ملاذنا
سعيد جدا بتعليقك .. وأتمني أن يدوم التواصل بإذن الله