CLICK HERE FOR BLOGGER TEMPLATES AND MYSPACE LAYOUTS »

2008-09-11

رباعيات


.....

أحب أن أوضح لكم أن الأبيات هذة المرة علي شكل رباعيات .. وأن كل مقطع مستقل بذاته .. ليس من حيث القافية والأوزان فقط ولكن من حيث المعني أيضا .. فكل مقطع يتناول فكرة مختلفة عن الأخر

.....
تبدينَ دوماً بالنشـاطِ مُفعمـة
كفراشةٍ ما بينَ أزهارٍ تجـوب
فتصيرُ بعدكِ الأزهارُ مُحطّمـة
بالدمعِ تبكي رحيقها المسلوب
*****
العشـقُ يتردد صـداهُ فلا أُجيــب
و يهُزُ أوصــالَ الفــؤادِ صوتُــهُ
والشوقُ في قلبي كجرحٍ لا يطيب
فقبــلَ أن يقتُلنــي كُنـتُ قتلتــهُ
*****
و يستمرُ العشقُ حتي في غيابِك
فيحمِلُني شوقي إليكِ في المساء
وقبـل أن أطــرقَ بيـدي بابِـــك
يجذُبُني بعيـداً عنكِ الكبريـــاء
*****
لماذا تهربينَ وقلبي عاشِـقٌ؟
والعشقُ مشروعٌ وليسَ مُحال
كنعامـةٍ يأتيــها حبٌ صــادقٌ
فتدفِنُ رأسـهـا بيـنَ الرِمــال
*****
ارحلــي عنّي وكفـاكِ لومــاً
لستُ مُضطراً لعُذرٍ أو رجاءِ
إنني كالبحرِ لا يُعجزهُ يومـاً
إن نقُصت مِنهُ قطراتُ مـاءِ
.....


49 التعليقات:

fire bird يقول...

بصراحة ومن غير اى مجاملات

كلهم اروع من بعض

واللى اثرت فيا جدا

الرباعية رقم 3

بجد

الله ينور عليك

انت فنان حقيقى

ربنا يوفقك

Habiba يقول...

ياسلام ياعم فارس
تانى تعليق من زمان ماعملتش الرقم ده
من ايام ماكناانا وانت مش بيجيلنا تعليقات كتير

فكره اكثر من رائعه يافارس
وكلمات حلوة مش جديد عليك
وانت عارفنى مش بجامل

تحياتى ياقمر

Habiba يقول...

صحيح يافارس نسيت اقولك
هو ليه انت فضلت ممشيها عشق جامد مووت ومرة واحده قلبتها بيع قوى كده

هو اللى يحب قوى كده يبيع بسرعه كده؟؟
!!!!!!!!!!!!

nasimlibya يقول...

و يستمرُ العشقُ حتي في غيابِك
فيحمِلُني شوقي إليكِ في المساء
وقبـل أن أطــرقَ بيـدي بابِـــك
يجذُبُني بعيـداً عنكِ الكبريـــاء

ياااااااااا سلام عليك يا فارس
تعبير ولا اروع صورة ف غاية الجمال
دمت بخير ويومك سعيد يارب ومتحرمناش من طلاتك الحلوة

EMMY BABY يقول...

والله كلهم اروع من بعض بجد

الواحد احتار فيك والكلام مبقاش يكفيك

وجامدة الصورة اللى فوق دى ياترى انت اللى رسمها برضه ؟؟

بس انا محستش انهم بعاد اوى فى المعنى يعنى ممكن كام واحدة فيهم كانت تبقى فى قصيدة مع بعض

بس بجد الالفاظ عندك قوية اوى والتشبيهات بتاعتك روعة

تسلم ايدك

تحياتى

ايمى

Purplewaves يقول...

السلام عليكم
كل رباعية اجمل من التي تسبقها، ماشاء الله اختيارك للكلمات رائع واحساسك متميز

تحياتي

جويرية يقول...

السلام عليكم ورحمة الله وبركاته

بجد كلمات جميلة ورائعة
ورائع ما نسجه قلمك
ننتظر ابداعاتك القادمة

شهد الكلمات يقول...

يا جامد يا جاااامد

اية الحلاوة دي

حلوة اوي عجبتني الفكرة جدا و وصلي معناها

طبعا كلمات عالية زي العادة

و الاوزان طبعا رائعة و هي اصلا فكرة الربعيات في حد ذاتها جامدة جدا

لو هاقول كلام مش هايوفي اعجابي بالبوست

هاقولك بس احسنت احسنت احسنت

و تسلم ايدك

تحياتي

انا مش معاهم يقول...

ماشاء الله بجد رباعيات حلوة قوية ورقيقة وتدخل القب بسرعةمش عارفة أختار مين أحلى واحدة بس أخر تلاته جامدين مع الإعتبار إني كلهم حاجة رائعة ماشاء الله ربنا يحفظلك فكرك وكيبوردك وإبداعك دائما

د. موني يقول...

الله يادكتور
عجبتنى اوى رباعياتك وخصوصا:
يجذُبُني بعيـداً عنكِ الكبريـــاء
حلوة اوى بجد
تقبل مرورى وتحياتي

د. موني يقول...
أزال المؤلف هذا التعليق.
الفارس الملثم يقول...

جميله اوي يا فارس , وعجبني انك دايما بتنوع في اسلوب كتابتك , ورائعه فكرة الرباعيات دي

ارحلــي عنّي وكفـاكِ لومــاًلستُ مُضطراً لعُذرٍ أو رجاءِإنني كالبحرِ لا يُعجزهُ يومـاًإن نقُصت مِنهُ قطراتُ مـاءِ .....

استوقفتني الرباعيه دي بالذات ممممممم ايه ياعم الثقه بالنفس دي كلها , تعبيرات قويه وحاده وقاطعه

تسلم ايدك يا باشا ودام نزف قلمك

شهرزاد يقول...

كنت أعلم انك بارع جدا في كل أنواع الكتابة.. وها قد زدت الى القائمة نوعا جديدا.. الرباعيات
ما أعجبني في الرباعيات أنها تختصر الكلمات ولكنها تجزل في المعاني

ارحلــي عنّي وكفـاكِ لومــاً
لستُ مُضطراً لعُذرٍ أو رجاءِ
إنني كالبحرِ لا يُعجزهُ يومـاً
إن نقُصت مِنهُ قطراتُ مـاءِ .....
...
كلمات جميلة وكأنها حكم
وتذكرني بمثل معناه أن الجبل إن رمي بالحجارة فإنه يبقى قويا صامدا
لا ينقص ذلك ولا يزيد من قدره شيئا

دمت مبدعا
تحياتي

شهرزاد يقول...

كنت أعلم انك بارع جدا في كل أنواع الكتابة.. وها قد زدت الى القائمة نوعا جديدا.. الرباعيات
ما أعجبني في الرباعيات أنها تختصر الكلمات ولكنها تجزل في المعاني

ارحلــي عنّي وكفـاكِ لومــاً
لستُ مُضطراً لعُذرٍ أو رجاءِ
إنني كالبحرِ لا يُعجزهُ يومـاً
إن نقُصت مِنهُ قطراتُ مـاءِ .....
...
كلمات جميلة وكأنها حكم
وتذكرني بمثل معناه أن الجبل إن رمي بالحجارة فإنه يبقى قويا صامدا
لا ينقص ذلك ولا يزيد من قدره شيئا

دمت مبدعا
تحياتي

قلب مصرى يقول...

ما شاء الله عليك يا دكتور أحمد
والله بجد كلهم أجمل من بعض

enjy يقول...

الله ينور يا دكتور طبعا انت عارف رايى فى كلماتك بس بجد ثالث واحدة حلوة جدا والله عجبتنى قوى جدا خالص يعنى

فارس بلا جواد يقول...

fire bird
أكثر ما يسعدني ان يكون رأيك فعلا بدون مجاملة .. واشكرك لمرورك الكريم
بالتاكيد كل شخص ربما يشعر بتأثير مختلف للكلمات وتكون لها وقع علي نفسه
واختيارك للرباعية رقم 3 ربما لانك استشعرتي معناها بصدق
دمتي بكل ود

فارس بلا جواد يقول...

حبيبة
أزيك يا حبيبة
ماتفكرنيش بايام زمان اول ما كنت عامل المدونة لسه
كنت رافع شعار ( تعاطفك لوحده مش كفاية ..اتبرع ولو بتعليق )
بس الحمد لله دلوقتي الواحد بيفرح بالمشاركات بس المهم تكون مشاركة بصدق مش رد زيارات وبس .. وانا دايما بيهمني اسمع رايك عشان عارف انك مش بتجاملي
بالنسبة لسؤالك والله هو ترتيب الابيات جه بالصدفه يعني ماكنتش قاصد .. ده غير اني كتبتهم في فترات زمنية مختلفة

فارس بلا جواد يقول...

nasimlibya
أهلا بيكي .. متشكر جدا لكلامك الجميل ده .. وانا بجد لما ازور مدونة شخص و احس انه موهوب بيهمني رايه جدا .. وانتي من الناس دول
انتقاء مميز للابيات ويبدو ان فيه اجماع علي المقطع ده
دمتي بكل خير

فارس بلا جواد يقول...

emmy baby
متشكر علي الكلام الحلو ده .. واخجلتم تواضعنا
بالنسبة للصورة .. لا مش انا اللي رسمها انا لاقيتها في منتدي وعجبتني .. انا يعني رسمي علي قدي مش للدرجه دي
....
معاكي حق هو فعلا في مقاطع منهم ينفع يبقوا قصيدة واحدة بس قلت اجرب حاجه جديدة
اشكرك مرة تانيه علي كلامك الرائع وبجد باكون سعيد بمشاركتك جدا
تحياتي

فارس بلا جواد يقول...

purplewaves
وعليكم السلام
شكرا علي مرورك الجميل ورأيك الاجمل
يارب دايما القادم ينال اعجابك

فارس بلا جواد يقول...

جويرية
أشكرك جدا .. وسعيد برأيك
ومتابعتك لاعمالي شيئ يشرفني
تحياتي

فارس بلا جواد يقول...

شهد الكلمات
ربنا يخايكي يا هاجر علي الكلام الجميل ومبسوط ان الفكرة عجبتك قبل الكلام
وانتي دايما بيوصلك اي معني بابقي عايز اقوله
بس طالما شجعتيني كده يبقي اكيد ان شاء الله هاكررها تاني
دمتي بكل ود

فارس بلا جواد يقول...

أنا مش معاهم
تعليقك هو اللي جميل ورقيق
مش لازم تختاري واحده المهم يكونوا نالوا اعجابك .. واختيارك موفق فعلا
أشكرك علي هذا الدعاء الجميل
وربنا يكرمك

فارس بلا جواد يقول...

د . موني
اهلا بيكي ومنوراني
شكرا علي رأيك .. وبرده اخترتي نفس البيت زي المعظم .. وانا بجد سعيد اني اسمع رايكم واختيارتكم في الحاجات اللي باكتبها
تحياتي

فارس بلا جواد يقول...

الفارس الملثم
مبسوط يا محمد ان الفكرة عجبتك
علي فكرة انا كمان باتفق معاك في اختيارك للمقطع الاخير لأني حسيت اني كنت موفق فيه
هو انا مش باقصد الحدة والقسوة بقدر ما باقصد التنوع والتعبير عن كل المشاعر الانسانيه اللي بتجتاح الشخص
يعني لازم لما اقصد كلام حاد يكون حاد لدرجة مؤثرة فعلا .. وده باعتبره تحدي في التعبير عن المعني اللي عايز اوصله
تحياتي

فارس بلا جواد يقول...

شهرزاد
أشكرك جدا يا شهرزاد علي هذا الرأي
(ما أعجبني في الرباعيات أنها تختصر الكلمات ولكنها تجزل في المعاني)
بالفعل اتفق معك جدا .. وهذة فكرة اي رباعيات عموما .. هو نوع من التحدي .. كيف من خلال ابيات قصيرة تعطي معني عميق وفي نفس الوقت تحافظ علي الوزن والقافية و تضيف صور بلاغيه
أعتقد ان كتابة الرباعيات ربما تكون اصعب شيئا ما من كتابة قصيدة كاملة
اخترتي المقطع الاخير ايضا وانا اتفق معك .. وهو يطابق المعني الذي ذكرتيه
وانا عموما اعشق ابيات الشعر التي تحتوي علي مضمون مثل الحكم او الأمثال
احييك علي مشاركتك المميزة
دمتي بكل ود

فارس بلا جواد يقول...

قلب مصري
ده شيئ يسعدني ان كل الرباعيات تعجبك بجد .. وشكرا ليك يل قلب بجد علي الدعم والتشجيع
تحياتي

فارس بلا جواد يقول...

enjy
شكرا يا انجي .. ولازم رأيك في اي بوست يكون موجود وينور المدونة
هو كده في منافسه بين المقطع التالت والاخير .. وده شيئ بيسعدني ان كل واحد بتعجبه حاجه مختلفه
تحياتي

عاشقة الحب يقول...

دائما بقولك
تبهرني

تحياتي

saso يقول...

تحفههههه والله كلهم انا فضلت ادور على احلى واحده بس لاقيتهم كلهم احسن من بعض ...

انا آسفه اوى على التاخير ...

c u

شفقة هانم واحسان بك يقول...

بجد الاحساس فى الكلام عالى جدا
تسلم

dr.Roufy يقول...

و يستمرُ العشقُ حتي في غيابِك
فيحمِلُني شوقي إليكِ في المساء
وقبـل أن أطــرقَ بيـدي بابِـــك
يجذُبُني بعيـداً عنكِ الكبريـــاء


ايه الحرفية والروعة دي يا دوك؟
الرباعية دي فعلا ابهرتني
رغم سلاستها ونقاء الفاظها لكن فعلا بتسيب حاجة كدا زي وخزه في الروح..
أحييك يا زميل :)

أسير حبيبتي يقول...

السلام عليكم

ازيك يا فارس اخبارك ايه ؟؟
اعتذر بشدة عن غيابي لظروف قهرية

طبعا الرباعيات دي مش محتاجة كلام
تعجبني دائما براعتك في استخدام مفردات اللغة

ادام الله ابداعك
و كل سنة و انت طيب

nour shahen يقول...

هايله هايله هايله يا فارس

ولو سمحتلى هستعير رباعيه منك واحطها في التكست

يا رب بكره نشوفك زي صلاح جاهين بقى وتبقى رباعيات دكتور القلب

تحياتى ليك

lyssandra يقول...

يحمِلُني شوقي إليكِ في المساءوقبـل أن أطــرقَ بيـدي بابِـــك
يجذُبُني بعيـداً عنكِ الكبريـــاء

جميل أوي المقطع ده

تحياتي

Lyssandra

فارس بلا جواد يقول...

عاشقة الحب
شكرا لمرورك الجميل
ويارب دايما افضل عند حسن ظنك
تحياتي

فارس بلا جواد يقول...

saso
اهلا بيكي
مفيش داعي للاعتذار .. كفايه انك نورتيني
مبسوط ان كل الرباعيات عجبتك
دمتي بكل الود

فارس بلا جواد يقول...

شفقة هانم واحسان بك
أهلا بيكم .. ومنورني في الزيارة الاولي
اسم جميل قوي لمدونتكم
شكرا علي الراي .. ويارب تتكرر الزيارة
تحياتي

فارس بلا جواد يقول...

dr.Roufy
أهلا بيكي يا دكتورة
والله بجد كلامك أسعدني جدا .. اي كلمة بتسيب أثر في القارئ باعتبرها نجاح ليا
أشكرك علي رأيك يا زميلة الطب والشعر ايضا
تحياتي

فارس بلا جواد يقول...

أسير حبيبتي
أزيك يا عدنان
سعيد أنك نورت المدونة من جديد .. ولا داعي للاعتذار .. الاهم هو رجوعك بالسلامة
أشكرك علي رأيك الذي يشرفني بكل تأكيد
وكل عام وانت بخير

فارس بلا جواد يقول...

نور شاهين
أزيك يا نور
متشكر قوي علي الكلام الجامد ده
وطبعا اتفضلي استعيري اللي انتي عايزاه
لو تحبي اكتبلك عليها اهداء كمان ههههههه
صلاح جاهين مرة واحده .. انا باحب الرباعيات بتاعته جدا .. بس انا اعتزلت العامية من زمااااان
تحياتي

فارس بلا جواد يقول...

lyssandra
نورتي المدونة
الظاهر ان المقطع ده هو اللي هيكسب في الاراء
انا سعيد جدا بمشاركتك ورايك
تحياتي

EMMY BABY يقول...

طبعا كالعادة غلسة انا عارفة وهطلب منك تدخل تقول رايك على القصة تانى لانى وانا بعدلها كنت انت رديت

معلش هتعبك بس رايك يهمنى

وانا فعلا بشكرك على رايك اللى انت حطيته بجد منكم نستفيد ربنا يكررمك

تحياتى

ايمى

ضى القمر يقول...

فارس

لا اجيد كلمات الأطراء كثيرا ..
لكن بكل صدق أبدعت ابدعت فيما نثرت لنا ..

كلماتك وابياتك فى قمة الرووعه .
توهت بها كثيرا وقراتها اكثر من مرة .
وخاصة هذه الأبيات

ارحلــي عنّي وكفـاكِ لومــاً
لستُ مُضطراً لعُذرٍ أو رجاءِ
إنني كالبحرِ لا يُعجزهُ يومـاً
إن نقُصت مِنهُ قطراتُ مـاءِ

أشكرك على ما منحتنى من متعه بالقراءة هناا

ولك خالص تقديرى ..

واسمحلى ان اضيف مدونتك لدى .. فهى متميزة بمعنى الكلمه .
تحيتى لك

حنين.. يقول...

بسم الله ما شاء الله
كتبت فابدعت فاحسنت
احلى حاجه عجبتنى
ارحلــي عنّي وكفـاكِ لومــاً
لستُ مُضطراً لعُذرٍ أو رجاءِ
إنني كالبحرِ لا يُعجزهُ يومـاً
إن نقُصت مِنهُ قطراتُ مـاءِ

حسيت فيها بقوووووووة
دمت سالم
تحياتى
فى انتظار المزيد

فارس بلا جواد يقول...

emmy baby
بالعكس يا ايمي .. طلبك رأيي ده شيئ يسعدني ويشرفني وانا فعلا قريت القصة مرة تانية بعد التعديل .. والتعديل كان رائع بجد
تحياتي

فارس بلا جواد يقول...

ضي القمر
لا اعرف بماذا أرد علي هذا الكلام الرائع .. اخجلتي تواضعي
أشكرك جدا علي هذة الكلمات التي تمنحني الثقة وتشعرني ان هناك من يجد في كلماتي شيئا ما يستحق المتابعة
اضافة رابط المدونة هو شرف لي .. واسمحي لي ان اقوم بالمثل
ان شاء الله يدوم تواصلنا
تحياتي

فارس بلا جواد يقول...

حنين
أشكرك بشدة يا حنين علي رأيك
وأختيار موفق للابيات .. وسعيد ان المعني الذي كنت اقصده قد وصلك من خلال الابيات
في انتظار مشاركتك دوما
تحياتي