CLICK HERE FOR BLOGGER TEMPLATES AND MYSPACE LAYOUTS »

2009-01-31

................


......
هكذا دوما تمضي الايام سريعا .. مر ما يقرب من 9 أشهر منذ دخولي عالم التدوين ولا أنكر أنه أحدث في نفسي تأثير كبير ..وكانت هذة الأشهر التسع من أروع الأيام التي مرت علي والتجربة ككل كانت رائعة بحق .
....
ولكن مثلما يبدأ كل شيئ لابد وان ينتهي ..اشعر في تلك الأيام وكأن كل الظروف تدفعني لإغلاق المدونة .. ليست حالة من الملل أو شيئ من ذلك ولكنها فقط ضغوط كثيرة تستنفذ وقتي ومجهودي .. فبعد أيام قليلة سينتهي عامي الأخير كطبيب أمتياز وأبدأ رسميا في ممارسة الطب .. وأنا منذ البداية كنت علي علم بأنه سيحدث هذا الصدام بين مزاولة مهنة الطب ومحاولة اشباع الهوايات .. لذلك كنت أحسب جيدا قدوم هذة اللحظة وكنت متهيأ نفسيا لأن أكف عن التدوين في الوقت المناسب الذي أري انه قد حان الآن .. لذلك بكل أسف اتخذت هذا القرار بلا رجعه
....
أشكركم بشدة علي تعليقاتكم التي أسعدتني وأدخلت في نفسي البهجة ومنحتني المزيد من الثقة .. وبدون اي مبالغه لولا تعليقاتكم المشجعه هذة لما تحمست علي الأستمرار في التدوين ولأغلقت المدونة منذ البداية وما أتيحت الفرصة لكي أكتب خواطري .. لذلك انا مدين لكم جميعا بالكثير
....
وكم كان حظي سعيدا بالتعرف علي الكثير من الموهوبين منكم من خلال هذا العالم الساحر .. وكم كانت كلماتكم تترك أثرها العميق في نفسي .. لذلك أشكركم مرة أخري علي تلك الفرصة التي منحتموني إياها .. وأتمني من الله ان تكون مدونتي حازت علي إعجابكم و نالت الإستحسان
....
في الختام أبلغكم سلامي جميعا وأرجو منكم الدعاء لي في ما هو قادم بإذن الله
خالص تحياتي
.....
فارس بلا جواد

32 التعليقات:

Nasimlibya يقول...

لااااااااااااااااااا


بتتكلم بجد معقولة يا فارس


و الله مش مصدقة صدمتني

ندعيلك بالخير اكيد بس علي الاقل الاقل متحدفش المدونة خليها والله حرام عليك


امممم عاجزة عن التفكير والكلام

princess يقول...

ليه يا احمد كده بس
ماانت ممكن تعمل الاتنين
فكر تانى دى هواية حلوة
عموما لو انت هتبقى مرتاح يبقى توكل على الله واعمل اللى فى خير ليك

همسات دافئه يقول...

مش هارد عليك
ولا هاقولك انك غلط ومش من حقك ولا الكلام الى مليت من كتر ما قلته ده
بس عن تجربة
الى بدأ يدون صعب جدا انه يبطل هتدخل فى حاله سيئة بجد
ومش هتحس انك استرديت نفسك الا لما ترجعلنا تانى
على فكره انا انقطعت فترة طويلة بس عمرى ما ضاع منى حاجه من عندك
عارفة انى مكنتش بثبت وجودى بتعليقات
بس بجد كنت شخصية مؤثره وهتفضل
مش هودعك لإنك هترجع...أكيد
خد أجازه ومستنياك
شيماء:)

أبو أسامة يقول...

حزين بالتأكيد على رحيلك
ولكني سعيد بكل تأكيد لأنك تعرف طريقك
تحياتي لك أينما كنت سواء قررت أن تكتب أو توقفت عن الكتابة
وإن كنت ادعوك أن تبقي الباب مواربا ربما تفتحه مرة اخرى .
وفي كل من الأفضل أن تبقى المدونة موجودة لعل أحدهم يقرأ ما فيها فيستفيد
تحياتي لك
والسلام عليكم ورحمة الله وبركاته

may يقول...

فارس

قد لم اعلق عندك من قبل لكنى متتبعه لمدونتك ... ويرجع الفضل فى التعرف عليها الى نسيم

فكر فى قرارك تانى فانت لبنة مهمة فى عالم التدوين العربى

وشغل شغل وتدوين تدوين

على فكرة نسيم جد حزينة و متاثرة لذلك حاول العدول عن قرارك

doaa يقول...

حرام عليك يا شيخ
ده أنا بحب مدونتك جداً
لأنها من المدونات المميزة والمفيدة بجد
خد أجازة وإرجع تاني
أنا كنت هقفل خالص من اسبوع لظروف خاصة بس غيرت رأيي لأني مش هقدر أبعد عنكم
مستنينك

مدينـة من النسـاء يقول...

ربنا يوفقك طبععاً
بس مفيش حاجه اسمها تقتل هوايتك علشان هاتشتغل وتمارس أي مهنه مهما كاانت
عمرك ما هاتقدر تعيش كده
مش علشان هاتكون عملي يبقا تقتل إنسانك من غير إحساس
أه ممكن تقول إنك هاتقعد فترات ماتكتبش
أه ممكن تغيب وترجع لو حتى بسطور
إنما نهايه ليه
هو الإحساس دا له قيود أو دا كمان هانسجنه جوانا
مش كفايه اللي فينا
دا يمكن الحروف اللي بكتبها هي اللي بتحيينا
عاوز تقتلك ؟
عاوز تموتك ؟
طيب ليه ؟؟؟؟؟؟؟؟؟؟؟؟؟

بكل التوفيق يارب مهما كان قرارك

alshared يقول...

كلما تغيبت لوهلة
أجد الجميع ينفض
وكأنه حلم
لم يحلمه سواي


........
صديقي الذي ما رأيته قط

عزيزي

لست من هواة كتابة الحكم ولا أبيات الرجاء

لست من هواة إبراز التناقض
بين الأرض والسماء

لذالك
ياصديقي

لدي كلمتان

لا تعارض بين الهواية وطريق النجاح

لن تستطيع كتمان هذه الموهبه بداخلك

ومن يستطيع منع النهر من الجريان

لن تستطيع يا صديقي

سأشتاق كثيرا كثيرا
ربما فوق التخيل إلي خيالك


وربما عندما يأتي اليوم الذي تود فيه العود
ربما
كنت هنا
وربما أخذتني الحياه
بعيدا عن الحياه

دمت صديقي بكل الود

وإلي أن نلتقي في هذا العالم أو سواه

اليك صديقي كل ما تعرف

HEBA يقول...

دعواتي لك بالتوفيق و الوصول لمبتغاك

حتسيب مكانك :)

yoyo يقول...

اسمح ليا أن أقول لك أخى العزيز/ أحمد
بعيدا عن المجاملات
أنا بالفعل أشعر بك أخ عزيز و صديق غالى رغم أننا لم نلتق ولكنى تعرفت عليك والتقيت بيك كثيرا من خلال كلماتك

بجد هفتقد وجودك جدا جدا و كلماتك أكثر
صعب أوى نتخلى عن جزء منا كدا بسهولة حتى لو كان مسئوليتنا زادت علينا شوية بس بظل بداخلنا الاشياء الجميلة دى وبتنتظر اى فرصة وتخرج تانى لنور من جوانا

مش هاقدر اعترض على قرارك انت سيد قرارك مش حد يقدر يقول غير كدا
بس خليها مفتوحة وموجودة كل ما يسمح وقتك و تحس بحنين لها هترجع وهتلاقينا مستنين وجودك بينا ومعنا مرة تانية

من قلبى أتمنى أن توفقك فى حياتك المهنية
ربنا يسعدك ويسعد قلبك يارب
ولكن أعلم أنك سوف تظل دائما وابدا أخ عزيز وشخصية تستحق كل الاحترام و التقدير فسوف تكون حاضر بكلماتك

ربنا يوفقك ويسعدك يارب

خالص تحياتى
أختك
( آية )

شهرزاد يقول...

ربنا يوفقك دائما
ودعواتنا لك بالنجاح والتميز في كل المجالات
كلنا نحترم قرارك ولكن تغلقها مرة واحدة ليه؟
يعني ممكن أن يكون غيابك عن المدونة مؤقت ثم تعود عندما تجد الوقت فهي ستكون نافذتك نحو عالمك الخاص وواحتك التي تتمتع بظلها الوارف وخضرتها الغناء

ربنا يوفقك دائما
واحترامنا لك ولقرارك وبلا شك سيفتقد عالم التدوين فارسا قويا ولونا مميزا من الشعر والخواطر

تحياتي لك

EMMY BABY يقول...

فارس

انا كنت والله داخلة مدونتك وهى وحشانى جدا والله بدون مجاملات انا لما حد بيجيب قدامى سيرة شعر بافتكرك لانك فعلا من احسن الناس اللى قريت شعرها

انا مش هقلك تهمل شغلك وتقعد جنب المدونة

بس هقلك سيبها مفتوحة ممكن تحب فى يوم ترفه ويكون عندك وقت وتقدر تكتبلنا حاجة مش لازم زى مانت فاكر تدخل المدونات كلها وتابع المهم انك متحرمناش من حاجة اتعودنا عليها


ومعنى انك تقفل المدونة يعنى هتلغى شعرك بكومنتاتنا اللى انت قلت انها بتديلك دفعة مش ممكن فى يوم تكون محتاج دفعة تدخل وتقرا كومنتاتنا تانى وتفتكرنا وتحس انك عندك طاقة انك تعمل حاجات كتيرة

ربنا يوفقك يا دكتور احمد

تحياتى

كيــــــــــــارا يقول...

مش ممكن

في مدونين اطباء وبيكتبوا وبيشتغلوا

ولو ساعه في الاسبوع تطمنا فيها عليك

نور الدين يقول...

السلام عليكم
.................
اهلا بك أخى الكريم ربما لم أمر هاهنا من قبل الا قليلا جدا غير انى لما اكتشفت مدونتك وهى بحق إكتشاف كبير وجدت لديك حرف مميز وقلم قوى نابض
فاعلم ياصديقى أن الاقلام هى كحزننا وفرحنا تأتى حينا وتذهب أحيانا لكن لا يمكن أن تفارقنا إلى الابد
لا بأس بقليل من الراحة لا بأس بكثير من المشاغل لكن ضع قلمك فى جيبك لا تكسره أبدا
يوما ما ستجد نفسك فى حاجة ماسى لكى تخرج ما بنفسك لأخوان ليس بينك وبينهم أدنى مصلحة انما فقط الحب والمشاركة فى مأساة الحياة


ارحل قليلا لكن لا تقل وداعا للابد

اقولها لك قولة مجرب فقد غادرت مدونتى شهورا طوالا ثم ندمت على هذا رغم أنه كان لضغوط كبيرة أيضا ومشاغل شاغلة

فأرجوك ايها الكريم لتكن هدنة فارس وليس انسحابا من الميدان

...
أخوك
نور الدين محمود

norahaty يقول...

السلام عليكم ورحمة
الله تعالى وبركاته
أقولها لك كطبيبة
وكمدونّة وكما قال
(نورالدين) قبلى
قل الى اللقاء ولا تقل
الودع فالعمل (وصدقنى)
سيحتاج منك ان تأتى الى هنا
لتتزود من الاصدقاء على المدونات
ما يعينك فى (عالم المرضى والالم) الذى ستدخله الشهر القادم (على ماأتذكر)
إن شاء الله تعالى.دعواتى لك بالتوفيق
فى عملك وفى حياتك وفى مدوناتك ايضا

Habiba يقول...

مش حجه يااحمد

حرام عليكوا
انت من اول اصحابى فى التدوين
ومن الناس اللى بحبها وبحس انى لما اكون عايزة افتكر بدايتى بفتكرها وباجى عندها

محمد الفارس يموت
وانت تسيب التدوين
انتوا ليه بتكرهونى فى العالم ده بعد ماحبيته

بجد ده حرام
طيب ابعد شويه
انت اصلا كنت بعيد الفتره اللى فاتت وانا كمان علشان دراستى
لكن برجعلها
بلاش تسيبها يااحمد
بلاش علشان خاطرى لانى مش واثقه ان ليا خاطر عندك
بس علشان هى روح المدونه دى روح
وانت بتقتلها بايدك
بالله عليك بلاش
كده خلاص بجد انا كرهت بلوجر باللى فيه :((

قلب مصرى يقول...

حينما تمكنت من العودة إلى المدونات بعد غياب جبرى دام حوالى شهرين صدمنى وبشدة خبر وفاة العزيز محمد الفارس الملثم صاحب مدونة ثرثة تحت المطر - رحمه الله - والآن يصدمنى مجدداً خبر إبتعادك عن عالم التدوين
لن أعلق على قرارك فهو حريتك وبمحض إرادتك
أتمنى أن نتواصل وإليك رقم هاتفى 0106252126 أتمنى أن أسمع صوتك إذا لم أتمكن من قراءة أشعارك مرة أخرى وبريدى الإليكترونى هو rouaame@hotmail.com

sendrlla يقول...


ليه كده الكل عايز يعتزل والكل عايز

يستقيل ما عاتش عندكو حاجه تقدموها

وليه لما قلت انا هعتزل الكل رجعنى

احنا ليه كده دايما الحاجه اللى

بتفرحنا وبتدخل علينا سعادة بنحاول

نموتها ليه

على فكرة القرار دا مش من حقك تاخده

لأن فى ناس كتير كان لازم تشركهم فى

القرار دا


انا مش مصدقه ان كل يومين ازيل

مدونتين تلاته من المدونات اللى بحبها

انا كده بجد بجرى وراء سراب انتو كلكوا

موضوع الماجستير بتاعى انا حبيت العالم

دا وحبيت اعمله موضوع لدراسة عميقة

متعمقة انتو ليه بتعملوا كده الكلمة

انتهت من حياتكوا لسانكو وقف ولا

انتو بتعملوا ايه ولا هى كانت هوجه

زى ما الناس قالولى وهتنتهى او موضة

وهيطلع غيرها انتو ما عندكوش ايمان

حقيقى ولا عقيدة ولا فلسفة فى الحياة

كلكوا فعلا بتتسلوا بالتدوين صح اكيد

انا مش غلطانة انهارده

الوداع
...............

لحن الفيـ سندريلا ـولا

doaa يقول...

مش كفاية بقى وحشتنا
كل سنة وانت طيب عشان المولد النبوي عليه الصلاة والسلام
مستنياك في مدونتي تقولي
وانت طيبة
وتقولي انك رجعت
يللا عايزة أقرأ شعر حلو بقى

will يقول...

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

نـــــــــــــور يقول...

احمد انت فين بس

كنت بقرا بوستات قديمه عندى بتعلقات عليها
كل مااقرا تعليقك واشوف هزارك بفتقدك اوى يااحمد

يارب تكون كويس
طيب حتى لو مش هترجع طمنا عليك
ياسيدى علق بغير معرف وقولى انك كويس

ويمكن لو رجعت تقرا تعليقاتك القديمه عندى وتعليقاتى عندك تعرف انك ماينفعش تغيب :((

غروب يقول...

يا ترى لسه مصمم؟؟؟؟؟؟؟؟

مش هترجع بقه

hamada يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com

أرجوا إرسال مواضيعكم لأختيار الأفضل لنشره العدد القادم
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039

دعاء مواجهات يقول...

يظهر انى اتأخرت أوى

الخبر صدمنى وأحزننى جدا

اتمنى عودتك ولو على فترات متباعدة لا

يجب ان نترك الحياه تسرق منا ما نحب عمله

الكتابه حياة روح نبض لا نستطيع اخمادة

اتفق مع نور الدين

ارحل قليلا لكن لا تقل وداعا للابد

وها قد رحلت كثيرا ننتظر عودتك جميعا

وان كان قرارك نهائيا فلا تحذف المدونة

تحياتى لك بالتوفيق .

نـــــــــــــور يقول...

كل سنه وانت طيب
حتى لو انت مش هنا

نونو يقول...

لا يافارس اوعى ؟
انا اجى انت تمشى
مش معقوول
بجد حاول ترجع
يارب ارزقة بالخيييييييير

منه مرتجى - عازفة الأوتار يقول...

بجد حرام عليكو يا جماعة
انا غبت شوية و دلوقتى كل ما اجى ادخل مدونة من مدونات الناس اللى بحبها ألاقيها بتقفل

طالما حتبقى مشغول قلل دخولك حسب انشغالك
مش تقفل المدونة خالص


بجد معنديش رد
لان المدونة مش مشروع ابتدى ولازم يخلص
ده علاقات بناس اثرت فيهم و اتأثرت بيهم
يعنى على الأقل متقطعش الخيط اللى بيربط بالناس دى

انا بتمنالك كل خير طبعا
لكن حذف المدونة شىء بجد مش مقبول

طوبه فضه وطوبه دهب يقول...

جميل ما كتبت ولكن اسمح لى ان الهوايه عمرها ما كانت ضد العمل فهى ما تفتح الافاق وتريح النفس لتضع نقطه وتبدء من اول السطر بذهن صافى ونفس هادئه ويمكنك ان تتركها بين الحين والاخر وتعود كلما شعرت بانك تريد ان تخرج ما كان بداخلك فتكتب ما يحلو لك لتعود افضل مما كنت واولا واخيرا وفقك الله فى اختيارك وكتب لك الصلاح فى جميع امورك

nour shahen يقول...

خسارة بجد كبيره انك تقفل مدونتك , طيب انا ليا رأى ممكن تسبها مفتوحه حتى لو مرت شهور مكتبتش يمكن فى يوم تكون حابب تكتب تلاقى مكانك لسه موجود, الهوايه مش شىء مؤذى مفروض علينا دى حاجه بنستمتع بيها فى وقت فراغنا اللى كتير بيكون موجود حتى فى عز الانشغال .. صدقنى اللي بيحب شىء بيخصص ليه وقت ومحدش بيهرب من هوياته دا كأنه بيهرب من ذاته.. فكره مش هتخسرك لو جربتها . واهلا بيك دايما زائر او كاتب فى عالم التدوين

youma يقول...

ربي يوفقك وان شاء الله تقدر توفق بين الاثنين وهذا الانسب .. بس ربي يوفقك فالطب

رياضيات يقول...

افادتني
استمتعت
استرجعت هنا الذكريات
ثم اعتصر القلب الما
ربما لن تقرا لي تعليق و لن يجدي نفعا على اية حال
انبهرت بين السطور
ار
ت فقط ان اقول
هناك دائما كلمات تحتزل ذاكرة الجسد

نـــــــــــــور يقول...

ماتتصورش فرحت اد ايه لما شفت الكومنت بتاعك عندى يااحمد
ولا اقولك يادكتور احمد زى ماانت بتقولى يابشمهندسه؟ :)
بجد فرحت جدا جدا انك اصلا لسه فاكر انك كان ليك اصدقاء فى عالم افتراضى

بحسدك انك خرجت من العالم ده وهو لسه نضيف
وعلى فكره انا مابكتبش فى بلوجى بانتظام ولا حاجه انا من يوم مااشتغلت من 4شهور منزلتش فيها غير بوست واحد بس :(
سيبك انت انا لسه عندى امل انك ترجع فى يوم وقلبى حاسس بده
هترجع صح؟ قولى ان احساسى صح:)
بالتوفيق فى حياتك على اى حال