CLICK HERE FOR BLOGGER TEMPLATES AND MYSPACE LAYOUTS »

2008-08-20

خارج مملكتك

أصدقاء مدونتي الأعزاء .. بوست اليوم كنت متردد كثيرا في كتابته ربما لأنه مختلف نوعا ما عن كتاباتي السابقة .. فبعد أن رأيت أن الشعر الحر أو الخواطر هي المسيطرة علي أغلب المدونات أردت أن أطرق هذا الباب

لذلك أرجو أن أسمع هذة المرة أرآكم بكل صراحة وهل هذة تجربة تستحق التكرار ؟ أم أعود إلي الشعر العمودي المقفي؟

أدعو الله أن تنال إعجابكم

....

......

اليوم يُلقي بي خارج مملكتكِ
لماذا أؤنبكِ؟
فأنا من كان الأحمق
كنت أبحث عن ماءٍ بأرضٍ قاحلة
وأنثر حبات الأمل
علي شواطئ قد احتضنها اليأس
لم أُحكِم اللجام علي جوادي الجامح
فانفلت مني

.....


....

أو ربما لم تشتهي سفنك رياح طموحي
ولم توائم صفاتي قوانين مملكتك
تلك القوانين التي تقتضي
بأن الكرامة هي نوع من التمرد
والكبرياء هو بمثابة الإنقلاب
اعذريني فأنا لم أقصد أبداً تمرداً ولا إنقلاباً
كل ذنبي الذي اقترفته
أنني لم أمارس يوماً طقوس الإنحناء
.....




....
قد حانت اللحظة
صوت الأبواق وقرع الطبول
يحملني حراسك بين الساحات
تدهسني سنابك الخيول
يرمقني البشر وتحتويني نظراتهم
أضيع ما بين ضحكات السخرية و ألم الشفقة
بين كهلٍ يبكي لحالي وطفلٍ يرشقني بالحجارة
وصراخُ ضحاياكِ حولي يصم الآذان
دعيهم يصرخون
ليكفّرون عن خطاياهم
فهم من أختاروا العيش بسجنك
وأبت دماؤهم إلا أن تراق علي يديك
......
أقف الآن خارج الأسوار
ألملم أشلاء جسدي المتناثرة
وأمسح جبيني المُغبّر
ووسط تلك الأجواء الدامية
ينبثق ذلك الشعاع القادم من الأفق قائلاً
انهض .. فلعل لحظتك لم تحِن بعد
غداً ينتظرك المزيد

......

41 التعليقات:

شهد الكلمات يقول...

الحق اول تعليق

شهد الكلمات يقول...

قبل ما قلب مصري يدخل و ياخد اول تعليق قولت احلق نفسي و احجز الاول

ما شاء الله و لا حول ولا قوة الا بالله

رائعة بجد يا دكتور

و التجربة تستحق التكرار

هو اه انا بحب الشعر المقفي و انت فيه ملك

بس انت هنا بجد اثبت براعتك
معاني قوية و صور جريئة و استرسال جيد للمواقف
و وصف اكتر من رائع لحال البطل

عجبني اوي الوصف الاخير بتاع الشيخ و الصغار كان جميل هو البوست كله علي بعضه جميل انا احترت اعمل سليكت علي اية ولا اية

انك لا متمكن ;)

تسلم ايدك

مش لاقية كلام بصراحة يوفي حق البوست ده

بس هو في حاجة صغنتوتة
هي اية علاقة الصور بالموضوع ؟؟؟؟

تحياتي

EMMY BABY يقول...

تانى تعليق :))

بجد يادكتور تجربة جديدة واكثر من رائعة

التغيير مطلوب فعلا وانت اديت روح جديدة لاسلوبك

وعلى الرغم ان الموضوع مش مقفى ولا حاجة الا ان حسن اختيارك للمفردات والصور والاسلوب والمعانى الجميلة خلانى احس انى مش مجرد قدام كلام

بالعكس اداله نغمة حلوة جدا ترن فى الاذن وتلفت نظر اللى بيقراها

تسلم ايدك عن حق

تحياتى

ايمى

منه مرتجى - عازفة الأوتار يقول...

انحناءة طووووووويلة لك اخى

اسلوب رائع و مميز
و اعتقد ان الشعر الحر يعطى حرية اكثر و وسع و عمق للأفكار
و انا رأيى انك تنوع فى اسلوب الكتابة و لكن لا تهمل القافية
لانى كنت فى بادىء الامر اهتم بالقافية على طريقة الهواة و ليس بشكل موزون مثلك و عندما اتجهت للحر بالكلية عجزت عن معاودة الكتابة بالقافية


اعتذر عن غيابى و لكنى عدت و الحمد لله
دمت بكل ود و خير اخى الغالى

محمد فاروق الشاذلى يقول...

بغض النظر عن أن شهد حجزت التعليق الأول وبكده نبقى خالصين.

البوست والله متميز وهو بالفعل كما قالت شهد تجربة تستحق التكرار، أما أكثر شيء عجبنى فى البوست فهو "كل ذنبي الذي اقترفته أنني لم أمارس يوماً طقوس الإنحناء"
أحسنت كالعادة ورغم أنك مبدع حقيقى فى الشعر المقفى إلا أنك أجدت تماماً هذه المرة.

تقبل تحياتى

Purplewaves يقول...

السلام عليكم
نعم انها تجربة تستحق التكرار، بوست أكثر من رائع واختيارك للكلمات متميز للغاية "أبحث عن ماء بأرض قاحلة وأنثر حبات الأمل على شواطئ قد احتضنها اليأس"
كلماتك رائعة

تحياتي

السماء الداميه يقول...

ماشى يا شهد اول تعليق دايما كدة

سبقانا انتى وقلب مصرى لكن اوعدك الايام

الجايو انا فاضى احتمال ماتلحقيش

مااااااااشى

نخش بقى فى الموضوع بص انت دكتور فى كل

حاجة والله يا فارس ولازم تكرر التجربة

دى تانى وانا مستنى البوست التانى كدة

بردو ماشى ولالا وثانيا احلى حاجة عجبتنى

فى البوست


أقف الآن خارج الأسوار


ألملم أشلاء جسدي المتناثرة

وأمسح جبيني المُغبّر

ووسط تلك الأجواء الدامية

ينبثق ذلك الشعاع القادم من الأفق قائلاً

انهض .. فلعل لحظتك لم تحِن بعد

غداً ينتظرك المزيد

اولا: لان فيها الدامية

وثانيا:لانها توصف مشهد من مشاهد كثيرا ما تحدث

فارس بلا جواد يقول...

شهد الكلمات
كده بقيتو خالصين انتي وقلب مصري
متشكر علي التشجيع الجامد ده .. بصراحة كنت قلقان من التغيير .. بس أكيد رأيك بيشجعني
بالنسبة للصور .. والله ضحكت لما قريت سؤالك .. عشان ماكنتش لاقي صور مناسبة وبعد بحث رهيب خد وقت اكتر من وقت كتابة البوست .. الاقيكي بتسالي ايه علاقة الصور بالموضوع هههههههههههه
يعني انا كنت اقصد صورة للمملكة وصورة للبطل وهو أسير تحمله الحراس للخارج .. وصورة له وسط جروحه ونزيف الدم
ومعلش لو الصور لم تنال اعجابك بس هي اللي كانت متاحه قدامي
بالتوفيق وتحياتي ليكي دايما

فارس بلا جواد يقول...

emmy baby
شكرا لكلامك الجميل والتحليل الرائع
أتفق معاكي ان النغمة والموسيقي في الشعر عموما ليست قاصرة فقط علي الوزن والقوافي لكن ربما أحيانا الألفاظ يكون لها دور .. ويارب أكون نجحت في رأيك فعلا
تحياتي

فارس بلا جواد يقول...

ورود وأشواك
اولا حمد لله علي سلامتك
بالفعل التنوع دائما يمحو الشعور بالملل وأنا أكون حريص ألا يصاب زوار مدونتي بالملل
وبالتأكيد لن أهمل الشعر المقفي فهو الأساس عندي .. أما بالنسبة لكتاباتك فأنا أراها موزونة جدا وبالعكس أشعر أن لديك براعة في الحفاظ علي الوزن
المهم هو أن نسعي دوما نحو التجديد
تحياتي

فارس بلا جواد يقول...

قلب مصري
معلش بقي يا قلب المرة دي شهد سبقت .. وأنا سعيد بمعاهدة الصلح اللي حصلت بينكو .. متشكر علي رأيك
وأكيد رأي من مبدع زيك شيئ أفخر بيه
بالتوفيق

إنتظارات شاهقة يقول...

أو ربما لم تشتهي سفنك رياح طموحي
ولم توائم صفاتي قوانين مملكتك
تلك القوانين التي تقتضي
بأن الكرامة هي نوع من التمرد
والكبرياء هو بمثابة الإنقلاب
اعذريني فأنا لم أقصد أبداً تمرداً
ولا إنقلاباًكل ذنبي الذي اقترفته
أنني لم أمارس يوماً طقوس الإنحناء.....

اللّه ...
ازيك يا دكتور
بداية ممتازة
بجد ممتعة جدا والفكرة مميزة
والصورة حلوة جدا
اما الكلمااااات فقوية جدا
والاسلوب اخاذ

دومت ودام قلمك

فارس بلا جواد يقول...

purplewaves
أشكرك بشدة علي الكلام المشجع .. وأن شاء الله أكرر كتابة الخواطر مستقبلا
بالتأكيد هذا التشجيع يمنحني الكثير من الثقة
تحياتي

فارس بلا جواد يقول...

السماء الدامية
أهلا بيك .. وبلاش تدخل في منافسة مع شهد وقلب مصري لحسن يحدفوك بقصيدة من بتوعهم ههههههههه
أشكرك علي رأيك و أوعدك أن شاء الله انها تتكرر
تحياتي

فارس بلا جواد يقول...

أحلام اليقظة
لا معلش بقي يا أحلام الشهادة منك انتي حاجه تانية
بجد مبسوط أن الخاطرة عجبتك عشان انتي اصلا في رأيي من رواد كتابة الخواطر في المدونات كلها
ان شاء اله المحاولات الجاية تنال اعجابك برده
دام ابداعك
تحياتي

Nasimlibya `√ يقول...

أنني لم أمارس يوماً طقوس الإنحناء
في قمة الروعة وفي قمة الكبرياء
احببت هذه الجملة كثيرا
فبالفعل لم امارس يوما طقوس الانحناء
ولعل كبريائي وكرامتي تقودني نحو الهاوية
اجدد غضبي وحمقي منك
فانت تهوي ممارسة طقوس القسوة
لتفرض علي بكل قوة
افترضات واحتمالات تقيدني
تقودني نحو المجهول
ليتني اهرب منك بعيدا
ليتني استطيع ذلك
هناك شعور دفين في اعماقي ينبئني بقرب الختام
ولحظات الوداع المر
العلقم
علي بعد خطوات منك
علي بعد اميال البعد عنك
وهي قريبة مني اكثر
ادرك جيدا اختلافنا اللامنتهي
اللامتناهي
****************
دكتور مستنيا اطلالاتك الجديدة فانت تستحق المتابعة
موفق يا رب

شهد الكلمات يقول...

ايوة يا دكتور بس انا مش لاقية الملكة هي فين في الصور !!!!!!!!!!!

اناما قولتش ان الصور مش عجباني بس حاسة انها مش ماشية قوي مع الموضوع و علي فكرة عجبتني الصورة الاخيرة

تحياتي

فراشة البساتين يقول...

شوف بقى يادكتور

انا شايفة انك بارع فى الاتنين

فليه متنوعش بينهم

Blue Nile يقول...

طبعا جامدة جدا
بجد ماشاء الله عليك
انت لو نزلت بوست فاضي هيبقى حلو برضه
بجد لازم تكرر الموضوع ده تاني
ومدام اثبت ان مالكش منافس في الشعر لازم تثبت ده في الخواطر كمان

Maha Shahen يقول...

شوف يا فارس انت حتى لو كتبت كلام بالعاميه برضوا هيكون جميل فالأبداع لا يتجزأ
اجدت بكلماتك الرقيقه
ولكنى حسيتك بتوصف فارس من العصور الوسطى ومع الصور والخيول بقى وعشقى ليها سرحت وتخيلتك بتحكى عن أنطونيو هههههههههه متسئلش ليه اهو بقى اللي جه في بالى
اجدت واحسنت ودمت مبدع وموفق
تحياتى ليك

الفارس الملثم يقول...

علي فكره يا فارس انا بيستهويني اسلوب الخواطر النثريه دي , لان احيانا بيكون الوزن والقافيه قيد بيكبل خيال الشاعر او الكاتب

حقيقي تصويراتك جميله اوي وقويه وبيعجبني فيك دايما التنويع المستمر في اسلوب كتابتك

دمت مبدعا يا فارس

نـــــور يقول...

ههههههههههههههه
والله انت عسل يافارس
ايه يابنى ده انت حسستنى انى رجعت لعصر الرومان تانى
ايه الصور دى يخرب عقلك؟؟؟؟

لا بجد بقى
انت يابنى كويس ويجى منك هههههههه

كرر الموضوع ده تانى بس فى العصور الوسطى هيبقى حلو برضه

نوع بين الانين يافارس بجد حلو

وعجبتنى قوى
"انهض .. فلعل لحظتك لم تحِن بعد
غداً ينتظرك المزيد"

عجبنى فيها الكبرياء بالرضا

بجد تحفه يافارس
go ahead

شفتنى وانا بتكلم لغات؟؟ هههههههه

ده انا مثقفه قوى وساقطه اعداديه يعنى اعجبك قوى
دمت بخير

Radwa يقول...


فارس
ازيك وحمد الله على سلامتك
خلينا فى البوست بقى
عزيزى فى البداية ليس الموضوع هو الشعر الحر او الشعر الاخر ولكن الفيصل هو العاطفة والكلمات فاذا امتلكت زمام اللغة فربما تبدع فى جميع الاحوال وهو ما تحقق فى خارج مملكتك
ولكن دعنى اوجه ربما نصيحه او ملاحظة يمكنك اضفاء نوعا من القافية لو حتى بالنطق فى كل مقطع تكسبها جمالا وربما يتعمق فى احساسها القارئ
تلك الملاحظة ليس انتقاد منى او علم منى او او او وربما لكونى قارئة احب ان اتلذذ بقراء الشعر و استخلاص المعانى وجوهر الكلمات .. اسفا
.........................
سندريلا

فارس بلا جواد يقول...

nasimlibya
الله علي كلامك الرائع
أشكرك جدا علي تفاعلك المليئ بالأبداع .. ولو كنت أعلم بهذا لقمت بهذة التجربة منذ زمن
بالتأكيد متابعتلك لمدونتي هو شرف لي
وأتمني أن تنال أعمالي إعجابك دوما
تحياتي

فارس بلا جواد يقول...

شهد الكلمات
معلش يا شهد زي ما قلتلك أن هي دي الصور اللي كانت متاحة عندي
ان شاء الله المواضيع القادمة تكون الصور مناسبة أكتر .. ومتشكر علي ملاحظاتك
تحياتي

فارس بلا جواد يقول...

Fire bird
أشكرك علي رأيك في الخاطرة .. وبالتأكيد سأحاول التنويع بين الخواطر والشعر في القادم باذن الله

فارس بلا جواد يقول...

blue nile
أزيك يا بلو .. ومتشكر علي الكلام الجامد ده .. بس مش لدرجة بوست فاضي هههههههههههههه
ان شاء الله هاكرر الموضوع أكيد بعد التعليقات المشجعة دي
أما بالنسبة للمنافسة فأنا شايف اني لسه في البداية وبارحب باي منافسه أكيد .. طالما انها هتخلي الاعمال تخرج في احسن صورة لكن انا شايف ان في ناس موهوبة كتير في الشعر وأكتر منهم في الخواطر كمان .. وانا بس باحاول ان يكون ليا مكان بينهم
تحياتي

فارس بلا جواد يقول...

nour shahen
علي فكرة يا نور أنا بداياتي كانت شعر عامي .. و ممكن احن ليه مرة تانيه
ومبسوط ان الخاطرة رجعتك لعصور قديمة لأن هو ده كان هدفي .. اكيد انطونيو برده بينتمي للعصور اللي انا كنت اقصدها زي العصر الروماني
تحياتي

فارس بلا جواد يقول...

الفارس الملثم
أكيد يا محمد باتفق معاك .. الوزن والقافية بيحطو قيود علي الخيال والصور .. لكن مفيش شك أن الموسيقي بتعطي نوع اخر من الجمال .. واكيد ان الشعراء الكبار هم اللي قدروا يحافظوا علي الاتنين .. لكن بالنسبة لنا هي محاولات فقط لذلك محاولة التنويع بين الامرين شيئ جيد
أشكرك علي كلامك المشجع وبالتأكيد رأيك يشرفني دائما
تحياتي

فارس بلا جواد يقول...

حبيبة
يا أهلا .. اي خدمة يا حبيبة وديتك فسحة في عصور الرومان اهو ببلاش
ويا رب يجي مني فعلا زي ما بتقولي
وان شاء الله هاعمل تنويع فعلا أنتي تؤمري
أما بالنسبة للغات
go ahead
انجليزي ده يا مرسي؟
ههههههههههههه
تحياتي

فارس بلا جواد يقول...

سندريلا
الله يسلمك ومتشكر لسؤالك
أكيد ان الالفاظ والصور والكلمات هي التي تحدد جودة الشعر سواء كان حر أو مقفي
أنا فعلا كنت ناوي أعمل زي ما انتي قلتي .. يعني احافظ شوية علي القوافي فقط بين المقاطع .. لكن هي محاولة أولي بالنسبة لي في هذة النوعية من الشعر
سعيد جدا بمشاركتك وبالتأكيد هذة الملاحظات أخذها بعين الاعتبار في المرات القادمة
تحياتي

شهرزاد يقول...

آسفة على التأخير

ما كنتش عارفة أنك هتنفذ الاقتراح بالسرعة دي

أنا لو اعرف لكنت اقترحته من زمان
ههههه
شكرا جزيلا لتقبلك الاقتراح
فعلا أنت من الأشخاص المميزين والموهوبين بالفعل

بجد انت رائع
سواء في القافية أو في الشعر الحر
أجدت فعلا
والتنويع مطلوب
ولا شك أنك مميز أيضا في شعر القافية فالقلائل الذين يجيدون ذلك ويتقنونه

البوست عميق جدا
والفكرة مميزة بالفعل
نقلتني إلى عصر ماض
إلى زمن الممالك والأسوار والقلاع والجنود والحراس
أجدت التصوير والوصف جدا

ما شاء الله
إبداعك ليس له حدود

ومن إبداع إلى إبداع
تجربة مميزة
وننتظر المزيد دائما

تحياتي

Unknown يقول...

كل ذنبى الذى اقترفته.....اننى لم امارس يوما طقوس الانحناء...
يخرب بيت كدة ايه دة الجملة دى حلوة جدا والله..عارف ساعات بحس ان كلامك حقيقة من حقائق الكون يعنى هو موجود منذ الازل وانت بس نشرته عشان تقول لنا ان فى معجزات هنا.......
انت شاعر فظيع والتجربة طبعا تستحق التكرار اومال يعنى لما انت ما تكررش مين اللى يكرر؟؟؟

shimaa يقول...

السلام عليكم

دى أول مرة
بس لسه مشى عارف الى فات إيه

بس أكيد جميل زى الجديد

كاميليا بهاء الدين يقول...

لون جديد جميل

يحمل بصماتك

به ملامحك

تجربة تستحق التكرار

ولكن

لا تحرمنا من اشعارك
فالحق .. انا تعودت الطيران
باجنحتها فى عالم أحبه كثيراً

دمت مبدع

كل الاحترام

فارس بلا جواد يقول...

شهرزاد
أهلا يا شهر زاد .. أبدا مفيش تأخير ولا حاجه
أكيد أقتراحك هو اللي شجعني لأن أنا كنت حاطط الفكرة في دماغي بس متردد .. وياريت بجد لو شايفة أي أقتراح تاني للقادم تقوليلي
أشكرك علي هذا الكلام واتمني ان احافظ علي نفس المستوي لتنال اعمالي اعجابك دائما
تحياتي

فارس بلا جواد يقول...

enjy
منورة المدونة يا أنجي .. وكل مرة بجد تعليقك بيسعدني جدا .. متشكر علي الكلام الجامد قوي اللي قولتيه
وانا دايما باحب أخد رأيي زوار المدونة في نوعية الكتابة عشان احاول اعمل تنوع يرضي جميع الاذواق
وسعيد جدا ان التجديد نال اعجابك
تحياتي

فارس بلا جواد يقول...

shimaa
اهلا بيكي يا شيماء في زيارتك الاولي .. متشكر علي رأيك وياريت تاخدي جولة في المدونة و أتمني تعجبك الاعمال السابقة
تحياتي

فارس بلا جواد يقول...

كاميليا
أهلا يا كاميليا وحمدالله علي السلامة
اكيد طبعا رأيك مهم في هذة الخاطرة لانك معاكي دكتوراة في كتابة الخواطر

الشعر عندي هو الاساس وله الاولوية بالتأكيد .. لكن هي كانت محاولة فقط للتنويع .. وسعيد انها نالت اعجابك
وان شاء الله اعود للاشعار من جديد
دمتي مبدعة

أميرة جمال مصرية الديانة والجنسية يقول...

" كل ذنبي الذي اقترفته
أنني لم أمارس يوماً طقوس الإنحناء "

تلك الطقوس لن تعرفها ابدا دمت كريما
سأعود كثيرا ابحث عن الجديد راقت لي تلك الصفحات كثيرا ........

فارس بلا جواد يقول...

واحدة من أصحاب القمر
زيارتك هي شرف لي .. وان شاء الله ينال القادم اعجابك
تحياتي