CLICK HERE FOR BLOGGER TEMPLATES AND MYSPACE LAYOUTS »

2008-06-28

تمرد



كثيراً ما نعتقد أن قصة حب فاشلة هي نهاية الدنيا .. وكأننا خلقنا في هذة الدنيا من أجل الحب فقط .. أعتقد أن بالحياة أشياء أخري تستحق أن نعيشها
لذلك لن نضيع عمرنا في البكاء علي اللبن المسكوب .. نحتاج تلك القوة التي تجعلنا قادرين علي النسيان .. فلنودع اليوم هذا الحبيب ونلتفت الي حياتنا .. لن نبقي أسري لهذا الحزن كي يتلاعب بنا .. لن نرضي بالدموع رفيقا لنا .. حان الوقت لكي نتمرد
قد يجد البعض أن كلامي هذة المرة به قسوة .. ولكن لكي نستمد منها القوة التي تدفعنا علي مواصلة الحياة


.......................
اليومَ أُودّعُ كَلِماتــي
وأُمزّقُ بيدي الأشعـار
فالعينُ أرهَقَها ظــلامٌ
في ليلٍ أبحثُ عن أقمار
لن أترُكَ عُمري لأحزانٍ
قد باتَ الحزنُ منها يغار
لن يُصبحَ قلبي بِـروازاً
تُسكِنَهُ يداكِ فوقَ جِدار
لن أُصبحَ قبراً منسيـاً
تأتي الأعيـادُ .. فيُزار
لن أبقي ضعيفاً كنسيـمٍ
سأثورُ كريحٍ أو إعصار
وبكوكبِ أحلامي سأرفُض
من شمسِكِ أن أتّخِذَ مدار
إن كان هواكِ هو الفِردوس
سأُفضّلُ أن أحيا بِقِفــار
إن كان هواكِ هو الإيمان
فسأغدو اليومَ مِن الكُفّار


.....

56 التعليقات:

إنتظارات شاهقة يقول...

فارس
ارى من اصيب بصدمة فى حبة كالطائر المذبوح لابد لة ان ينتفض فلقد مات فية حبة
ولكن
لا يجب ان تموت فية مبادئة او افكارة
اعارضك فقط فى كفرة
اذا اعتنقنا مذهب صحيح (الحب) ومارسنا طقوسة دون رياء فلا يجب ابدا ان نكفر بة لو تبدى لنا كفر الاخرين
المبادىء ليست رهنا للصور التى يبرزها لنا الاشخاص المبادىء دوما قائمة بذاتها فاذا استخدمها شخص بتهاون فليس العيب فى المبادىء ولكن العيب فى الشخص
اعرف واعرف واعرف ان ما صورتة فى كلماتك جزء مما يحدث لنا حين نفقد الحب ويعتبر قليل ....
ولكن
دعنى اقول شىء لا يجب ان تتوقف الحياة من اجل فقدنا للحب مثلما قلت
ولكن متى تتوقف الحياة اذا اتخذنا من حبنا هدف وغاية فالحب وسيلة
فالحب وسيلة لحياة مثمرة
طولت عليك
دومت بخير

الفارس الملثم يقول...

وبكوكبِ أحلامي سأرفُض
من شمسِكِ أن أتّخِذَ مدار
إن كان هواكِ هو الفِردوس
سأُفضّلُ أن أحيا بِقِفــار

رائع حقا يا فارس كما اعتدنا من قلمك المبدع

اذا كنا لا نمتلك قلوبنا وارادتنا عندما نحب فاننا يجب ان نمتلك ارادتنا عندما نثور علي هذا الحب عندما نشعر باهانة كرامتنا ومشاعرنا من جانب من نحب ..

علي فكره كان ليا خاطره تحمل نفس طابع الثوره والتمرد اسمها طغيان قلب

تحياتي يا فارس

بنت مصريه يقول...

فارس
انت جامد قوى
ههههههههههههههههههههه
والله عندك حق الحياه فيها حاجات كتيير جدا تستحق ان يعيش الانسان من اجلها غير الحب
حب ايه ووجع دماغ ايه هههههههههه
معلش اصلى متجوزه فتلاقى الرومانسيه عندى قليله حبتييين
يعنى انت عارف بقيت ابص للامور بعقلانيه زياده عن اللزوم
هههههههههههههه
بوست جميل وشعر هايل احييك

كاميليا بهاء الدين يقول...

الحياه فيها حاجات حلوة كتير

ده حقيقى

ولكن الحب أجملها

باختصار

احنا مش بنحرم
D:

الخاطرة رائعة


دمت شاعر المدونات

تحياتى واحترامى

Blue Nile يقول...

لن أبقي ضعيفاً كنسيـمٍ
سأثورُ كريحٍ أو إعصار
وبكوكبِ أحلامي سأرفُض
من شمسِكِ أن أتّخِذَ مدار

البيتين دول قمة الروعة
بجد رائع

ان كان هواكِ هو الإيمان
فسأغدو اليومَ مِن الكُفّار

مش عارفة متقبلتش انك توصف نفسك كده
اللفظ جامد اوي

القصيدة حلوة جدا بس فيها حدة

غير معرف يقول...

فارس
لن اقول بلا جواد هذه المرة
فأراك اليوم وبهذه القصيدة خطوت اول خطوة للتقرب من جوادك الذي لم تعثر عليه حتي الان.
لا أري في كلامك أي قسوة , بالعكس بل اراك بدات ترأف بقلبك الذي يستحق منك اكثر من ذلك , بدات تحنو علي نفسك التي تستحق منك اكثر واكثر..

القصيدة بدات بالوداع وانتهت بالكفر
وان كانت العاطفة المسيطرة علي اغلب الابيات هي الثورة والتمرد , وقد وفقت في اختيار العنوان..

لن أُصبحَ قبراً منسيـاً
تأتي الأعيـادُ .. فيُزار
-
تعبير اري فيه قوة ورغبة في الحياة كنت اتقدها في كلماتك السابقة وقد وفقت فيه لابعد حد

لن أبقي ضعيفاً كنسيـمٍ
سأثورُ كريحٍ أو إعصار
-
الثورة..تعبير اخر قوي ومتميز واضاف قوة للمعني العام للقصيدة

وبكوكبِ أحلامي سأرفُض
من شمسِكِ أن أتّخِذَ مدار
-
ألم اقل من البداية انني أري خطوة جديدة في عالم جديد , عالم الأحلام..
الاحلام هي الحياة , هي المحرك للمستقبل
التمرد علي السير في مجرد مدار حول شمس واحدة , حقا تعبير ساحر

إن كان هواكِ هو الإيمان
فسأغدو اليومَ مِن الكُفّار
-
نعم..ان الاوان لتحيد عن الايمان بهوي أضني الفؤاد
ان تكفر بهواها هو خير ختام للقصيدة

تهانئي يا فارس , أراك تميزت في هذه القصيدة تميزا ملحوظا , واتمني ان تكون القصيدة التالية عن الاحلام علي كوكب احلامك الجديد

شهد الكلمات يقول...

لن يُصبحَ قلبي بِـروازاً
تُسكِنَهُ يداكِ فوقَ جِدار
لن أُصبحَ قبراً منسيـاً
تأتي الأعيـادُ .. فيُزار

حلوة اوي الكلمات دي يا دكتور احساسها عالي

الفكرة جميلة جدا يعني حاجة مش جديدة عليك

الحياة عمرها ما هاتوقف علي صدمة و لو وقفت يبقي مانستهلش ان نعيش الحياة دي

تحياتي

كوارث يقول...

ههههههههههههههه
ايه يا عم فارس
كفار ايه بس
مش للدرجة ده يا عم
تعبيراتك مالهاش حل بأمانة
و الشعر ده مش بطال
بس بأمانة ؟
قريتلك أحسن من كده

فارس بلا جواد يقول...

أحلام اليقظة
أشكرك علي تعليقك الرائع .. ولكن ما أردت ان أقولة في ختام الأبيات هو أنني أكفر بالحب الذي قد يوصل الشخص الي الهلاك .. فالمعني المقصود من التمرد هنا هو التمرد علي هذا الحب المضني الذي لا يرحم ويقود الشخص الي طريق اللاعودة
وأتفق معك أن المبادئ ليست رهنا للاشخاص الذين نصادفهم في حياتنا .. لكن كلماتي كانت تحمل ثورة علي الضعف والاستسلام للحزن .. وتمرد علي الخضوع الذي يسلب منا أحلي أيام العمر
أرجو أن تكوني استوعبتي وجهة نظري
وأشكرك مرة أخري علي مشاركاتك المتميزة دوما

فارس بلا جواد يقول...

الفارس الملثم
أشكرك يا محمد .. ومن تعليقك أستنتج أن المعني الذي أريد أن أقوله قد وصلك

(اذا كنا لا نمتلك قلوبنا وارادتنا عندما نحب فاننا يجب ان نمتلك ارادتنا عندما نثور علي هذا الحب )

بالفعل لا كلام بعد ما قلت .. وسعيد جدا بتعليقك الأكثر من رائع

فارس بلا جواد يقول...

بنت مصرية
منوراني بجد .. أنا عارف أن الشعر بتاعي لا يتناسب مع جو المرح الرائع اللي بلاقيه دايما في مدونتك
بس بجد رأيك بيهمني جدا .. وبعدين ليه الرومانسية بقت قليلة بعد الجواز .. المفروض انها تزيد كمان
بالتوفيق دايما

فارس بلا جواد يقول...

كاميليا
أكيد معاكي حق أن الحب هو شئ هام في حياتنا .. لكن إذا كان سيسرق حياتنا فيمكننا الأستغناء عنه .. وكما سبق أن قلت كلماتي لا تعني تمردا عاما علي الحب ولكنها تصف نوع معين من الحب قد يكون صاحبه يمارسه بطريقة خاطئة دفعته الي الغرق في بحر من اليأس والحزن
لذلك أجد أن الكلمات تحمل نوع من الأمل للقادم
وأشكرك علي لقب شاعر المدونات .. أكيد رأيك ده بيسعدني
بانتظار تعليقاتك دوما

فارس بلا جواد يقول...

blue nile
مبسوط جدا ان القصيدة عجبتك .. وبالنسبة للبيت الأخير .. المشكلة أن كلمة الكفر أرتبطت في أذهاننا بمفهوم سلبي
فاذا افترضنا أن شخص يكفر بالكذب والغش والخداع فهذا يحمل معني جيد .. لذلك كلمة الكفر الذي يحددها من حيث الايجابية أو السلبية هو الشئ نفسه الذي نكفر به
وأنا هنا وضحت أن هذا الحب الواهي شيئ يجب أن يقاومة الشخص بل وأن أضطرته الظروف فليكفر به
أرجو أن أكون وضحت وجهة نظري
وأسعد دائما بتعليقاتك وملاحظاتك

فارس بلا جواد يقول...

غير معرف
سعيد جدا أن القصيدة نالت إعجابك .. وبالفعل أتفق معك أن الجديد فيهاليست الألفاظ ولا الأوزان ولا الصور ..ولكن الجديد هو الروح والإقبال علي الحياة
وبالفعل سعيد جدا أن أخر بيت حاظ علي إعجابك بالرغم من الجدل الدائر عليه والذي كنت أتوقعه بصراحة .. لأنك بذلك فهمت منه المعني الذي أقصده وأتفق معك أنه كان الختام الأنسب للقصيدة لما يحمله من معاني كثيرة من الرفض والتمرد
ورأيك أنني تميزت في هذة القصيدة أشكرك عليه جدا .. فأنا سعيد بالفعل أن معظم ملاحظاتك علي هذة القصيدة كانت إيجابية .. رغم أنني بالفعل أسعد بأي نقد .. ولكن بالتأكيد هذا التشجيع يدفعني للأمام
وأشكرك مرة أخري علي مداخلاتك الرائعة

فارس بلا جواد يقول...

شهد الكلمات
أشكرك علي رأيك في الأبيات .. ومبسوط جدا انها عجبتك .. وعندك حق أكيد الحياة فيها كتير ولازم نعيش كل لحظة منها
ومستني اقرا التاج
بالتوفيق

فارس بلا جواد يقول...

كوارث
شكرا يا طارق علي رأيك اللي بيسعدني دايما .. وكلمة الكفر أنا وضحت المعني اللي اقصده منها .. يارب أكون نجحت في توضيح وجهة نظري
واذا كان في حاجه قبل كده عجبتك أكتر فده برده شيئ يسعدني .. لأن كل اللي كتبته باعتز بيه .. والموضوع بيكون أذواق .. كل واحد ممكن تعجبه قصيدة مختلفة ..
مستني دايما تعليقاتك

نـــــور يقول...

فارس ازيك
ايه الكلام الجامد ده بس بجد بحييى الفكرة وبراعتك فى تنفيذهاواكتر كلمتين عجبونى بصراحه(إن كان هواكِ هو الإيمان
فسأغدو اليومَ مِن الكُفّار) بجد فيها جمود وصلابه فظيعه ..
تحياتى يافارس ودايما فى تقدم
وروح ياعم شوف التاج بتاعك عمل فيا ايه؟؟ تقبل دعائى بكل خير
دمت فى رعاية الله

أميرة الاحزان يقول...

بجد كلماتك حلوووووووووووة اوووووووووووى يا فارس ...

تسلم ايدك ...

alshared يقول...

لن أُصبحَ قبراً منسيـاً
تأتي الأعيـادُ .. فيُزار

اليوم أحطم أقلامي
وأكفر بلغتي وكياني
ساغدوا بلا ماض
شجرة بلا جذور
في مهب الريح


اليوم
ساترك قلبي
وأشهر سيفي
في وجه نفسي
لأقتلني

اليوم
ميعاد الموت

Maha Shahen يقول...

اكتر جزء عجبنى هو دا
لن يُصبحَ قلبي بِـروازاً
تُسكِنَهُ يداكِ فوقَ جِدار
وبصراحه مش هقعد اتكلم عنه لأنه بيتكلم عن نفسه بجمال التشبيه
واعزرنى لو هقول معجبنيش ابدا التشبيه بالقبور او بالأيمان والكفر
ولكنى احييك على تمردك واتمنى لو يوما نستطيع ان نفعل مثلك
تحياتى

ريمان يقول...

السلام عليكم

فارس

انا كنت منتظرة بوستك الجديد زى ما قولت لى

وبجد انا استفدت كتير منه

شكرا كتير ليك يا فارس

بوست رائع

وكلام جميل

تحياتى

ريمان

أمل فتحى عزت يقول...

السلام عليكم بكل الحب والاحترام


ادعوك لمتابعة
الحلقة الرابعة من حكاية عمى رمزى وعم عمارة فى الحارة


تعالوا نسمع ونشوف العفاريت بتقول ايه عن الحارة


مع خالص تحياتى

فارس بلا جواد يقول...

حبيبة
منورة دايما يا حبيبة .. ومبسوط أن البوست عجبك .. أنتي كمان من المؤيديين للبيت الأخير وده شيئ يسعدني
وفعلا فيه جمود وصلابة عشان كده اخترت اختم بيه القصيدة
وقريت التاج بتاعك وعجبتني جدا اجاباتك
بالتوفيق ومستني تعليقاتك دايما

فارس بلا جواد يقول...

أميرة الأحزان
متشكر جدا علي كلماتك المشجعة .. ويارب يبعد عنك الأحزان وتبقي أميرة الأفراح
مستني تنوريني دايما

فارس بلا جواد يقول...

الشارد
الخاطرة بتاعتك أكتر من رائعة مش عارف اقول ايه بعدها
وفينك من زمان .. طولت الغيبة
بانتظار أعمالك الجديدة

فارس بلا جواد يقول...

نور شاهيين
أشكرك يا نور علي كلامك الحلو .. وبالنسبة لملاحظاتك أكيد شيئ يسعدني
بس أحيانا ممكن نلجأ للتشبية بأشياء تبدو غريبة لكن لو نظرتي لها جيدا ستجدي فعلا أن وجه الشبة قوي
وان شاء الله انتي كمان تتمردي علي كل الأحزان
بالتوفيق دايما

فارس بلا جواد يقول...

ريمان
أشكر جدا انك كنتي منتظرة البوست .. ويارب يكون الكلام عجبك .. والأهم أنك تكوني حسيتي بيه و بدأتي تتمردي علي أي شيئ يسرق مننا العمر
بالتوفيق دايما

فارس بلا جواد يقول...

أمل فتحي عزت
أكيد يا أمل شيئ يشرفني أني أتابع أعمالك
ربنا يرفقك

محمد فاروق الشاذلى يقول...

أعجبنى إحساس الثورة والتمرد المسيطر على القصيدة كما أعجبتنى أيضاً الصياغة واختيار الكلمات
خيراً لك أن تتمرد ولو متأخراً من أن تبقى أسيراً إلى الأبد فى علاقة حب تؤخرك ولا تتقدم بك.

nody يقول...

اكيد طبعا فى حاجات فى الدنيا اهم
من الحب
واكيد طبعا اننا ما نقفش عند قصه حب انتهت
بس تفتكر مين يقدر يطبق الموضوع ده بجد
ساعات بتكون الصدمه قادره على عمل شلل لكل خلايا التفكير
وتستمر الصدمه لسنوات

Aиgel يقول...

فارس ..
هكذا هي الحياة أحياناً تقسو على القلوب الصادقة
وهكذا هم أولئك الذين يمارسون الكذب باسم الحب
لا لشئ سوى تحقيق مقاصد
الحب منها براء
فارس بلا جواد ....
لقد أجدت التصوير وأسرفت في الجمال
وبلغت كلماتك عنان السماء
وكان بوحك حزينا
يأن في الليل والمساء
::

لقلبك الطاهر اطواق ياسمين
فتقبل مروري المتواضع ..
....
لك عندي واجب ياريت تشرفني وتاخده وتجاوب عليه
Angel Love

شهرزاد يقول...

السلام عليكم
كل ما ألمحه في مدونتك وكلماتك
هو الرقي..
الفكر الراقي المنطقي الجميل..
وأضف إلى ذلك القصائد الجميلة
التي تتحفنا بها..
الحقيقة قلمك عالي الإحساس لدرجة أنه يرسم المشاعر بالأقلام..

دمت شاعرا مبدعا

ظل الشمس يقول...

عندك حق
يمكن لان الثقافة المحيطة حصرت معنى الحياة عندنا وهدفها فى الحب والجواز بس
بس ربنا يريح قلوب الناس كلها
بالتوفيق
بجد عجبتنى كلماتك جدا

فارس بلا جواد يقول...

قلب مصري
سعيد أن القصيدة نالت أعجابك
وبالتأكيد التمرد كثيرا ما يكون مطلوب .. لكي ننقذ أحلي أيام العمر من أن تضيع
أشكرك علي المشاركة المتميزة

فارس بلا جواد يقول...

nody
سعيد بتعليقك وأتمني دوام التواصل
بالتأكيد تكون الصدمة قاسية في البداية ويحدث شلل بالفعل مثلما قلتي
لكن يجب أن يكون شلل مؤقت ونتجاوز تلك المحنة سريعا
شكرا لتفاعلك الرائع

فارس بلا جواد يقول...

أنجل
أشكرك علي كلامك المشجع دائما .. ويارب يكون الشعر عجبك .. وبانتظر تعليقاتك دايما
بالنسبة للواجب .. رغم أن أنا بطلت أعمل واجبات من ابتدائي بس عشان خاطر عيونك هاجاوبه
بس ممكن يتأخر شوية .. عشان هيبقي تاج وواجب ورا بعض .. خبطتين في الراس توجع

فارس بلا جواد يقول...

شهرزاد
مش عارف أقولك أيه علي كلامك الرائع ده .. مفيش حاجه تتقال بجد
ياريت فعلا أكون أستحق كلامك الجميل ده
وباتشرف دايما بتعليقك

فارس بلا جواد يقول...

ظل الشمس
سعيد بمرورك الكريم
وأكيد الحياة مليانه بحاجات كتير حلوة نقدر نعيشها
ومبسوط ان الكلمات عجبتك
ويارب تنوريني دايما

Aиgel يقول...


اوك يا فارس
طبعا خد راحتك عشان فعلا خبطتين في الرأس توجع

بس أوعى تنساني

Unknown يقول...

يا راااااااااااااجل طب اقول ايه كل مرة هاقول حلو وجميل ومعبر؟؟؟؟ التعبيرات دى مبتذلة بصراحة مع كلامك الجامد دة.................
حالة الرفض دى قوية جدا وصادقة على عكس كلمات رفض كتير سمعتها بتقول بوضوح شاور لى وانا ارجع احييك على صدقك الواضح.........

إنجى يقول...

انا كمان باقول كده

بوست جميل جدا

تسلم عليه افكارك

تحيتى

tote يقول...

السلام عليكم
عايزة اقولك ان كلامك يخلو ن القسوة واحيك على البوست الهايل واتمنى زيارتك وباى بقى

فارس بلا جواد يقول...

أنجل
ميرسي لذوقك .. وأكيد مش هنساكي بالعكس أنا سعيد جدا بانك اهديتيني الواجب ده

فارس بلا جواد يقول...

enjy
ربنا يخليكي علي الكلام الجامد .. وبجد مبسوط ان البوست عجبك
وفعلا معاكي حق في كلام كتير بيكون معناه الرفض بس مستني اشارة بالرجوع
لكن المرة دي وصل للتمرد

فارس بلا جواد يقول...

إنجي
ميرسي علي كلامك ومنوراني
ومستني تعليقاتك في اللي جاي ويارب يعجبك

فارس بلا جواد يقول...

tote
وعليكم السلام
متشكر علي المرور الكريم .. ويارب تنوريني دايما

Desert cat يقول...

إعتراف من حبيبة إلى حبيبها
من أجله تواجه مشكلاتها
من أجله تحب حياتها
فيه قد نمت كل أمنياتها
تحبه فهو من ملأ دنياها
تموت فيه وكأنها ليل وهو قيسها
تعطيه لو طلب عيناها
تفديه لو كان ذلك يتطلب حياتها

Aиgel يقول...

صباح الورد فارس


جميل جدا جدا الاستايل الجديد

ربي يسعدك يارب

Angel Love

Ehab يقول...

جامد قوي قوي قوي قوي قوي
للصبح يعني هاقول جامد قوي

بس هي بلاش بتاعة الكفار دي يا عم

المهم انت كده دخلت معايا في الثوار
بحب قوي نوعية الشعر المتمرد ده
بحس الواحد بيطلع شحنة حماس من جواه كده

بجد تسلم ايدك
سلااااااااااااااااااااااام

فارس بلا جواد يقول...

desert cat
قد يكون كلامك هو وجه أخر غير الصورة التي رسمتها .. لكنك عبرتي عنها ببراعة
أشكرك علي التفاعل .. واتمني تكرار الزيارة

غير معرف يقول...

عزيزي فارس بلاجواد

مبروك اللوك الجديد الحلو
:)

احيانا صديقي يكون الحزن مرحله من مراحل الشفاء و التعافي

فعقب اي قصه حب لا يكلل لها بالنجاح يشعر الانسان بالحزن الشديد لأعتقاده انه مش حيلاقي الحب ده تاني و ده بيسببله اكتئاب و حزن شديد و ممكن يطول معاه او ياخد وقته و يطلع الانسان من حاله الحزن دي و يبتدي يمارس حياته بشكل طبيعي تاني ده بيعتمد علي حاجات كتيره لكن اكيد مع وجود ناس بتحبه حواليه و وقوفهم جنبه عشان يخرجوه من حاله الحزن دي كل ده بيديله قوه
تسلم علي الكلمات الحلوه و ربنا يسعد اوقاتك دايما
تحياتي ليك

فارس بلا جواد يقول...

انجل
أشكرك جدا علي التشجيع
أنا قلت برده من باب التغيير
وربنا يكرمك

فارس بلا جواد يقول...

الشنكوتي الكبير
أهلا بيك بعد غياب طويل ونورتني بجد
متشكر علي الكلام الجامد ده
وشرف ليا اني أكون معاك من الثوار
ويارب اللي جاي يعجبك

فارس بلا جواد يقول...

اجندا حمرا
أشكرك علي المرور الكريم
أتفق معاكي في ان حالة الحزن التي تسيطر علي الشخص قد تطول بالفعل
لكن لماذا دائما نستقبل الحزن بالترحاب ونفتح له الأحضان .. ربما لو لم نحسن استقباله لرحل في هدوء
أنتظر تعليقاتك دوما

غير معرف يقول...

أنا فعلا شايفة ان كلنا لازم نكفر بالحب اللي ياخرنا ما يقدمناش واللي ممكن يودينا للهلاك وأنا أول طبقت ده ع نفسي ودلوقتي أنا ف أفضل مراحل حياتي ع المستوى العملي ويا ريت كلنا نقدر ننتصر ع الضعف اللي جوانا وناخد قرارانا ونسسي حب ضاع

فارس بلا جواد يقول...

شيماء الشيخ
أكيد محاولة النسيان بتاخد وقت بتكون حياتنا فيه متلغبطة شوية .. لكن أول ما بنتجاوز المرحلة دي بنرجع تاني لحياتنا ويمكن أقوي من الأول كمان