CLICK HERE FOR BLOGGER TEMPLATES AND MYSPACE LAYOUTS »

2008-06-16

هجــــاء

مقدمة
موضوع اليوم قد يروق للبعض وقد لا يروق للبعض الآخر .. لكنه سيبعدنا قليلا عن عالم الرومانسية علي وعد بأن نعود له قريبا بإذن الله .. فقد شعرت بأن موضوعاتي يغلب عليها الأكتئاب فقررت أن أريكم اليوم وجهاُ جديداُ .
هذا الموضوع يحمل بداخلي ذكري لصديق عزيز .. إنه صديق الثانوية ( أحمد علي ) رفيق الكفاح
يالها من أيام .. حينها لم نكن نعرف ما الحب .. فقط نذاكر .. فإذا صادفتنا مشاكل في حياتنا نشكو همومنا للكيمياء أو ندفن مشاعرنا في بعض مسائل الفيزياء
كان أقرب الأصدقاء إلي القلب
حتي فرقتنا تلك الأيام البائسة
فسلكت انا طريق الطب
وسلك هو طريق الهندسة
ياسلااااام .. حتي في المقدمة بأقول شعر .. المهم كنت أنا وعلي مغرمين بالشعر .. وكنا نتحدي بعضنا في كتابته حتي جاء ذلك اليوم ودرسنا شعر الهجاء الذي كان مقرراً علينا بين جرير والفرزدق ( لا أعلم إن كان لايزال موجوداُ بالمقررات أم تم إلغاؤه) .. فأعجبنا بشدة بهذة الفكرة وقررنا أن ننفذها سوياً .. ويهجو كل مننا الآخرفكتب كل منا قصيدة ( لو سمحتوا لي أن أسميها قصيدة) يهجو بها الآخر تحمل نوعاً من الكوميديا والسخرية لكن في حدود الأدب .
سأسمعكم اليوم تلك القصيدة التي كتبتها ( وليسامحني عزيزي علي) . . وبالطبع لا أريد أن يسألني أحد أين قصيدة (علي) لأني لن أقرئها عليكم
قد مر علي كتابة تلك الأبيات 7 سنوات .. وقد تطور أسلوبي في الكتابة عن ذلك الأسلوب البدائي .. ولكني لازلت أري أنها جيدة بالنسبة للبدايات
أتمني أن تنال إعجابكم
...............................
لو تنظرُ يوماً في المرآةِ
لعَرِفت بأن العمرَ قصير
وستُدرك أنه حان الوقت
لتزور طبيب التجميـل
......
بالعينِ جحوظٌ ملحـوظٌ
تُخفيهِ خلف النظــارة
وكأنك أدركت وجـوده
فأخترت لها أن تتواري
......
الجبهةُ صارت فدانــاً
تزحف في شَعْرِك وتسارع
والشعرُ مسكينٌ بائـس
بات إلي الخلفِ يتراجع
......
منخارٌ لا يُرضي غرورَك
أصبح معوّجـاً ومقوّس
ما عاد يُبقيك عليــه
سوي أنك مِنهُ تتنفـس
......
والفمُ كسائرِ أقـرانه
يهجو ويحبُ ويتكـلم
وشفاهٌ عابسةٌ دومــاً
قد ملّت من أن تتبسم

45 التعليقات:

سفينة يقول...

علي فكره انت موهوب قوي من ايام ثانوي.....

احييك علي اسلوبك الرائع جدا

وبجد دمها خفيف قوي
.................

خالص تحياتي

قبطان

Aиgel يقول...

أولا أنا ..أهنيء نفسي لأني سأكون أول المعليقات
:
:
:

نفس بشرية أبت ألا أن تُصحي فينا غفوتنا ..

قلم فاض فانسكب درر ..

وترجم حكم وعبر وحقائق ..

أصبحت منسيه بزمن غافي ..

ترجم لنا حقيقة المرء حين تضيع

سنوات العمر من بين يديه دون أن يدري......
:
:
:
فارس بلا جواد ... رغم أني أرى بأن كلماتك الأقرب إلى الحقيقة حين يتقدم العمر إلا أني أرى تشويها لها فالجمال جمال الروح ولا تنسى بأن تقدم المراة بالسن يوازيه أيضا تقدم الرجل في السن أي إنه سينطبق عليه أيضاً كل وصف ذكرته ....

ولكنك أبلغت وأبدعت في انتظار كل جديد ....

تقبل مروري المتواضع

Aиgel يقول...

ايه ده بقى دكتور محمد سبقني ...
بس بردو انا أول المعليقات في الإناث

هالة يقول...

الله يكون في عون صديقك بجد
بس كان نفسي اعرف رد فعله كان ايه ومراعاة للموضوعية ياريت تنشر قصديته هو كمان.
القصيدة دمها خفيف اوي وكمان مستواها كويس.
جميلة الأيام اللي فاتت ودايما احنا بنشوفها جميلة ودا اللي هنقوله على زمانا دا لما نكبر زيادة ان شاء الله للأسف بنفوت فرصة الاستمتاع بأوقاتنا حينما نصر على أن الماضي أفضل.
شكلي طولت عليك
سلاااااااااااام

غير معرف يقول...

دكتور بالسليقة
دى مش قصيدة هجاء
دى سيكشن تشريح
ههههههههههه
ممتعة قوى يا فارس
دومت بخير

شهد الكلمات يقول...

انا طول عمري مش بحب شعر الهجاء لان بيكون فيه جرح للمشاعر
بس بما ان انت و صاحبك بتهزروا و مش بتزعلوا من كدة يبقي مافيهاش مشكلة

اما بقي بخصوص الكلمات و الاسلوب فدمه خفيف و اسلوبك حلو منذ نعومة اظافرك

يعني حاجة مش جديدة عليك

احسنت

علي فكرة انت ما نورتنيش في مدونتي التانية سيد غتاتة انا بعزمك هناك هتعجبك
http://totatotaa.blogspot.com/
زورزنا تجدوا ما يسروكم:))

تحياتي

غير معرف يقول...

هذه هي حقا الموهبة
وان كنت لا أستسيغ الهجاء
ولكنك نجحت في القائه بسلاسة لا تخلو من السخرية
أحسنت

Unknown يقول...

مش غريب ان تكون دى بداياتك طبعا واضح انك موهوب من زماااااااان..... سؤال رفيع:انت لسة انت واحمد على اصحاب اتمنى يكون ردك اه.... سلام

كاميليا بهاء الدين يقول...

ههههههههههه

جميلة والله

كنت اتمنى اشوف شعر على كمان

ايوه كده

من وقت للتانى، اكتب حاجة لذيذة كده


........
. فإذا صادفتنا مشاكل في حياتنا نشكو همومنا للكيمياء
أو ندفن مشاعرنا في بعض مسائل الفيزياء
.......

اسلوبك فى الكتابة حلو اوى

تحياتى لك وتحياتى ل على كمان

كل الود

فارس بلا جواد يقول...

سفينة
أشكرك يا قبطان .. ومنورني بعد طول غياب .. تاني مرة تعلق اول واحد .. انت ايه حكايتك؟ .. كنت بايت في المدونة ولا ايه
هههههههههههههههههه
بجد نورتني ومستني تعليقاتك دايما

فارس بلا جواد يقول...

angel
متشكر علي ذوقك .. وبجد أنا بافرح بتعليقك سواء كان أول أو أخر .. المهم يكون مكتوب عليه من فوق (angel ) وان شاء الله المرة الجاية تكوني اول تعليق
انا اتفق معاكي فعلا أن الجمال هو جمال الروح .. وعشان كده قلت أن علي كان أقرب صديق إلي قلبي
والموضوع لم يتعدي كونه مجرد مزحة

فارس بلا جواد يقول...

هالة
سعيد بمرورك الاول
(الله يكون في عون صديقك بجد)
هو مش غلبان قوي كده .. ماهو كمان بهدلني
(القصيدة دمها خفيف اوي وكمان مستواها كويس)
الحمد لله انها عجبتك
( ومراعاة للموضوعية ياريت تنشر قصديته هو كمان)
أعتقد أن اللاموضوعية في أحيان كثيرة تكون أفضل

فارس بلا جواد يقول...

أحلام اليقظة
متشكر علي كلامك الجميل .. ومبسوط ان الشعر عجبك
وبالمناسبة حلوة السليقة دي قوي

فارس بلا جواد يقول...

شهد الكلمات
أتفق معاكي أن شعر الهجاء يجرح الشعور
واللي عملته مع علي جرح شعوره ومناخيره وكل حاجه
بس هو السبب .. حد قاله يصاحبني؟
ومتشكر علي كلامك الجميل
وزرت مدونتك بالفعل

فارس بلا جواد يقول...

غير معرف
أشكرك علي الإشادة .. واتمني دائما أن تنال أعمالي إعجابك

فارس بلا جواد يقول...

enjy
متشكر علي كلامك الحلو
وبالنسبة لسؤالك الرفيع
طبعا أنا وأحمد علي لسه أصحاب .. ومش عايز أقولك أول ما سمع الشعر ده واحنا في ثانوي ضحك أد ايه
هو شخصية دمها خفيف و قريب جدا من قلبي
رغم اننا افترقنا بس لسه علي اتصال وبنعرف أخبار بعض
ولما بيتصل بيا باسمعه القصيدة في اخر المكالمه عشان افكره
ههههههههههههههههه

فارس بلا جواد يقول...

كاميليا
مبسوط ان الموضوع عجبك
وفعلا معاكي حق .. احيانا لازم الواحد يغير من كتاباته .. ومايحصرش نفسه في لون محدد
وبالنسبة لاسلوبي في الكتابة .. اشكرك علي التشجيع وقريبا هاضيف للمدونة قصصي ومقالاتي
يارب تعجبك

RaRa يقول...

مساء الخير
انت شاعر موهوب من ايام ثانوى ويمكن لو كنت دورت جواك كنت هتلاقى انك شاعر من الطفولة
الفكرة جميلة الهجاء انما عايزين نعرف رد فعل على كان ايه ؟؟

دمت بخير وسعادة وربنا يوفقك دايما

تقبل تحياتى

غير معرف يقول...

دمها خفيف اوي
بس كنا عايزين القصيدة اللي رد بيها عليك (اكيد بهدلك)
بس بجد جميلة واسلوبك دمه خفيف وكسرت بيه الاكتئاب بتاع الاعمال اللي فاتت
ياريت تبقى تعمل حاجات كده دمها خفيف جديدة

بنت مصريه يقول...

يا عم قول شامبانزى واخلص
مع الاعتذار لصديقك بس فعلا شعر هجائى كوميدى ساخر متميز جدا
الله عليك يا فارس
بجد موهوب

ٍSOU يقول...

جميلة جدددددددددددددددا

نـــــور يقول...

ياخبر يا فارس امال لو كان ليك جواد كنت عملت فى الواد ايه(معذرة ياصديقه احمد)؟؟؟؟؟؟؟؟؟

ياعينى عليك يازميل النقابه
لو سمحت ماتغلطش فيه بعد كدا ده هندسه
والمهندسين لبعضهم انا هسامحك بس علشان ايامها كنتوا لسه فى علم الغيب ومكنش لسه هو مهندس انما بعد كده اااااااااااابدااااا خاف على نفسك هعمل مدونه اقوم عليك كل المهندسين وانا شرانيه بقى ومايغركش المنظر.....

شوفلنا بقى ياعم احمد 2 جنيه فى جيبك ولا حاجه
وفين التواصل يافارس نسيتنا ولا ايه؟؟؟؟

Maha Shahen يقول...

صباح الخير
انت مسبتش شيء مقلتهوش في ملامحه بصراحه انا لو في مكانه مش عارفه كنت هزعل ولا هفرح بما انه هزار يعنى ومتقن فعلا ولذيذ
بس اكيد هو كتب زى كدا بس فعلا هموت واعرف كتب ايه فضول قاتل بقى اتمنى تعرضها علينا وحتى اكتب لا تعليق ومحدش هيعلق علي الموضوع لكن على الاقل امتعنا وشاركنا بما كتبه صديقك
دمت لنا مبدع وتقبل تحياتى

غير معرف يقول...

صديقي العزيز فارس بلاجواد

دأنت موهوب من ايام ثانوي اهو
ربنا يوفقك و انا متفقه معاك ان لازم الواحد ينوع في كتاباته و مايحصرش نفسه في لون معين عشان نقدر نعبر عن كل اللي جوانا من جوانب شخصيتنا المختلفه

تحياتي ليك و ربنا يوفقك دايما
اخبار الامتياز ايه طمني؟يارب يكون كلو تمام
مافكرتش حتتخصص في ايه؟

فارس بلا جواد يقول...

rara
منوراني دايما بتعليقاتك الجميلة
أشكرك علي الكلام الحلو .. ويا ريت فعلا أكون موهوب زي ما قلتي
بالنسبة لرد فعل علي كان فطسان من الضحك .. لان اللي كان بينا أكبر من بعض الحساسيات التافهة الموجودة بين بعض الاصدقاء

فارس بلا جواد يقول...

مي
ميرسي علي كلامك .. والحمد لله انها عجبتك
وبالنسبة لاني اتبهدلت في ده أكيد لأنه علي رد وماسبش حقه
وأوعدك إني دايما هانوع غي اعمالي
ومستني تعليقاتك دايما

فارس بلا جواد يقول...

بنت مصرية
هههههههههههههههههههه
هو مش لدرجة شمبانزي
هو بس كان شعره خفيف
ومناخيرة بتحدف شمال
وعنده شوية حول
لكن كان زي الفل

فارس بلا جواد يقول...

sou
(جميلة جدددددددددددددددا)
متشكر جدددددددددددددددا

فارس بلا جواد يقول...

habiba
منوراني بجد
وبعدين نقابة مهندسين ايه .. مش هتقدري تصمدي قدام نقابة الأطباء .. لأن في عدد رهيب من الاطباء اللي عندهم مدونات .. يعني بلاش تدخلي معركة هتخسري فيها

وبالنسبة للاتنين جنية ما تخافيش سرك في بير .. ولا كأني سمعت حاجه

فارس بلا جواد يقول...

nour shahen
منوراني بتعليقاتك ..
أنا عارف أن لو كان حد تاني مكان علي كان ممكن يزعل .. وكنت ممكن أنا ما أكتبش الكلام ده .. بس عشان أنا عارف علي كويس .. وكمان دي كانت شروط اللعبة كل واحد يكتب باسلوبه بنوع من السخرية
بالنسبة للفضول القاتل .. حاولي انتي اللي تقتليه .. يعني لما يكون نفسك في حاجه حاولي تنسيها .. وأنا هاساعدك في كده
ههههههههههههههههه
منتظر تعليقاتك دايما

فارس بلا جواد يقول...

اجندا حمرا
مبسوط ان البوست عجبك
ومتشكر علي التشجيع ده
وأكيد التغيير مطلوب وأنا أوعدك أني دايما هانوع في موضوعاتي
وبالنسبة للامتياز الحمد لله الدنيا ماشية والتخصص لسه مش واضح .. بس احتمال يكون تخدير اذا اتعينت في الكلية
ومتشكر جدا علي سؤالك

نـــــور يقول...

ماشى ياعم فارس شكلك هتقومها فى دماغى وهتقوم حرب طائفية فى مصر بسببك .
وبعدين انا ماادخلش معركة ممكن اخسرها انا عارفة انا بقول ايه؟؟
لالالالالالالالا ده احنا جامدين قوى وهنشوف يادوك.....اوعى وشك

مستنيه البلوج الجاية عندك تبقى الفرزدق يرد على جرير.... اقصد احمد يرد على فارس وفرجونا عالفضايح بقى

الفارس الملثم يقول...

هههههههههههههههه

انا دايما كنت من مش بحبشعر الهجاء ده , يعني مفترض ان الشعر نوع من السمو في المشاعر , اما دول عاملين شعر يشتموا بيه بعض , بس طبعا واضح موهوب من يومك بس طبعا من غير شعر الهجاء ده ههههههههههه

بس احنا كنا عاوزين نشوف قصيدة علي ممممممممممممم

تحياتي ايه الفارس الآخر
محمد

Tamer Nabil Moussa يقول...

بجد بوست مميز يافارس

تسلم الايادى

تحياتى

فارس بلا جواد يقول...

habiba
هههههههههههههههه
واضح أنك مستحلفة للدكاترة أنا عن نفسي بارفع الراية البيضا .. لأن مفيش ولا دكتور شجعني و قالي أحنا معاك
الظاهر كلهم بيجو ساعة الجد ويخلعوا ..
بالنسبة للبوست الجاي آسف اني مش هاقدر انفذ طلبك بس أوعدك ان البوست الجاي هيعجبك
ومستني تعليقاتك دايما

فارس بلا جواد يقول...

الفارس الملثم
منور يا أبو الفوارس .. باتفق معاك أن الهجاء عليه نقطة خلاف كبيرة
لكن يجب أن نعترف أنه فن من فنون الشعر برع فيه العرب وبالتحديد في العصر الجاهلي .. قد يكون فضول مني بأن أخوض تلك التجربة .. فقط أردت أن أطرق جميع الأبواب .. ولا أدع نوع من فنون الشعر إلا و أجربه
سعيد بتعليقك وأنتظرك دائما في القادم

فارس بلا جواد يقول...

تامر نبيل
أشكرك يا تامر .. وسعيد أن البوست عجبك .. ونورتني بجد

Maha Shahen يقول...

عزيزى فارس
أتمنى أن تكون في أحسن صحه وأتم حال
لقد اهديتك تاج وأتمنى أن تقبله فلتذهب لمدونتى لتقرأ البوست ولتسعدنا بمشاركتك احلامك وامنياتك
وأنا مش هنسى ابدا واتمنى تعرض فعلا على كتب أيه ودى أمنيه بأجماع الآراء اكيد
تقبل أرق تحياتى
نور

إيثار يقول...

كلام جميل
شكرا على الموضوع

تحياتي

نـــــور يقول...

شفت بقى اديك سلمت !!! كويس انا كنت عايزة اقولك سلم تسلم زى الافلام وكده يعنى اهى جت منك
وبعدين لما انتوا مش قد الكلام بتقولوه لييييييييييييييييييييه؟؟؟؟؟؟!!
يلا عفونا عنك يابنى قوم وارفع راسك ولو حبيت تبيعهم زى ماباعوك انا ممكن اقف جمبك واضمك لنقابة المهندسين وساعتها تقوم حرب فظيعة شنيعة مريعة عليهم خصوصا انك هتبقى عارف خباياهم
مستنية جديدك وان شاء الله يعجبنى دايما

فارس بلا جواد يقول...

nour shahen
في البداية أشكرك جدا علي التاج .. وأتشرف أني أجيب عليه .. وبجد سعيد بيه جدا لأن ده أول تاج يوصلي
بالنسبة لقصيدة علي .. أنا لاحظت أن الطلب زاد عليها .. بس بجد لو كنت أعرف كنت نشرتهم الاتنين مع بعض .. بس أنا مش فاكر منها غير بعض أبيات لأن الموضوع فات عليه أكتر من 7 سنين .. وانا ماكنتش كاتبها
لكن عموما عشان ما زعلكيش أنا فاكر منها بيت كان بيضحكني

وساق نحيلة
كعود القصب
وشعر تحت أنفك
يحاول عبثا
أن يصبح شنب

بس بجد لو كنت فاكرها كلها كنت نشرتها
ومتشكر مرة تانيه علي التاج

فارس بلا جواد يقول...

عاشقة الحب
شكرا علي مرورك .. ويارب الجاي يعجبك .. واتمني تنوريني دايما

فارس بلا جواد يقول...

habiba
هههههههههههههههههه
يعني علي اخر الزمن هابقي عميل
ماشي اهو كله بتمنه برده .. هو انا خدت ايه من الطب يعني
متشكر يا باشمهندسة
ويارب تنوريني دايما

nody يقول...

ايه الموهبه الموهبه النعتقه معاك من ايام الثانوى دى
قصيده حلوه وفيها وحده عضويه
بس يسلام بقى لو مقدمه طلليه كده
دى اول زياره للمدونه
وان شاء الله مش هاتكون الاخيره

فارس بلا جواد يقول...

nody
متشكر علي كلامك الجميل
ويارب كل اللي جاي يعجبك
وسعيد جدا بمرورك