CLICK HERE FOR BLOGGER TEMPLATES AND MYSPACE LAYOUTS »

2008-05-27

مش هاسافر


حتي لو كان الزمن ده مش بتاعنا

مش هاسيبهم ينهبوكي ......... اللي خانك واللي باعنا

..............

يا مصر طالت الغُمّة .......... وطال الإنتظـــــــــــار

بس هافضل أغني لحد ......... ما يعود النــــــــــــهار

مش هاسافر مش هاسيبك ......... لجل درهم او دينار

الأمل لسه في قلوبنا ......... لسه في عيـــون الصغار

دولا أولاد الفراعنة

مش هاسيبهم ينهبوكي .......... اللي خانك واللي باعنا

...............

لازم نقتل الخوف من قلوبنا ....... ونخرج م التابوت

لو نسلم روحـــــــنا للخوف ......... يبقي أحسن لو نموت

لو كتمتوا صوتــــي هيطلع ........ بعدي ألف صوت

لحد ما تحسوا بوجعنا

مش هاسيبهم ينهبوكي ...... اللي خانك واللي باعنا

2 التعليقات:

هالة يقول...

فارس بلا جواد
جميل اني الاقي حد لسه عنده أمل وصمود وتحدي، يارب نتخلص كلنا من الاكتئاب ونحاول ونتمسك بوجودنا ونخلص بلادنا من كل المصائب اللي فيها.
اشكرك على الكلام الجميل ويارب دايما بالتوفيق

اقوال علمتني يقول...

الكلام ده حقيقي جميل ..لكن مش بعيد علي الي بيقراء لفروق جويدة ..من زمان وانا مقراتش قصائد حلوى كدااااااا.
شكرا علشان رجعتلي الامل في شباب المستقبل.