CLICK HERE FOR BLOGGER TEMPLATES AND MYSPACE LAYOUTS »

2008-05-27

الهروب


ماذا تفعل اذا كنت شخص متردد .. كيف تختار بين ان تصارح من تحب بحبك او تكتم ما بداخلك الي الابد انه صراع رهيب.. قد ينتهي بمأساة اذا اخترت المغامرة.. وقد تكون حكيما من البدايه وتفضل الانسحاب الذي قد يراه البعض انهزامية وسلبية ولكنك تراه القرار المناسب للهروب من الجحيم
.............................................................

لسه مش قادر احدد موقفي .... يا اقولها يا اما ابعد ومن حياتها اختفي

عقلي وقلبي عذبوني .... كل واحد منهم يهدد

عقلي يقولي بلاش دي نار ... ما فيوم هتبرد

قلبي بيصرخ بين ضلوعي .... كفاياك تردد

لحد امتي بالسكات راح تكتفي

ده انا حتي مش قادر احدد موقفي .... يا اقولها يا اما ابعد ومن حياتها اختفي

لو قلت هابعد .... يمكن يكون صعب الفراق

لانه برده..... نار وحيرة واشتياق

لكني خايف لو قالتلي .... خلينا احسن اصدقاء

ساعتها اموت وشمع قلبي هينطفي

خلاص هاحدد موقفي..... هابعد بعيد ومن حياتها هاختفي

4 التعليقات:

mai يقول...

جميلة اوي فعلا
بس الم الفراق اصعب من اي الم

فارس بلا جواد يقول...

مي
زي ما قلتلك ان ده اصعب اختيار
الواحد من جواه مش قادر يكتم حبه .. لكن في نفس الوقت لو الحب ده فشل هيندم باقي حياته انه رمي نفسه في النار بإيده

سفينة يقول...

علي فكره يافارس

من طبيعة الفرسان الإقدام والمغامرة وتحدي الصعب ..

اتقدم وغامر واذا موصلتش لهدفك يكفيك شرف المحاوله
..............

علي فكره انت موهوب وحساس قوي

تقبلني ضيف دائم عندك

مستني جديدك،وياريت تنورني دايماً
..........

تحياتي


قبطان

فارس بلا جواد يقول...

سفينة
أشكرك علي ذوقك وكلامك
مش كل الناس هتتفق معاك في الرأي ده .. في ناس قوية وتقدر تغامر لحد ما توصل لهدفها زي ما انت قلت
لكن في ناس بتكون ضعيفة .. او بتكتشف ضعفها لما تحب رغم انهم كانو فاكرين نفسهم أقوي من كده
عشان كده الاختلاف في الحالة دي يبقي مقبول وراجع لطبيعة كل شخص
أتمني دايما تنورني وأسمع آرائك الجميلة دي