CLICK HERE FOR BLOGGER TEMPLATES AND MYSPACE LAYOUTS »

2008-05-27

وعود


هل يكون القلب دائما مطيعاً لصاحبه.. أم أنه في بعض اللحظات يعلن حالة العصيان .. هل في احدي المرات ابرمت إتفاقا مع قلبك وأتخذت عليه وعوداً ثم فوجئت به يتنصل من وعوده
..................................................
وعدتني يا قلبي إنه ..... مش هيبقي أكتر من صديق
وعدتني إنك هتهرب ..... لو يوم قابلته صدفة في الطريق
وعدتني وحلفـــــت إنك ..... مش هتستنـــــــاه يعــــــود
وعدتني و أول ما شفته من بعيد ..... نسيت كل الوعود

11 التعليقات:

اجندا حمرا يقول...

عزيزي فارس بلا جواد
اسمحلي اهنيك علي بدايه دخولك عالم التدوين و بتمنالك التوفيق فيه و في حياتك العمليه و الامتياز و يارب يخلص علي خير

بخصوص البوست بتاعك شوف كتير اوي قلنا لقلوبنا الكلام ده بس ساعات قلوبنا بتعلن العصيان علينا و مش بتسمع كلامنا

صعب اللي حبناه في يوم يبقي مجرد صديق

الصداقه ممكن تقلب بحب لكن صعب اوي ان الحب يقلب لمجرد صداقه
فيه ذكريات و مواقف لا تنسي بين الأحبه
الزمن صحيح كفيل بالنسيان لكن وجود حد حبناه في يوم من الأيام قدامنا بيخاللي عمليه النسيان صعبه اوي

بتمني ليك حياه كلها سعاده و تفاؤل و نجاح
و في انتظار جديدك دائما عزيزي

تحياتي لك

فارس بلا جواد يقول...

أجندا حمرا
أشكرك جدا علي تعليقك .. واكيد معاكي حق ..صعب جدا إن الحب يرجع مجرد صداقة .. أعتقد ان في الحالة دي يبقي البعد أحسن .. بس لو كنا نقدر
سعيد بمعرفتك واتمني تعتبريني صديق أو حتي ورقة من أجندتك

PrInCeSS BeRy يقول...

هاى فارس ازيك مدونتك حلوة اوى والبوست تحفة وايوة فعلا ممكن القلب يعلن العصبان


بجد حلوة كتير البوست تيلم ايدك اتمنى تنورنى

فارس بلا جواد يقول...

بيري
أشكرك جدا علي التعليق ومبسوط ان البوست عجبك .. واتمني تنوريني دايما .. واكيد ليا الشرف اني ازور مدونتك

ساره البحر يقول...

بجد يا فارس كلماتك جميله اوي اوي اوي وعجبتني جدا
اما بقى عن الفكره نفسها فهي بتحصل كتير وكتير اوي القلب بيعلن العصيان على صاحبه
كتير بيوعده انه هينسى وانه خلاص واول ما يشوفه تاني وكأنه عمره ما وعد
تحياتي ليك

فارس بلا جواد يقول...

سارة البحر
أشكرك جدا علي كلامك .. واضح من تعليقك ان كلامي وصلك .. واتمني دايما اسمع رايك في اللي جاي ان شاء الله

rara يقول...

مساء الخير
كلماتك جميلة اوى
وكتير ان القلب يعلن العصيان على صاحبه عندما يشعر انه تخلى عنه او لايهتم به او فى امور كثيرة اخرى

تحياتى

فارس بلا جواد يقول...

رارا
أشكرك علي تشجيعك
ويارب دي ماتكنش اخر زيارة .. انا كمان عجبتني مدونتك جدا وعشان كده رأيك يهمني

mai يقول...

فعلا صعب الحب يتحول لصداقة او يرجع تاني لصداقة
وبيبقى حله البعد بس محدش بيقدر يبعد بسهولة لانه اتعود على وجود الانسان ده في حياته وهيحس بفراغ كبير من بعده وقرار البعد بيبقى اصعب قرار وساعتها ممكن الواحد يتحمل الامه في سبيل انه يفضل مع اللي بيحبه تحت مسمى الصداقة ولا انه يتحمل الام الفراق والبعد

فارس بلا جواد يقول...

مي
كلامك صح .. انا قلت ان البعد يكون احسن بس لو كنا نقدر .. مش كلنا عندنا القوة اللي تخلينا نبعد عن انسان حبناه .. كل اللي في ايدينا اننا نغني زي أنغام ( هاتمناله الخير )

غير معرف يقول...

وهل للقلب وعد؟
القلب هو الجنون
فهل للمجنون وعد؟!

الصداقة تتحول لحب
اما الحب فلا يعود مجرد صداقة
فالحب امتلاك , وحاجة لان تكون بصحبة من تحب الي الابد
واهم من حاول تحويل الحب الي صداقة
البعد هو الحل حتي لا يسبب جرح لاي منهما
وان كان في البعد عذابا مضاعف
الحل الوحيد ان يتحول الحب الي معزة ومودة بالقلب تدوم العمر وتجعلنا نتمني الخير لمن نحب حتي وان لم نكن جزء من حياتهم فيكفي ان يكونوا بخير